IBRANIYIIN 11:4 - Uduk New Teatament and OT Portions

⁴ Ki moŋgam gwo is mo tani aHabiil a’di miiki’da Arumgimisa bas mo jin mishu bu’th mo mmobol ji ma Kayiin e mo ki mii jin bu’thkina a’di mo jin nyo/uwa nyo/ mo me’d wathiŋ ḵar/e mo. Haali/ Arumgimis ḵalki gwo o mo gom tom piti jin c̱ina a’di ki me’d mo jin bu’thkunu mo. A’di wuki’d mo, hili ki moŋgam gwo is piti mo tani a’di di’d ki e mo naskina/ mmo/o gwo mo be.

IBRANIYIIN 11:4 Iomraidhean Croise

ṮAKWIIN 4:10

Dhali Tap̱a ki o gwo mo ki: Atinta miikina /e? ’Twa/ ma bas ma kam pini a’di gwoki’d ’twa/ i aha/ ’pena ’cesh mo.

ṮAKWIIN 4:15

Dhali yan’ko’d Tap̱a ki o a’di gwo mo ki: Midi wakan yisa. Waḵki/ jan ṯal ’deŋ kamu/ midi ’kosha Kayiin jwa mo tani mori’c midi di ap̱o/ a’di me’di pesu/ mo. Dhali Tap̱a ki c̱iya Kayiin jamas mo, isi ciki/ ki a’din ’de/ yin jin midi ya ap̱o/ a’di midi diki ’kosh a’di jwa mo.

ṮAKWIIN 4:25

Dhala Aadam mishki’da ’bom piti doḵ/e mo, dhali ayim dho’thki’da ’ci jin ta ya/ mo dhali yuḵ a’di gway ka Shiiṯ mo, haala yim o gwo mo ki: Arumgimis karki aha/ ’pen ka pije/ mmodhodha ’ciŋ kamu/ mmodhalka Habiil e i is mo, haala Kayiin ’koshki a’di jwa mo.

ṮAKWIIN 4:8

Kayiin ki owa Habiil gwo jin ta’da kam piti mo ki: Dhalki ana iina ka pije/ e bwam bunto mo. Dhali ki uni ’kokin e bwam bunto mo tani aKayiin cuki mis ap̱owa kam piti jin ta’da Habiil mo dhali ’kosh a’di jwa mo.

MAṮṮA 23:35

Wakan eya p̱o/ um mo tani arisa bas gi ’kwaniŋ ḵar/e wolkina p̱o/ mony’cesh mo ’pena bas ma Habiil jin di’d ka p̱o/ mo ntaga bas ma Sakariyya jin ta ya/ ma Baraḵiyya mo a’di jin ’koshkina um mo e bwaman ma gwaṯa/ jin karu mo ki jiŋ ḵogu mo e mo jin miinuwa bas mo be.

LUUKA 11:51

’pena bas ma Habiil mo ntaga bas ma Sakariyya mo tani a’di jin ’ce’dkunu sho’k mo e bwaman ma gwaṯa/ jin karu mo mmomiiya bas mo dhali e gu’b gi mondheleladhelel ma Arumgimis mo. Nye, aha/ ṯorkina um gwo mo ki a’di minu doṯ mo ’peni ’kwani ma nyaḵum yil gwansan mo be.

TIITHUS 1:16

Uni ṯorki gwo ki ’twa/ ki uni mishkina Arumgimis mo tani uni waṯki a’di gway ki miim buni mo be. Uni waḵkunu ki waḵ jin shi/ashi/ mo gom bul buni mo dhali uni ta iman/ush gwo ha e mo dhali uni ha me’d gom ari tom ’boro’da kamuwa?

IBRANIYIIN 11:2

Haali/ ki a’di mo tani jwahaŋ ’kwanin dhamo/ uni bu’thki mo jin nyo/uwa nyo/ mo be.

IBRANIYIIN 12:1

Wakan, me’d jin ’kamkunu ana ki deḵ ka dhana raḵ gi iman/o gwo mo tani dhalki ana si’da/ ṯẖadha aris tom bana ’baar mo kun diṯadiṯ ka ’deṯe/ ’deṯe/ mo dhali miinthus kun tana junyu/ ki ana ki ’dish ’dish mo dhali dhalki ana sona ki bwa jin ’kuc̱u ki ’kari’th mo mmop̱ar sho’k mo gom to jin di’da bori ana mo be,

IBRANIYIIN 12:24

dhali eya Yesus mo, a’di jin doshki’da galany mo gom gwo jin ta jin this jin gamu me’d mo, dhali e mo jin ḵukuskunuwa bas mo jin onu gwo ki o ma aane/ mo ka bas yan bol ji ma Habiil e mo be.

IBRANIYIIN 5:1

Haali/ iris igasiis kun can ka ’deṯe/ ’deṯe/ mo kun kwanykunu mo ’peni bwaŋ ’kwani mo tani uni dhukunu ’pen ka pije/ mo gom mii mo gom gway gi ’kwani mo mmo’disha uni Arumgimis is ki mii mo, mmoc̱i to gun c̱inu ki me’d mo dhali to kun ’ciṯẖuwa basa ’cesh mo gom miinthus gi ’kwani mo.

IBRANIYIIN 9:22

Ka jiŋ gana/ e bwaŋ’kwariny gwoŋḵan jin c̱inu mo tani aris to ’baar ka woho/ mo tani uni dhelelkunu ka bas mo, dhali ki dar gi mo jin woluwa basa ’cesh mo tani mo jin minu ’taki dhala mure/ gi miinthus gi ’kwani ’pen mo tani mini ’taki di yisa.

BUṮERUS SU/ 2:8

(Haali/ a’di jin misha wathiŋ ḵar/e yan mo dhali ciḵ mo me’d jin c̱a’ba a’di e bwam uni mo tani a’di ṯu/ulkunu mo ki isa nyor eya ḵashiram piti jin ta’da ḵar/e ka yempa/ mo ka tee kun baṯẖani ’ko’d mo ki miim buni kun ushkina uni gwoŋḵan mii mo).

YAHUUSA 1:11

Wayyi e uni mo. Haali/ uni iikin e bway ma Kayiin mo dhali uni pura bwa mo mmobaṯẖ mii jin tham ma Balaam mii mo dhali uni ’ce’du/ sho’k mo e gwon dhaŋ ma Kuurah mo be.