IBRANIYIIN 11:23 - Uduk New Teatament and OT Portions

²³ Ki moŋgam gwo is mo tani aMusa ki a’di dho’thkunu mo tani a’di bagkunu ka ppe ’kup̱i kwara mo ki icom mo haali/ uni mishkin ka ’ci shina jaro/ ime’d mo. Dhali uni ’koki ḵo/ is mo gom gwoŋḵan ma maliḵ mo.

IBRANIYIIN 11:23 Iomraidhean Croise

GWAY GI IDAWUU’D 118:6

Ki Tap̱a nyaḵ di ki aha/ mo tani aha/ mina ḵo/ toŋ kamu/ yisa. To gi wakatinta imina ’kwani imii aha/ mo?

GWAY GI IDAWUU’D 56:4

Eya Arumgimis mo, a’di jin maŋka/ gwom piti mo, eya Arumgimis mo tani aha/ gama gwo is ki dar gi moŋḵo/ is mo. Buŋgwar is midi miiya tinta ki aha/ mo?

Mmo/ii ka Pije/ mo 1:16

Waḵki/ um dho’th up̱ ’kwani Ibraniyiin mo dhali um ki p̱ar uni e eya p̱owa birish jin dhodhuwa dho’th ap̱o/ mo tani, ’koshi a’di jwa mo waḵki/ ta’da ’ciŋgwaṯẖ mo. Hili waḵki/ ta’da ’bomi mo tani dhalka yim di’d ki e mo.

Mmo/ii ka Pije/ mo 1:22

Dhali yan’ko’d mo tani aP̱irawn ḵanki’da ris ’kwanim piti gwo ’baar mo ki: Aris iya/ kun dho’thkunu gom ’kwani Ibraniyiin mo tani minu ṯa’kku/ mo e ḵumma/ yi’de/ mo, hili um mini dhalku/ ushi i’bwa/ i ’kon ki e mo be.

MAṮṮA 10:28

Dhali dhalku/ ki ḵo/ uni gwansan kun ’koshi buŋgwar is mo hili uni ’koki misha ḵashira/ ’kosh mo. Hili dhali mii yan e i is mo mmoḵo/ a’di jin mishki’da ḵashira/ sho’k ’ce’d mo mmonṯal ’de/ ki buŋgwar is ilu/ mo e mo ma al o’d mo be.

MII GUN MIINU MO 7:20

Ki yil yan mo tani aMusa dhodhu mo dhali a’di ta yinthoŋ gana/ mo dhali a’di thip̱u ka ppe ’kup̱i kwara e gu’b gi com mo.

IBRANIYIIN 13:6

Wakan, ana mina kar dhan mo jin wuna ana a’di jwa i is mo mmo/o gwo mo ki: Tap̱a a’di ta’da Manwoṯẖ pem mo be. Dhali aha/ mina diki ta ḵo/is mo. Ki to gi wakata imina ’kwani mii aha/ mo?