IBRANIYIIN 11:7 - Uduk New Teatament and OT Portions

⁷ Ki moŋgam gwo is mo tani aNuuh, a’di rumkunu ka Arumgimis mo isi goma yirto jin dina a’di ki mish naskina/ mo tani a’di yip̱i unu ’kup̱ mo ki moŋḵo/ is jin ta’da gayiin mo, a’di ki dhera ḵur mo gom kuŋ gu’b piti jin minu ta is ki me’d mo be. Ki mii yan mo tani a’di ki mii miiwaḵ gom gwon dwall jin toru gwo ’twa/a ’cesh mo gom ’kwaniny’cesh mo dhali a’di warki’d ka manḵal mal gom mo ma ḵar/e mo jin p̱u’dki’d ki moŋgam gwo is mo be.

IBRANIYIIN 11:7 Iomraidhean Croise

ṮAKWIIN 19:14

Dhali wakan mo tani Luuth yaki’d ka pije/ mo dhali oki iya/ kun ta imar mo uni kun mini ’taki mash i’bwa/ piti gwo mo ki: Cuyi mis mo ma. Iiku/ ka pije/ mo ’peni mo yan mo, haali/ Tap̱a muru’di ’ce’d ’peŋkuman bampa/ yan sho’k mo. Hili a’di wakina e ga man/o gwo ki maḵ mo e iya/ kun ta imar piti mo.

ṮAKWIIN 6:13

Dhali Arumgimis ki owa Nuuh gwo mo ki: Aha/ ḵara/ dina gwo ibwa mo ba/ mmodaḵa ris buŋgwar is ’kup̱ mo haali/ mony’cesh a’di ’tu’dkunu ki piny piny ki mo ma bujur gi uni mo. Hili mo mo ma, aha/ mina ’ce’d uni sho’k nyaḵki mony’ceshi lu/ mo.

ṮAKWIIN 6:22

Nuuh miiki mii yansan mo. A’di miiki’da ris gwo kun ḵankin ma Arumgimis a’di mo be.

ṮAKWIIN 6:9

Uni gwansan itana nyaḵum yil ma Nuuh mo. Nuuh a’di ita wathiŋ ḵar/e mo, dar gi mii ’ba/ e nyaḵum yil gi ’kwanim piti mo. Nuuh nyaḵ ya ka Arumgimis mo.

ṮAKWIIN 7:23

A’di ḵalki’da ris to ’baar mo sho’k ka pije/ mo kun ’kon ki e ’peni bwam/e ga ’cesh mo, ’kwani dhali to/e dhali to kun parana ’cesh mo dhali ’dii kun p̱en e momis mo tani uni iḵalkina a’di sho’k ka pije/ ’peni mony’cesh mo. Jasa Nuuh a’di ’de/ idhalkunu mo dhali uni gwansan kun nyaḵ ’ko ki a’di eya ḵur mo.

ṮAKWIIN 7:5

Dhala Nuuh a’di mii’da ris to kun ḵana Tap̱a a’di mo.

ṮAKWIIN 8:16

Yaku/ ka pije/ ’peni bwam ma ḵur mo, /e dhali ashin mo dhali iya/m pini mo dhali up̱ gi iya/m pini nyaḵki /e mo.

MAṮṮA 2:12

Dhali uni rumkunu ki gwo ki jan mo mmo’koki doḵa Hirodus mo. Uni iikin ki bway bampam buniŋ gana/, mo ki bwaya kamu/ mo be.

MAṮṮA 24:15

Wakan ki um mini p̱ar a’di e mo mmodosha a’di e mo jin ḵogu mo a’di jin ta mii jin bulabul mo jin mina ’kwani ṯa’k is jwa mo tani a’di jin okin ma manc̱i gwo ma Arumgimis kadhamo/ mo jin ta’da Dani/aal mo (Dhalka mandeŋ gwo e mishi gwo ’ban mo).

MAṮṮA 24:25

Hili mo mo ma, aha/ ṯora um gwo nṯwa/a/ mo be.

MAṮṮA 24:38

Haali/ ka tee gwansan iṯwa/a/ ka gannu/ yi’de/ mo tani uni ’kokin mo mmoshwa to mo dhali mmop̱i to mo dhali mmomash mo dhali mmoc̱iya c̱i mmomash mo ntaga tee ma Nuuh jin jithirkina a’di mo e bwam ma ḵur mo be.

MAṮṮA 3:7

Hili ki a’di p̱arki ’Kwani P̱arisiyiin e mo dhali ’Kwani Sadukiyiin p̱u’dkin mo e mo gi miinuwa mii ki yi’de/ mo tani a’di ki o uni gwo mo ki: Um uc̱in tasha/. Aja rum um ki gwo mo mmoso mo ’pena nyor jin midi p̱u’du/ mo?

LUUKA 17:26

Me’da tee ma Nuuh mo tani wakan a’di midi ta atee gi Ya/ gi ’Kwani mo be.

RUUMIYA 1:17

Haali/ e a’di mo tani mo ma ḵar/e ma Arumgimis ṯorkunu eya tente/ ki moŋgam gwo is mo. Me’d jin ’kwarkunu mo ki: A’di jin ta jiŋ ḵar/e ki moŋgam gwo is mo tani a’di midi di ki e mo be.

RUUMIYA 10:6

Dhali hili, mo ma ḵar/e jin ’dap̱a’d ki gwo jin gamu is mo tani a’di o gwo mo ki: Dhalku/ ki o gwo eya dum pini mo ki: Kaja a’di jin midi se momis mo? (ki a’di midi thula Ḵrisṯẖos ka ’cesh mo)

RUUMIYA 3:22

A’di ta mo ma ḵar/e ma Arumgimis ki moŋgam gwo is eya Yesus Ḵrisṯẖos gom uni ’baar kun gam gwo is mo be. Haali/ toŋ kamu/ di’d ka ḵwa/um bwa yisa.

