IBRANIYIIN 11:6 - Uduk New Teatament and OT Portions

⁶ Ki dar gi moŋgam gwo is mo tani a’di molu mii mo mmo’bora Arumgimis bwa i is mo be. Haali/ a’diyin jin midi ’taki ’disha Arumgimis is mo tani midi mii gam gwo is ki a’di diki’d mo, dhali ki a’di midi c̱i uni gwansan to kun ish ḵumma/ mo kun ŋap̱i a’di mo be.

IBRANIYIIN 11:6 Iomraidhean Croise

ṮAKWIIN 15:1

’Ko’di to gwansan mo tani gwo gi Tap̱a p̱u’dki’d mo eya Abraam mo ki tonyjan mo mmo/o gwo mo ki: Dhalki is ki ḵo/ mo ma, Abraam. Aha/ tana goŋgorom pini mo. Adhan to jin ish ḵumma/ jin caaca kagahara mo tani a’di midi ta jim pini mo.

GWAY GI IDAWUU’D 106:24

Yan’ko’d uni ki waḵ mony’cesh jin ’bora’bor mo, dhali dar gi moŋgam gwo is gom gwom piti jin ona a’di is mo.

GWAY GI IDAWUU’D 119:10

Ka dum pemi ’baar mo tani aha/ simmkina /e e mo. Dhalku/ ki dhal aha/ mmoc̱aca/ mo ’peni gwoŋḵan pini kun ’kwarkunu mo.

GWAY GI IDAWUU’D 58:11

’Kwani mini o gwo mo ki: Ka jiŋ gana/ to jin ish ḵumma/ mo tani di’d gom ’kwaniŋ ḵar/e mo. Ka jiŋ gana/ Arumgimis di’d mmodwall gwo ap̱o/ mony’cesh mo be.

GWAY GI IDAWUU’D 73:28

Hili gom aha/ mo tani a’di ’boro’d jin miga/ ’disha Arumgimis is mo. Aha/ karkina Tap̱a Arumgimis mo mmota a’di jin hurga/ jwa icine/ mo, ki aha/ mina ṯora ris miim pini mo.

GWAY GI IDAWUU’D 78:22

haali/ uni dar gi moŋgam gwo is eya Arumgimis mo dhali ’koki gam gwo is gom mom’bi’th piti jin tana a’di ata is ki me’d mo.

GWAY GI IDAWUU’D 78:32

Bahili ap̱owa ris to gwansan kun miinu mo tani uni ’kon naskina/ mmomii miinthus mo. Dhali bahili ki a’di mii momer piti mo tani uni ’koki gam a’di gwo is mo.

MAṮṮA 11:26

Nye, Ababa, gom ku gi wakan mo tani a’them pini ona bwa mo be.

MAṮṮA 5:12

’Kunyi bwa mo ma dhali ’bori bwa mo, haali/ tom bum gun tana um gun ish ḵumma/ mo e momis mo tani uni eḵkin mo, haali/ wakan ’kwani ṯoci imanc̱i gwo ma Arumgimis bwa kadhamo/ mo uni gun ’koni ṯwa/a/ ki um mo be.

MAṮṮA 6:16

Dhali ki um mini ga/ to mo tani dhalku/ ki hil mo ki eŋgwamash mo me’d ’kwani kun tana he’k e ka he’k e mo haali/ uni warki jis/em buni mo ki moŋga/ tom buni minu mish ki ’kwani mo. Ka jiŋ gana/ aha/ ona um gwo mo ki uni tan gi tom buni kun ish ḵumma/ mo be.

MAṮṮA 6:33

Hili simmi bampam piti e nṯwa/a/ mo ma dhali mo ma ḵar/em piti mo, dhali aris to gwansani ’baar mo tani uni mini ta kum bum si’da/ mo be.

MAṮṮA 6:5

Dhali ki /e mini ’tho mo tani /e mini mii dhalku/ ki mii me’d ’kwani kun ta imanhe’k e mo haali/ uni eni mondosh mo dhali ’tho mo e gu’b gi montul is mo dhali e mo jin ’ciṯẖa/ bway tur mo ki uni mina ’kwani mish mo. Ka jiŋ gana/ aha/ ona um gwo mo ki uni tan gi tom buni kun ish ḵumma/ mo be.

MARKUS 16:17

Dhali jamas mii gwansan mini baṯẖ uni gwansan kun gam gwo is mo: Ki gway pem mo tani uni mini ura ruma ’cesh ka pije/ mo dhali uni mini wal ’twa/ ki ’twan thisa tiya mo be.

LUUKA 12:31

Ma mo simm jasi bampam piti e mo dhali aris to gwansan mini ta kum bum si’da/ mo be.

LUUKA 6:35

Hili eni uni gwansan kun ta ’kup̱ ki um mo ma dhali miiyi ki ’bore/ gom uni mo dhali wani to e mo mmo’koki c̱or toŋ kamu/ mmodoḵu/ um ka nyaŋ’ko’d mo, dhali tom bum kun ish ḵumma/ mini eḵa/ eḵ mo dhali um mini ta iya/ gi a’di jin Cayaa/ e ki Ca mo, haali/ a’di mii’d ki mo/en gom uni gwansan kun dar ga nynyc̱a/ mo dhali kun tana ham ’kus ka ham ’kus mo.

