IBRANIYIIN 11:8 - Uduk New Teatament and OT Portions

⁸ Ki moŋgam gwo is mo tani a/Ibrahiim haki gwo e mo ki a’di yuḵkunu mo mmoya ka pije/ mo e mo jin mina a’di bu’th mal mo. Dhali ki a’di yaki’d ka pije/ mo tani, mo misha a’diya jin yana a’di ya mo?

IBRANIYIIN 11:8 Iomraidhean Croise

ṮAKWIIN 11:31

Taarah ki susa Abraam jin ta ya/m piti mo dhala Luuth jin ta’da ’ci ma Haraan mo, jin tana a’di adhancom mo, dhala Saray jin ta’da mar piti mo, a’di jin ta ash gi ya/m piti jin ta’da Abraam mo, dhali uni iikin mo mmonṯal ’de/ mo ’peni Pa Ur ma Kaldaan mmo/ii e bampa/ gi Paŋ Kanaan mo. Hili ki uni p̱u’dkin e Pan Haraan mo tani uni ki ’ko mo be.

ṮAKWIIN 12:5

Dhala Abraam ki susa Saray jin ta ashim piti ilu/ mo dhali a’di ki susa Luuth jin ta’da ’ci ma kam mo, dhali aris tom buni kun tana uni mo uni gun tulkina uni is mo, dhali ’kwani kun gamkina uni e Pan Haraan. Dhali uni ’kakin ka ji sho’k ki bway Paŋ Kanaan mo. Ki uni p̱u’dkin e bampa/ gi Paŋ Kanaan mo tani

ṮAKWIIN 12:7

Dhali yan’ko’d Tap̱a ki piya Abraam i is mo mmo/o gwo mo ki: E emen pini mo tani aha/ mina c̱i uni mony’cesh yansan mo. Wakan a’di ki nyaŋ agwaṯa/ jin miinuwa bas gom Tap̱a mo a’di jin piki a’di i is mo.

ṮAKWIIN 15:5

Dhali a’di suski a’di mo ka pije/ mo dhali oki gwo mo ki: Hilki /e mo ’kup̱ki momis mo, dhali deŋi arisa cul e mo waḵki/ /e mini mish uni deŋ e mo. Dhali yan’ko’d a’di oki a’di gwo mo ki: Wakan be, emen pini kun mini pi ’peni /e mo tani uni imini ’ko mo be.

ṮAKWIIN 17:8

Dhali e /e mo dhali e emen pini kun mini pi ’peni /e mo ’ko’di /e mo tani aha/ mina c̱i um mony’cesh gi mo/ii ki iiŋ ’kus bum mo dhali aris mony’cesh gi Paŋ Kanaan mo mmota mom bum jin mina um ibu’th ki sule/ sule/ mo dhali aha/ mina ta Arumgimis buni mo be.

ṮAKWIIN 20:13

Dhali ki aha/ raḵkin ma Arumgimis mo mmo/ii ki ii ma c̱a/ mo ’peni gu’b ma babam pem mo tani aha/ okina yim gwo mo ki: A’di yansan ta miim pini jin mina /e ikar bwa jin kushakush gom aha/ mo. Eya ris mo i’baar mo jin mina ana ip̱u’du/ mo tani oyi gwo gom aha/ mo ki: A’di ita’da kam pem mo.

ṮAKWIIN 22:18

dhali e emen pini mo tani aris kal gi ’kwaniny’cesh minu ’bor mii mo haali/ /e haki gwo gi ’twam pem e mo.

ṮAKWIIN 26:3

Tayi ac̱a/ eya ’cesh yan mo dhali aha/ mina di nyaḵki /e mo dhali ’bor /e mii mo, dhali gom /e mo dhali gom emen pini mo tani aha/ mina c̱i aris bampa/ gwan ki /e mo dhali aha/ mina thim gwom pem jin oka/ is mo mmothul gwo me’da p̱o/ goma Ibrahiim jin ta’da babam pini mo be ki:

MAṮṮA 2:21

Dhali a’di cuki mis mo dhali susa ’ci dhali kum mo dhali ii mo e bampa/ gi ’Kwani ma Israyiil mo be.

RUUMIYA 1:5

Dhali ki a’di mo tani am bu’thkina ’the mo dhali am takina imandhunu ki she/ mo imonṯal ’de/ mo e mmoha gwom piti e mo ki moŋgam gwo is mo em bwaman kal gi ’kwani e mony’ceshi ’baar mo gom gway piti mo be.

RUUMIYA 10:16

Hili uni ’baar ’koki c̱i is ki gwom ’borga/ yan mo. Haali/ a/Ishaya o gwo mo ki: Tapa gamkin maja gwo is jin ciḵa a’di ’peni aman mo?

RUUMIYA 6:17

Hili ’bora’bor ka Arumgimis mo haali/ um gun ’thissa/ ta c̱iŋkina/ gi miinthus mo tani shwane/ um warkin ki imanha gwo e ’pena duŋ gana/ gom gwoŋ ḵar/e yan jin c̱inu um mmomii mo.

KURINṮH̱UUS SU/ 10:5

Ana ’ce’dkina gwo jin garu ’kusi ’twa/ sho’k mo dhala ris mo jin dhunu is ki ca mo mmo’tasha ’tash ’twa/ mo gom mo jin minu nyiṯẖa Arumgimis mo dhali budha ris gwo kun kulumkina ana i bwa mo mmodhu mo mmoha gwo ma Ḵrisṯẖos e mo be.

IBRANIYIIN 11:33

uni ki moŋgam gwo is mo tani p̱iki bampan tiya e mo mmobu’th mo, dhali mmotor gwowa ’bora ’cesh mo gom mo jin dhunuwa dhu ka ḵar/e mo, dhali bu’th gwo kun onu is mo, dhali mu’th aris ’twa/ ma dhop̱ mo,

IBRANIYIIN 5:9

Dhali mmo’borkunu a’di ki ’bor gana/ mo tani a’di warki’d ki ’kusan gi bway gi mowoṯẖ ki sule/ sule/ mo e uni ’baar mo kun haki a’di gwo e mo be,

BUṮERUS ’DE/ 1:22

Mmodhelelkina um aḵashiram bum mo ki gwom bum jin hana um e mo e gwoŋ gana/ mo gom washila/ jin p̱iyi’d e um mo e mo/en mo gom iwaḵ mo, mmo/enkina uma en mo ki bwan dara’d mo ’pena duŋ gana/ mo.

BUṮERUS ’DE/ 3:1

Wakan si’da/ um up̱a, ’dap̱i ’twa/ mo e ikaṯẖim bum mo, wakan ki kun tiya mo, ba kun tiya yisa ha gwo eya, uni minu ’taki gama du is ki dar gi gwo mo goma nyoŋ is gi i/ashim buni mo

BUṮERUS ’DE/ 4:17

Haali/ mo p̱u’dki’d mo gom gwon dwall mo mmoṯel ’pen ’peni uni gun tana ṯa/ ma Arumgimis mo. Dhali waḵki/ a’di ṯelu ’pen ki ana mo tani ’pemen midi ta ata mo gom uni gwansan kun ’koki ha gwom ’borga/ ma Arumgimis e mo?