IBRANIYIIN 11:13 - Uduk New Teatament and OT Portions

¹³ Aris uni gwansani ’baar mo wukin mo e moŋgam gwo is mo dhali yisa bu’th to jin onu gwo isa. Hili uni p̱arki a’di e mo dhali the a’di me’d ’pena dhana/ mo, dhali uni ’kokin mo me’d ’kwani kun ’kon ka pije/ mo ’peni bampaŋ kamu/ mo dhali me’d uni gun ’kon e bwaman ’kwanin tiya mo e mony’cesh mo be.

IBRANIYIIN 11:13 Iomraidhean Croise

ṮAKWIIN 21:34

Dhala Ibrahiim yaki’d ki yaŋ’kus e Bampa/ gi Pam P̱ilisthiin yil ka ris mo be.

ṮAKWIIN 23:4

Aha/ tana wathi/ yilkina/ dhali aha/ yana yany c̱a/ ibwaman um mo. C̱iyaa/ mo mbwam um jin miga/ kana kan mo ki aha/ mina kan jwam pem ’peni jis/em pem mo.

ṮAKWIIN 25:8

Ibrahiim a’di c̱iki shi/in piti jiŋ ’ko’d mo dhali a’di wuki’d mo ki dhana dhan gana/ mo mmotana a’di dhan gumpan dhan ki yil piti mo dhali a’di gamkunu me’d nyaḵki ’kwanim piti mo be.

ṮAKWIIN 47:9

Dhala Yakuub thoḵki’da P̱irawn gwo mo ki: Atee gi yila c̱a/ pem mo tani uni ’koni iss ’kwanimpa ipe’de/ i’ce’dka ’kume’da p̱o/ mo. Dhala tee gi yil gi mondiki/em pem mo tani uni tana hony/e mo dhali kun p̱u’da tonthus ap̱o/ aha/ mo dhali uni yisa i’thona/ ’tho/ ki me’d goma tee gi yil gi moŋ’koki/e gi ibabam pem ka atee kun iikina uni iinyc̱a/ mo.

ṮAKWIIN 48:21

Dhali yan’ko’da Israyiil oki’da Yuusup̱ gwo mo ki: Hili mo mo ma, aha/ ’dishkina ’twa/ mmowu mo, hili Arumgimis midi nyaḵ di ki /e mo dhali a’di midi susi /e bway pa ka nyaŋ’ko’d e mony’cesh gi ibabam pini mo.

ṮAKWIIN 49:10

Cwa ma maliḵ midi diki p̱i mo ’peni Yahuuda ki sule/ mo walla cwa gi amanjinuwa ji ’peni bwaman sho’k piti mo ntagi a’di midi p̱u’dku/ e a’dim piti jin cila a’di mo, dhali e a’di mo mo jin hanu gwo e ki ’kwani midi mii di mo.

ṮAKWIIN 49:18

Aha/ c̱orkina mowoṯẖ pini mo ayy Tap̱a.

ṮAKWIIN 49:28

Uni gwansani ’baar mo tani uni itana waḵ ma Israyiil kun ’koni ’kume’d i’ce’dka su/ mo, dhali gwo jin ṯorkin ma babam buni uni anann mo me’d jin ’borkina a’di uni mii mo mmo’bor uni mii ka ’deṯe/ ’deṯe/ mo, mom’bor mii kun ha me’d mo gom a’di mo.

ṮAKWIIN 49:33

Ka Yakuub ’baarki gwo jin ḵankina a’di ya/m piti mo tani a’di dhuki sho’k piti eya ci mo dhali a’di c̱iki shi/in piti jiŋ ’ko’d mo dhali a’di tulkunuwa abi is nyaḵki ’kwanim piti mo be.

ṮAKWIIN 50:24

Dhala Yuusup̱ oki ikam piti gwo mo ki: Aha/ ’dishkina ’twa/ mmomuri wu mo hili Arumgimis a’di midi yayu/ mmobuṯi um mo dhali a’di midi susi um bway pa ka nyaŋ’ko’d mo ’peni bampa/ yansan e mony’cesh jin thulkina a’di a/Ibrahiim gwo me’da p̱o/ mo goma Is/hak dhala Yakuub mo be.

GWAY GI IDAWUU’D 119:19

Aha/ tana yilkina/ ki yilkina/ e mony’cesh mo. Dhalku/ ki bag gwoŋḵan pini kun ’kwarkunu ’peni aha/ mo.

GWAY GI IDAWUU’D 39:12

Ciḵi mon’thom pem mo ma, ayy Tap̱a, dhali ḵa’di ’cem pini gom moŋkom pem mo. Dhalku/ ki bu’th moŋḵu’th is pini ’peni jabu’th em pem mo. Haali/ aha/ takina yilkinam pini jin yaki’d ki yam pe mo, a’di jin tani pa mo, mmowa e ki ibabam pemi ’baar kadhamo/ mo.

Mmo/ii ka Pije/ mo 2:22

Ayim dho’thki a’di ya/ mo dhala Musa ki yer a’di gway piti ka Jirshuum mo haali/ a’di oki gwo mo ki: Aha/ dina ka c̱is e pampaŋ kamu/ mo.

