IBRANIYIIN 11:22 - Uduk New Teatament and OT Portions

²² Ki moŋgam gwo is mo tani aYuusup̱ ki a’di dina mondiki/em piti ’kup̱ mo tani a’di ṯorki gwo eya tente/ mo gom ya ma pije/ gi Uc̱i ma Israyiil mo dhali a’di ki ḵan gwo mo gom isi kan piti jin minu kan a’di mo be.

IBRANIYIIN 11:22 Iomraidhean Croise

Mmo/ii ka Pije/ mo 13:19

Dhali aMusa ḵalki’da sima/ ma Yuusup̱ mo nyaḵki a’di mo haala Yuusup̱ ṯeki gwo gom ’kwani ma Israyiil mmo/o is mmomii kan mo be. A’di ki o gwo mo ki: Arumgimis midi yayu/ i woṯẖ um mo. Dhali yan’ko’d mo tani um mini mii ḵala simam pem nyaḵki um mo ’peni mahan mo.

LUUKA 9:31

Uni gun pikin mo e monyca mo dhali uni ki ṯor gwo mo gom yam piti jin mina a’di ya mo, a’di jin mina a’di ithim mo e Pa Urushaliim mo.

MII GUN MIINU MO 7:16

Dhali uni ḵalu mo mmo’ciṯẖ Bampa/ gi Pan Shakiim mo dhali uni ’thinu mo e moŋ’kup̱aje jin yolkin ma Ibrahiim ki she yol gi ’dolkon kush ’peni iya/ ma Hamuur gi Pan Shakiim mo.