IBRANIYIIN 11:1 - Uduk New Teatament and OT Portions

¹ Moŋgam gwo is a’di imishu ki isa duŋ gana/ ki a’di ta to gom mo ma ’teŋ kap̱e/ mo, mmosuka du mo gom to kun ’konuki p̱ar e mo.

IBRANIYIIN 11:1 Iomraidhean Croise

GWAY GI IDAWUU’D 27:13

Aha/ gama gwo is ki aha/ mina p̱ar miim ’boro’d gi Tap̱a e mo e mo jin ’kona ’kwani ki e mo.

GWAY GI IDAWUU’D 42:11

Katinta ibiṯu/ /e eya ’cesh mo, ayy aḵashiram pem mo, dhali atinta i/usha /e me’d kan e aha/ mo? Tayi ka ’teŋ kap̱e/ eya Arumgimis mo. Haali/ aha/ mina doḵ/e maŋ a’di mo, a’di jin ta’da manwoṯẖ pem dhali Arumgimis pem mo.

MII GUN MIINU MO 20:21

mmoṯor gwo e uni kun ta ’Kwani Yahuuda/ mo dhali uni kun ta ’Kwaniŋ Griḵi si’da/ mo ki mo jin rijuwa du is ’kup̱ ka Arumgimis mo dhali moŋgam gwo is e Tap̱a Yesus Ḵrisṯẖos bana mo be.

KURINṮH̱UUS ’DE/ 13:13

Wakan moŋgam gwo is mo dhali mo ma ’teŋ kap̱e/ ’dap̱an ki me’d mo ki mo/en mo, uni kwara gwansan mo. Hili a’di jin ca’d ki caŋ gana/ mo mmobol gwoho e mo tani a’di ita mo/en mo be.

KURINṮH̱UUS SU/ 11:17

(A’di jin oka/ mo tani a’di oka/ mo yisa ki moshirr gi Tap̱a mo, hili me’d wathim p̱us mo mmokarkika/ ’ba/ ki ca mo mmowuwa wuny jwa i is mo be.

KURINṮH̱UUS SU/ 4:18

Haali/ aman ’konaki hil ’kup̱ ki to kun mishu mo, hili ’kup̱ ki to kun ’konuki mish mo. Haali/ to gun mishu mo tani ’kon eya tente/ ki laŋ laŋ mo, hili to gun ’konuki mish mo tani uni ta to gun mini ’ko ki sule/ sule/ ya ye ’ba/ mo be.

KURINṮH̱UUS SU/ 5:17

Wakan be waḵki/ wathin ’deŋ kamu/ di’d mo eya Ḵrisṯẖos mo tani a’di ta jin this jin uḵu mo. Miin dhamo/ pekin mo tani dhali hili miin this uni p̱u’dkin mo be.

KURINṮH̱UUS SU/ 5:7

Haali/ aman iina ki moŋgam gwo is mo, yisa ka shureya.

KURINṮH̱UUS SU/ 9:4

Isi ciki/ waḵki/ ’kwanin tiya ’peni Pam Makiduniyya mini p̱u’dku/ mo nyaḵki/ aha/ mo dhali gam um ki um ’koki thoson is mo tani aman minu dhu ki mon’the is mo, mmomol ’twaŋ kamu/ o mo gom um mo, gom mo jin wuna aman um jwa i is kan mo be.

GALATHIYYA 5:6

Haali/ eya Ḵrisṯẖos jin ta’da Yesus mo walla e mo ma munyjal yis jin ’ciṯẖu/ mo walla e mo ma munyjal yis jin ’konuki ’ciṯẖ mo tani a’di midi mii toŋ kamuwa? Hili moŋgam gwo is mmomiina a’di to mo ki mii gi mo/en mo be.

TIITHUS 1:1

ABuulus jin ta c̱iŋkina/ ma Arumgimis mo dhali a’di jin karu ki she/ mo goma Yesus Ḵrisṯẖos mo mmop̱al moŋgam gwo is ma Arumgimis mo gom uni kun kwanykunu mo dhali gom monyiṯẖ buni jin nyiṯẖkina uni gwoŋ gana/ mo, a’di jin ṯekunu mo ki mii ma gayiin mo,

IBRANIYIIN 10:22

dhalki ana ’disha mii is mo ka duŋ gana/ mo mmo’tu’d mo mmomish mo ki isa duŋ gana/ ki moŋgam gwo is mo, ka dum bana kun ḵukuskunu ana ki dhelel dhelel mo ’peni tonthus gi ’twa/ ma dum bana mo dhali buŋgwar is bana kun lamkunu ki yi’de/ jin c̱a’bki yidhiṯẖ yidhiṯẖ mo be.