MAṮṮA 13:17

Ka jiŋ gana/ aha/ ona um gwo mo ki imanc̱i gwo ma Arumgimis ka ris mo dhali ’kwani kun tana ḵar/e mo tani uni ’koshkina ṯe/ mo mmohil a’di jin misha um mo tani dhali uni ’koki p̱ar a’di e mo dhali mmociḵ a’di jin ciḵkina um mo dhali uni ’koki ciḵ a’di mo be.

YOHAAN 12:41

Ishaya oki gwo yansan haali/ a’di mishki monycam piti mo dhali o gwo gom a’di mo be.

YOHAAN 8:56

Ababam bum ka Ibrahiim a’di ’kunykina bwa mo mmop̱ina a’di acim pem e mo. A’di mishki a’di mo dhali ’borkina bwa mo be.

RUUMIYA 4:21

Dhali a’di ṯelu sho’k mo ki gwo eya du mo ka Arumgimis mishi mii a’di jin okina a’di is mo be.

RUUMIYA 8:24

Haali/ e mo ma ’teŋ kap̱e/ yan mo tani ana takunu is ki me’d mo be. Hili mo ma ’teŋ kap̱e/ jin mishu mo tani a’di diki ta a’teŋ kap̱e/ ’te/ mo. Haali/ a’dija jin ta’d ga ’teŋ kap̱e/ gom to jin misha a’di mo?

KURINṮH̱UUS SU/ 4:18

Haali/ aman ’konaki hil ’kup̱ ki to kun mishu mo, hili ’kup̱ ki to kun ’konuki mish mo. Haali/ to gun mishu mo tani ’kon eya tente/ ki laŋ laŋ mo, hili to gun ’konuki mish mo tani uni ta to gun mini ’ko ki sule/ sule/ ya ye ’ba/ mo be.

KURINṮH̱UUS SU/ 5:6

Wakan aman isa yempa/ mo tani tana gi mo ma duŋ gana/ jin ’bidhu is mo. Dhali aman misha ki me’d jin ’kona aman e moŋ’kom bam e buŋgwar is mo tani aman si’da ki si’d ’peni Tap̱a mo be.

EP̱ASUS 2:19

Wakan um doḵ/e yisa ’kokin mo mmota ’kwani kun ’kon ka pije/ mo walla ’kwani kun ’kon ki ’kus mo ’peni bampa/ mo, hili um ta ku gi ’peŋkuman bampa/ mo nyaḵki uni kun dhunu ki she/ ki dhelel dhelel mo dhali um ṯal ma waḵa ’de/ mo eya ṯa/ ma Arumgimis mo

IBRANIYIIN 11:14

Haali/ ’kwani kun o gwo kan mo tani kar a’di eya tente/ mo ki uni ŋap̱ki mo mo jin minu nyaŋ gu’b buni nycine/ mo be.

IBRANIYIIN 11:17

Ki moŋgam gwo is mo tani a/Ibrahiim ki a’di palkunu mo tani c̱iki’da Is/hak mo, dhali a’di jin bu’thki gwo jin onu is mo tani thosonki is mo mmoc̱i ya/m pitin ṯal ’deŋ gana/ mo be,

IBRANIYIIN 11:27

Ki moŋgam gwo is mo tani a’di dhalki Pam Masir ’pen mo, yisa mmoḵo/kina a’di anyor ma maliḵa, haali/ a’di ’dimki ’kup̱ mo mmohilkina a’di a’di jin molu mish mo be.

IBRANIYIIN 11:39

Dhali aris uni gwansan mo, ba uni nyo/u ki nyo/ jin ’boro’d gom moŋgam gwo is buni mo tani uni ’koki bu’th to kun onu gwo is mo be.

BUṮERUS ’DE/ 1:1

ABuṯerus, a’di jin karu ki she/ mo goma Yesus Ḵrisṯẖos mo. E uni gun ’kokin mo e bwaman ’kwanin tiya mo kun c̱ekerkunu bwa mo e Pam Buntus mo dhali e Paŋ Galathiyya mo dhali e Paŋ Kabbadukiyya mo dhali e Pa Asiyya mo dhali e Pam Biṯẖiniyya mo

BUṮERUS ’DE/ 1:17

Waḵki/ um mini yuḵa yuḵ ap̱owa Baba mo, a’di jin dwallki ’kwani gwo ka ’deṯe/ ’deṯe/ ki dar gi mii ma gwar ’de/ mo isi ki miim buni kun miina uni mo tani nyoŋi is bum ki moŋḵo/ is mo ka teem bumi ’baar mo jin ’kona um mo e bwaŋ ’kwanin tiya mo.

BUṮERUS ’DE/ 2:11

Um gun enu mo, aha/ yuḵa um mo me’d ’kwani kun ’kon ka pije/ mo ’peni bampaŋ kamu/ mo dhali me’d uni kun ’kon e bwaman ’kwanin tiya mo, mmoga/ mii kun dhunu e ki ’thir ’thir mo gi shuman is mo jin ta to jin aski’da asa p̱owa ḵashiram bum mo.

YOHAAN ’DE/ 3:19

Gom gwo gi wakan mo tani ana mina mish mo mo ki ana tana ’kwani ’peni gwoŋ gana/ mo dhali mmomisha dum bana ibwambori a’di mo be