RUUMIYA 4:11

Dhali a’di bu’thki mo jin ’ciṯẖuwa munyjal yis mo me’d jamas mii mo walla to jin ’dap̱a’d ki mo ma ḵar/e gi moŋgam gwo is jin takina a’di ki a’di di’d ka munyjal yis i e naskina/ mo be. Ki a’di midi ’taki ta adhana baba ka ris ’kwani ’baar mo kun gamki gwo is mo be, uni gwansan kun darkin ki mo ma munyjal yis jin ’ciṯẖu naskina/ mo, ki mo ma ḵar/e minu ’taki kar gom uni mo be.

RUUMIYA 4:13

Dhali gwo jin onu is goma Ibrahiim mo dhali emen piti jin mina uni ’taki ta gi mal mo e mony’cesh mo tani, diki yayu/ gom gwoŋḵan jin c̱inu mo, hili gom mo ma ḵar/e gi moŋgam gwo is mo be.

RUUMIYA 9:30

Dhali ana mina i/o kata? Ki ’kwani kun ’koki ta ’Kwani Yahuuda/ kun ’koki ur mo ma ḵar/e isho’k mo dhali bu’th a’di mo, a’di a’di jin ta mo ma kar/e yan gi moŋgam gwo is mo,

GALATHIYYA 5:5

Haali/ ki Shi/in mo tani dhali ki moŋgam gwo is mo tani ana c̱orkina c̱or mo gom mo ma ’teŋ kap̱e/ gi mo ma ḵar/e mo be.

P̱ILIBBI 3:9

Dhali ki aha/ minu this mo i is e a’di mo, yisa mmota gi mo ma ḵar/e ki is pem mo yisa, mmo’dap̱ ’ko’di gwoŋḵan jin c̱inu mo. Hili a’di jin ta mo gi gamu gwo is eya Ḵrisṯẖos mo. Mo ma ḵar/e yan ’peni Arumgimis mo a’di jin di ’ko’d e mo jin gamu gwo is mo be.

IBRANIYIIN 11:1

Moŋgam gwo is a’di imishu ki isa duŋ gana/ ki a’di ta to gom mo ma ’teŋ kap̱e/ mo, mmosuka du mo gom to kun ’konuki p̱ar e mo.

IBRANIYIIN 12:25

Hili um ki ’bore/ mo. Dhalki a’di ki ush mo, a’di jin ṯorki um gwo mo. Haali/ waḵki/ uni ’koki ye mo ki uni ushki a’di gwo mo, a’di jin rumki uni ki gwo mo e mony’cesh yan mo tani ba ana bala mina ye kata mo waḵki/ ana mina waḵ a’di mo, a’di jin rumki ana ki gwo mo ’peni momis mo?

IBRANIYIIN 5:7

Dhali ka tee jin bu’thkina a’di buŋgwar is gi ’kwani ki is piti mo tani, aYesus c̱iki mo ma ’tho jin ’thonu mo dhali di’ba di’b is mo ki ’twa/ jin caaca ki moŋko mo dhali ki jabu’th mo, e a’di jin mishi a’di is ta ki me’d mo ’peni mowu mo, dhali a’di ciḵkunu ko mo gom mii ma gayiin piti jin ḵogu mo.

IBRANIYIIN 8:5

Uni bu’thki mii me’d mo mmota ayinyjwa mo dhali a’thintha/ mii mo gom to jin ḵogu mo jin di’di momis mo. Haali/ ka Musa murki’di nyaŋ gu’b burrinye/ mo tani a’di ye’thkunu sho’k ka Arumgimis mo mmo/o gwo mo ki: Hili ki ’bore/ mo ki /e mini nyaŋa ris to ’baar mo isi ki she/mm jin ṯorkunu /e mo ’peni ’kuwosha turga/ mo be.

BUṮERUS ’DE/ 3:20

uni gun ’koki ha gwo e ’thissa/ mo, me’d jin ’kuc̱kin ma Arumgimis bwa ki ’kari’th mo mmoc̱ora c̱or ka tee ma Nuuh mo, me’d jin dikina a’di mmonyaŋa dhana ḵur mo, a’di jin ’kokina ’kwani ki daḵa/ icine/ mo, uni gun ’koni jasi pekwara mo, uni a’di itakunu is ki me’d ’peni yi’de/ mo be.

BUṮERUS SU/ 1:1

ASimaan jin ta’da Buṯerus mo, a’di jin ta c̱iŋkina/ mo dhali a’di jin karu ki she/ mo goma Yesus Ḵrisṯẖos mo. E uni gwansan kun bu’thki moŋgam gwo is jin nyaḵka’d ki ji yinthom bana mo e mo ma ḵar/e ma Arumgimis bana mo dhali Amanwoṯẖ bana jin ta’da Yesus Ḵrisṯẖos mo be.

BUṮERUS SU/ 2:5

Waḵki/ a’di diki ’tash mony’cesha dhamo/ ’twa/ mo tani, hili a’di ki kara Nuuh ki ’dantar mo, a’di jin ta’da amanc̱i gwo mo gom mo ma ḵar/e mo nyaḵki ’kwani pesun tiya mo me’d jin ḵalkina a’di agannu/ yi’de/ ap̱o/ mony’cesh mo jin ’kona iman/usha ush mo.

BUṮERUS SU/ 3:6

dhali ki a’di mo tani mony’cesh jin diki’d mo me’dyin, a’di halaskunu a’di ki yi’de/ mo dhali ’ce’d sho’k mo.