IBRANIYIIN 12:16 - Uduk New Teatament and OT Portions

¹⁶ dhali ki wathin ṯal ’deŋ kamu/ midi diki mii mii jin miinu miinyc̱al mo walla diki dhu mii kun ḵogu mo, me’da Iisu mo, a’di jin yolki mo ma bwanyaram piti ki tonṯe/ jin shwanu ’te/ mo be.

IBRANIYIIN 12:16 Iomraidhean Croise

ṮAKWIIN 27:36

Iisu oki gwo mo ki: A’di ’konuki yuḵ gway ka Yakuub ka jiŋ gana/ ’taa? Haali/ a’di thamki aha/ thum me’di su/ mo. A’di bu’thki mo ma bwanyaram pem jin taka/ mo, dhali hili mo mo ma, shwane/ a’di bu’thki mom’bor miim pem ’peni aha/ mo. Yan’ko’d a’di ki o gwo mo ki: A/mom’bor miiŋ kamu/ bunya/ dina /e ki ’tash ’twa/ mo gom aha/ mowa?

MARKUS 7:21

Haali/ ’peni bwaman mo, ’peni bwaman ma du wathi/ mo tani a’di p̱u’dkina gwon thus kun kulumu ibwa kun shi/ashi/ mo, kun ta mii gun miinu miinyc̱al mo, dhali mmota ’di/ mo dhali mmo’kosha mee mo dhali mmota c̱al mo

MII GUN MIINU MO 15:20

Hili ana mina ’kwar uni gwo mo ki uni mini dhal mii ’pen mo kun miina uni mo mmoluŋ tomp̱inycon mo dhali ’peni mo kun miinu miinyc̱al si’da/ mo dhali ’peni to gun minyciru ’kus dhali ’peni miin to ma bas si’da/ mo.

MII GUN MIINU MO 15:29

ki um mini dhal mii ’pen mo ’peni to kun ’ciṯẖu/ mo mmomiiya basa ’cesh mo mmoluŋ tomp̱inycon dhali ’peni miin to ma bas mo dhali ’peni to kun minyciru ’kus mo dhali ’peni mo jin miinu miinyc̱al si’da/ mo be. Waḵki/ um mini non is bum ’peni to gwansan mo tani a’di midi bor mo gom um mo. ’Koyi ki mom’bi’th is mo ma.

KURINṮH̱UUS ’DE/ 10:8

Ana mina mii ’koki dhal is bana bway mo e mo jin miinu miinyc̱al mo me’d kun tiya mo kun miikin kan mo dhali ’kwani kun tana alaap̱i iss ’kwanimpa ’de/ i’ce’dka kwara mo kun ṯa’kki jwa mo me’d ḵurkun ka tente/ mo.

KURINṮH̱UUS SU/ 12:21

Aha/ ḵo/kina is mo ki me’d jin miga/ p̱u’dku/ mo doḵ/e mo tani Arumgimis pem a’di midi ’taki kar aha/ ki is jin gwa’da’d mo ibwambori um mo dhali aha/ mina ’taki mii ko mo goma ris uni gwansan kun miiki miinthus iṯwa/a/ mo dhali ’koki rica du is mo ’peni mon’dap̱ em buni mo dhali mii gun miinu miinyc̱al mo dhali mii kun ’kanuwa ḵanthi/ mo, a’di jin boṯkina uni mo mmomii mo be.

EP̱ASUS 5:3

Hili mo jin miinu miinyc̱al mo dhala ris mii kun ta en’dap mo walla mo jin tanuwa ’thoṯẖum bwa mo minu ’koki mii yer gway mo isi bwaman um kani me’d jin hana mii me’d mo e bwaman uni kun dhunu ki she/ ki dhelel dhelel mo.

EP̱ASUS 5:5

Mishi ki ’bore/ gom gwo yan mo ma. Wathin ’deŋ kamu/ jin mii miinyc̱al jin haku ’pen c̱eŋ gwas mo walla jin ’dap̱a’da ’dap̱ e mo walla jan ’deŋ kamu/ jin ta’da ’thoṯẖum bwa mo (a’di jin ta mii jin luŋu to mo) midi diki gam ari mal e Bampa/ ma Ḵrisṯẖos mo dhali Arumgimis mo be.

KULUSSI 3:5

Wakan, ’koshi mii ga ’cesh jwa mo kun ’kon e um mo, kun ta mo gun miinu miinyc̱al mo dhali mo gun ’dap̱u e mo dhali e kun dhunu ki ’thir ’thir mo dhali bwan thus kun pishu is mo dhali mo jin ’thoṯẖu/ bwa mo, a’di jin ta mii jin luŋu tomp̱inycon mo be.

ṮIMUṮH̱AWUUS ’DE/ 1:9

A’di midi mii mish gwo yansan ’ban mo, ki gwoŋḵan jin c̱inu mo yisa ’thikunuwa ’cesh mo gom uni kun ta kuŋ ḵar/e mo, hili gom iman/ush gwoŋḵan mii mo dhali iman/ush gwo ha e mo, dhali gom ku gi ushuna ush goma Arumgimis mo dhali imanmii miinthus mo, dhali gom ku gi ’koki dhelel mo dhali gom ku gi ’koki dhu mii kun ḵogu mo dhali gom iman’kosha mee mo ki icom mo dhali iman’kosha mee mo ki ikum mo dhali iman’kosha mee mo ki ’kwani mo,

IBRANIYIIN 13:4

Dhalki mash jin mashu ki mash gana/ mo karu ki montaḵi bwaman umi ’baar mo dhali dhalki mo gi miinu miimash karu ki jiŋ ḵogu mo haali/ Arumgimis midi dwall gwo mo gom uni gun ha’k ’pen ’ceŋ gwaṯẖ mo dhali up̱ kun ta kumana ’ka mo dhali uni gun mii miinyc̱al mo.

GWO JIN ’CEENU MO 21:8

Hili gom uni gun tana shi/iny jwa mo dhali uni gun dar gi moŋgam gwo is mo, dhali uni gun wali gwo sor mo, dhali uni gun ta iman’kosha mee mo, dhali uni gun ta imanha’k ’pen c̱eŋ gwas mo, dhali uni gun ta imanmii mii ma rum mo, dhali imanluŋ tomp̱inycon mo, dhali aris uni gun tana ṯor mo tani tom buni di’d jin midi ’bag uni e mo eya al o’d mo jin purki’d ki o’d mo dhali to jin si’du mo si’da/, a’di jin ta wu jin ’kon ma p̱o/i su/ mo be.

GWO JIN ’CEENU MO 22:15

Apije/ mo tani arisa ’ka ’kokin mo dhali uni kun mii mii ma rum mo dhali uni gun ha’k ’pen c̱eŋ gwas mo dhali iman’kosha mee mo dhali imanluŋ tomp̱inycon mo dhali aris ’kwani ’baar ka ’deṯe/ ’deṯe/ mo, uni kun enina en thus mo dhali boṯki mii gi imanc̱i gwonthus mo.