YOHAAN 14:6

Yesus ki thoḵ a’di gwo mo ki: Aha/ tana bway dhali gwoŋ gana/ dhali mondiki/e mo. Wathin ṯal ’deŋ kamu/ midi diki yayu/ eya Baba, hili jasi e aha/ mo be.

YOHAAN 8:24

Aha/ ṯora um gwo mo ki um mini wu mo e miinthus bum mo, haali/ um mini wu mo e miinthus bum mo isi ciki/ um mini ’taki gam aha/ gwo is mo ki aha/ tana a’di mo be.

RUUMIYA 10:14

Hili ’kwani mini yuḵ a’di kata mo, uni kun ’koki gam a’di gwo is mo? Dhali uni mini gam a’di gwo is kata mo, uni gun ’koki ciḵ gwo ki sule/ sule/ mo? Dhali uni mini ciḵ gwo kata ki dar ga manc̱i gwo mo?

GALATHIYYA 5:6

Haali/ eya Ḵrisṯẖos jin ta’da Yesus mo walla e mo ma munyjal yis jin ’ciṯẖu/ mo walla e mo ma munyjal yis jin ’konuki ’ciṯẖ mo tani a’di midi mii toŋ kamuwa? Hili moŋgam gwo is mmomiina a’di to mo ki mii gi mo/en mo be.

IBRANIYIIN 11:26

A’di nyiṯẖki’d mo ma sor jin ’koshu is ka nyor goma Ḵrisṯẖos mo mmota pa ki pa mo mmobol dhan to gi Pam Masir kun ish ḵumma/ e mo, haali/ a’di hilki’d gom to jin ish ḵumma/ jin minu c̱i mo be.

IBRANIYIIN 3:12

Hili ki ’bore/ iwaḵ mo isi ciki/ ki jin ṯal ’deŋ kamu/ ’peni bwam um mo midi diki ’taki ta ga du jin ta thus ki thus mo mmo/ush gwo gam is mo, mmosus um mmoṯa’k mo ’peni bway ma Arumgimis jin di ki e mo be.

IBRANIYIIN 4:2

Haali/ gwom ’boro’d p̱u’dki’di ana mo jasi me’d jin p̱u’dki’d e uni mo. Hili gwo jin ciḵkina uni mo tani diki war ki ji gi ha me’d gom uni mo, haali/ a’di diki ’dap̱ ki me’d mo ki moŋgam gwo is mo e uni gun ciḵki a’di mo be.

IBRANIYIIN 4:6

Me’dyin ki mii gi wakan mo tani kun tiya ’kon mmocic̱ mo e a’di ki a’di diki’d naskina/ mo. Dhali uni gwansan kadhamo/ kun bu’thki gwom ’boro’d mo dhali ush me’d mo mmo’koki cic̱ a’di mo tani haali/ uni warkin ki iman/ush gwo ha e mo be.

IBRANIYIIN 7:19

(Haali/ gwoŋḵan jin c̱inu mo tani yisa piyi miiŋ kamu/ jin ’boro’d ki ’bor gana/ ’kup̱ ka pije/ yisa.) Dhali ki me’da kamu/ doḵ/e mo tani mo ma ’teŋ kap̱em ’borga/ mo tani a’di waru/ is mo, a’di jin ’dishkina ana Arumgimis is ki a’di mo be.

IBRANIYIIN 7:25

Gom ’kup̱ gwo yan mo tani a’di mishki mii mo isa yempa/ mo mmota uni gwansan is ki me’d mo, uni kun ’dishkina Arumgimis is mo ki a’di mo, haali/ a’di isa yempa/ diki’d mo mmota amanwoṯẖ gwo is gom uni mo be.

BUṮERUS SU/ 1:10

Wakan iwaḵa, shwayi uma nyor ki thiṯẖ mo mmoṯe mo ma yuḵ jin yuḵu um mo dhala kwany jin kwanykunu um shoka ’cesh mo. Waḵki/ um mini mii to yan mo tani um mini ’koki ṯa’k ki sule/ sule/ mo.

BUṮERUS SU/ 1:5

Haali/ gom ’kup̱ mii yan gana/ mo tani pali aris mii ki ’twaŋkal kuku/ mo mmogalal moŋgam gwo is bum is mo ki miim ’borga/ mo, dhali miim ’borga/ ki mii jin nyiṯẖuwa nyiṯẖ mo,

BUṮERUS SU/ 3:14

Wakan, um gun enu mo, me’d jin c̱orkina um gom to gwansan mo tani shwayi anyor ki thiṯẖ mo ki um minu gam e a’di mo ki dar gi monyo/o’d mo walla thalkin mo dhali um minu gam mo ki mo ma ḵu’th is mo.

GWO JIN ’CEENU MO 21:8

Hili gom uni gun tana shi/iny jwa mo dhali uni gun dar gi moŋgam gwo is mo, dhali uni gun wali gwo sor mo, dhali uni gun ta iman’kosha mee mo, dhali uni gun ta imanha’k ’pen c̱eŋ gwas mo, dhali uni gun ta imanmii mii ma rum mo, dhali imanluŋ tomp̱inycon mo, dhali aris uni gun tana ṯor mo tani tom buni di’d jin midi ’bag uni e mo eya al o’d mo jin purki’d ki o’d mo dhali to jin si’du mo si’da/, a’di jin ta wu jin ’kon ma p̱o/i su/ mo be.