IBRANIYIIN 10:39

Hili ana ’konaki ta uni gwansan kun mini ’dowa ’kany’cesh ka nyaŋ’ko’d mo dhali kun ’ce’du sho’k mo, hili ana tana uni gwansan kun ta gi moŋgam gwo is mo dhali mmodhuwa ḵashiram bana mo be.

IBRANIYIIN 11:13

Aris uni gwansani ’baar mo wukin mo e moŋgam gwo is mo dhali yisa bu’th to jin onu gwo isa. Hili uni p̱arki a’di e mo dhali the a’di me’d ’pena dhana/ mo, dhali uni ’kokin mo me’d ’kwani kun ’kon ka pije/ mo ’peni bampaŋ kamu/ mo dhali me’d uni gun ’kon e bwaman ’kwanin tiya mo e mony’cesh mo be.

IBRANIYIIN 11:27

Ki moŋgam gwo is mo tani a’di dhalki Pam Masir ’pen mo, yisa mmoḵo/kina a’di anyor ma maliḵa, haali/ a’di ’dimki ’kup̱ mo mmohilkina a’di a’di jin molu mish mo be.

IBRANIYIIN 11:7

Ki moŋgam gwo is mo tani aNuuh, a’di rumkunu ka Arumgimis mo isi goma yirto jin dina a’di ki mish naskina/ mo tani a’di yip̱i unu ’kup̱ mo ki moŋḵo/ is jin ta’da gayiin mo, a’di ki dhera ḵur mo gom kuŋ gu’b piti jin minu ta is ki me’d mo be. Ki mii yan mo tani a’di ki mii miiwaḵ gom gwon dwall jin toru gwo ’twa/a ’cesh mo gom ’kwaniny’cesh mo dhali a’di warki’d ka manḵal mal gom mo ma ḵar/e mo jin p̱u’dki’d ki moŋgam gwo is mo be.

IBRANIYIIN 2:3

i/ana mina ye kata mo, waḵki/ ana p̱inykina is mo gom dhan gumbway mowoṯẖ yan mo? A’di baḵkunu iṯwa/a/ mo ki Tap̱a mo, dhali a’di ṯelkunu sho’k mo e ana mo ki uni gwansan kun ciḵki a’di mo be,

IBRANIYIIN 3:14

Haali/ ana pwaḵkunu to eya Ḵrisṯẖos mo waḵki/ ana jasi ’te/ mo mina bu’th monyjwam bana jin wuna ana a’di i isi ṯwa/a/ mo mmoṯel sho’k mo ntagi ’pemen mo,

IBRANIYIIN 3:6

Hila Ḵrisṯẖos a’di ta a’di jin ta isiŋ gana/ mo ap̱o/ gu’b ma Arumgimis mo me’d ya/ mo. Dhali ana tana kuŋ gu’b piti mo waḵki/ ana mina bu’th gwo ki nyeŋ mo, gwo gom mom bana jin wukina ana a’di jwa i is mo dhali dhu ’ba/ ki ca mo e mo ma ’teŋ kap̱em bana mo be.

IBRANIYIIN 6:12

wakan, ki um minu ’taki ’koki soroṯẖ mo, hili thoḵi uni gwansan mii mo uni gun takin gi mal mo e gwo kun onu is mo ki moŋgam gwo is mo dhali ki bwa jin ’kuc̱u ki ’kari’th mo be.

BUṮERUS SU/ 1:1

ASimaan jin ta’da Buṯerus mo, a’di jin ta c̱iŋkina/ mo dhali a’di jin karu ki she/ mo goma Yesus Ḵrisṯẖos mo. E uni gwansan kun bu’thki moŋgam gwo is jin nyaḵka’d ki ji yinthom bana mo e mo ma ḵar/e ma Arumgimis bana mo dhali Amanwoṯẖ bana jin ta’da Yesus Ḵrisṯẖos mo be.