IBRANIYIIN 11:3 - Uduk New Teatament and OT Portions

³ Ki moŋgam gwo is mo tani ana mishkina gwo ’ban mo ki mony’cesh uḵkunu ki gwo ma Arumgimis mo, wakan ki a’di jin p̱arkunu e mo tani uḵkunu ki to kun ’koki piyu/ is ka pije/ mo be.

IBRANIYIIN 11:3 Iomraidhean Croise

ṮAKWIIN 1:1

Ka muŋ’kup̱ mo tani Arumgimis uḵki momis dhali mony’cesh mo.

GWAY GI IDAWUU’D 33:6

Ki gwo gi Tap̱a mo tani momis uḵkunu mo dhali aris to kun ’koni bwaman uni ki shi/in jin shi/ini’d ’peni ’twam piti mo.

GWAY GI IDAWUU’D 33:9

Haali/ a’di ṯorki gwo mo tani dhali a’di p̱u’dki’d kan mo. Dhali a’di ḵanki gwo mo tani dhali gwo doshki’d mo.

YOHAAN 1:3

Aris to ’baar mo ’kokunu mo mmo/uḵ ki a’di mo dhali ton ṯal ’deŋ kamu/ yisa di’da jin uḵu ki dar gi a’di mo.

MII GUN MIINU MO 14:15

dhali o gwo mo ki: Kana ’kwani, ata miina um to gwahan kan mo. Am si’da/ tana ’kwanim ’ba’ban du me’d um dhali am guyina um gwom ’borga/ ki um mini ’taki ṯu’k mo ’peni tomp̱inycon gwahan kun luŋa um mo eya Arumgimis jin di ki e mo, jin uḵki momis mo dhali mony’cesh mo dhali yi’de/ mo dhala ris to ’baar mo kun ’koni bwaman uni mo be,

MII GUN MIINU MO 17:24

Arumgimis yan jin uḵki mony’cesh mo dhala ris to kun ’koni bwaman a’di mo tani a’di mmotana a’di Tap̱a gi momis mo dhali ji gi mony’cesh mo tani a’di diki c̱a’b e moŋ’ko kun ḵogu mo kun uḵu ki me’d mo be.

RUUMIYA 4:17

Me’d Gwo jin ’kwarkunu mo mmo/o gwo mo ki: /E karkika/ mo mmota adhana baba gi kal gi ’kwaniny’cesh ka ris mo – e buŋ’kus ma Arumgimis mo, a’di jin gama a’di gwo is mo jin c̱iki moŋ’koki/e mo gom uni gun wukin mo dhali yuḵa yuḵ ki to gun ’koki ’ko mo me’d to gun ’kokin mo be.

KURINṮH̱UUS ’DE/ 2:7

Hili ana ṯorkina gwo gom yuḵ jin c̱inu ki jiŋ kup̱ mo dhali yuḵ jin ta jim ma Arumgimis jin bagu mo, a’di jin ’kawurkin ma Arumgimis nṯwa/a/ mo ki yil gi mony’cesh yan mo gom mo jin dhunu ana ki ca mo.

ṮIMUṮH̱AWUUS ’DE/ 4:5

haali/ a’di karu ki she/ mo wakan ki gwo ma Arumgimis mo dhali ka ’tho jin ’thonu mo be.

IBRANIYIIN 1:2

Hili ka tee kuŋ ’ko’d gwansan mo tani a’di ṯorki gwo e ana ki a’di jin ta Ya/ mo be, a’di jin karkina a’di ’pen ka pije/ mo mmota amanbu’th mal gom to ’baar mo. Dhali e a’di mo tani mony’cesh si’da/ uḵkina a’di mo be.

IBRANIYIIN 6:5

dhali uni kun nyoḵki mo jin ’kunya gwo ma Arumgimis mo dhali aris mom’bi’th kun mini p̱u’du/ ki she/ yil mo,

BUṮERUS SU/ 3:5

Uni c̱i mii ’ko’d mo ki bwam buni mo, ki, ki gwo ma Arumgimis mo tani aris momis ’kokin kadhamo/ innii mo ba/, dhali mony’cesh uḵkunu ’peni yi’de/ mo dhali ki yi’de/ jin ta yi’de/yi

GWO JIN ’CEENU MO 4:11

/E a’di ha me’d mo, Tap̱am bam mo dhali Arumgimis bam mo mmobu’th monyca mo dhali montaḵ mo dhali mom’bi’th mo haali/ /e uḵkina ris to ’baar mo dhali ki bwam pini mo tani uni ’kokin mo dhali uni ’konu mmo/uḵ mo be.