IBRANIYIIN 11:9 - Uduk New Teatament and OT Portions

⁹ Ki moŋgam gwo is mo tani a’di warki’d ki yilkina/ e mony’cesh jin onu gwo is mo, e mony’cesh jin diki ta jim pitiŋ gana/ mo, mmoc̱a’b e gu’b burrinye/ jin nyaŋu mo nyaḵka Is/hak mo dhala Yakuub mo, uni gun ta imanḵal mal mo nyaḵki a’di mo ki gwon ’de/ jin onu is mo be.

IBRANIYIIN 11:9 Iomraidhean Croise

ṮAKWIIN 12:8

Yan’ko’d a’di ki thoṯẖ mo e ’kuwosha turga/ gi mom’pesho’k ki Pam Beeṯ/iil mo dhali a’di ki ṯel gu’b burrinyem piti mo. Pam Beeṯ/iil di’d ka bora luŋgu’b mo dhali Pa Aay di’d ki ’ban gi mom’pesho’k mo. Dhali e mun mo tani a’di ki nyaŋa gwaṯa/ jin miinuwa bas gom Tap̱a mo dhali a’di ki yuḵ gway gi Tap̱a mo.

ṮAKWIIN 13:18

Wakan Abraam ijoc̱ki gu’b burrinyem piti mo dhali a’di p̱u’dki’d mo dhali c̱a’bki’d mo e ’ko’d gwar gi dhan cwa jin wana e ka ’kwaṯṯan ma Mamra kun ’kon e Pa Habruun mo. Dhali e mun mo tani a’di ki nyaŋa gwaṯa/ jin miinuwa bas gom Tap̱a mo be.

ṮAKWIIN 13:3

Dhali a’di yaki’d ’pena Januub mo ntagi Pam Beeṯ/iil mo e mo jin dikina gu’b burrinyem piti ki monṯel ’pen mo, mo jin diki’di bwaman gi Pam Beeṯ/iil mo dhali gi Pa Ayy mo,

ṮAKWIIN 17:8

Dhali e /e mo dhali e emen pini kun mini pi ’peni /e mo ’ko’di /e mo tani aha/ mina c̱i um mony’cesh gi mo/ii ki iiŋ ’kus bum mo dhali aris mony’cesh gi Paŋ Kanaan mo mmota mom bum jin mina um ibu’th ki sule/ sule/ mo dhali aha/ mina ta Arumgimis buni mo be.

ṮAKWIIN 18:6

Dhala Ibrahiim miiki is ki ’kasa/ ’kasa/ mo mmop̱u’d e gu’b burrinye/ eya Saarah mo dhali oki gwo mo ki: Thosoni to ki jahanne/ mo ma, to jin ta’da dip̱any jin ’tiya’ti jin baru ka uc̱aŋi kwara mo. Na’th a’di mo ma dhali miiya guraasa mo ma.

ṮAKWIIN 18:9

Uni oki a’di gwo mo ki: Mane Saarah jin ta ashim pini mo mane? Dhali a’di oki gwo mo ki: A’di di’di gu’b burrinye/ mo be.

ṮAKWIIN 21:34

Dhala Ibrahiim yaki’d ki yaŋ’kus e Bampa/ gi Pam P̱ilisthiin yil ka ris mo be.

ṮAKWIIN 23:4

Aha/ tana wathi/ yilkina/ dhali aha/ yana yany c̱a/ ibwaman um mo. C̱iyaa/ mo mbwam um jin miga/ kana kan mo ki aha/ mina kan jwam pem ’peni jis/em pem mo.

ṮAKWIIN 25:27

Me’d jin cakina uc̱i su/ mo tani Iisu ta wathi/ jin kora e ki kor e mompar mo, a’di ta wathi/ ma shoŋ gana/ mo ka Yakuub ta wathi/ jin bu’th is piti ka mathaŋ’kur dhali c̱a’b e gu’b burrinye/ mo be.

ṮAKWIIN 28:4

Dhalki a’di c̱i mom’bor mii ma Ibrahiim ki /e mo dhali emen pini si’da/ mo ki /e mini bu’th bampa/ gwan kun takina /e ac̱a/ ap̱o/ mo a’di jin c̱ikin ma Arumgimis a/Ibrahiim mo.

ṮAKWIIN 31:25

Dhali aLaabaan gamki’da Yakuub mo. Dhala Yakuub a’di thumki gu’b burrinyem piti e bampa/ gi paŋ ’kuwosh mo dhali aLaabaan nyaḵki ’kwani ma bas piti mo tani uni ishkina yuuka/ mo e paŋ ’kuwosh gi Pany Jil/aad mo be.

ṮAKWIIN 35:27

Dhala Yakuub p̱u’dki’di com ka Is/hak mo e Pa Mamra mo walla e Paŋ Giryat/arba mo a’di jin ta Pa Habruun mo e mo jin yakin ma Ibrahiim dhala Is/hak iinyc̱a/ mo be.

ṮAKWIIN 36:7

Haali/ tom buni kun gamkina uni mo tani uni caaca kagahara mo gom uni mmo’ko imonṯal ’de/ mo haali/ mony’cesh jin tana uni ac̱a/ ap̱o/ mo tani midi mol uni thip̱ mo gom to/em buni mo.

ṮAKWIIN 47:9

Dhala Yakuub thoḵki’da P̱irawn gwo mo ki: Atee gi yila c̱a/ pem mo tani uni ’koni iss ’kwanimpa ipe’de/ i’ce’dka ’kume’da p̱o/ mo. Dhala tee gi yil gi mondiki/em pem mo tani uni tana hony/e mo dhali kun p̱u’da tonthus ap̱o/ aha/ mo dhali uni yisa i’thona/ ’tho/ ki me’d goma tee gi yil gi moŋ’koki/e gi ibabam pem ka atee kun iikina uni iinyc̱a/ mo.

GWAY GI IDAWUU’D 105:12

Ki uni ’kon ki daḵa/ ka ris buni mo, ki uni ta jasi ara ushalaŋ gana/ mo, ki iimpem buni e a’di mo,

IBRANIYIIN 6:17

Wakan ka Arumgimis dina gwo ibwa mo mmoṯor mo jin p̱ina a’di gwo jip̱i e ki nyanye/ mo gom uni gun mini ḵal mal gi gwo jin onu is mo tani a’di diki aḵ buyempam pitiŋ gana/ e mo gom ’kup̱ bwaŋ ganam piti mo tani a’di hurki ’pen bway bwaman mo ki gwo jin thulkina a’di me’da p̱o/ mo be.