IBRANIYIIN 10:5 - Uduk New Teatament and OT Portions

⁵ Haali/ a’di gi wakan mo tani, ka Ḵrisṯẖos p̱u’dki’d e mony’cesh yan mo tani a’di ki o gwo mo ki: To kun ’ciṯẖu/ ’kus mo mmomiiya bas mo dhali to gun c̱inu mo tani /e dina bwa ki o ki a’di mo, hili buŋgwar is mo tani /e thosonki a’di gom aha/ mo be.

IBRANIYIIN 10:5 Iomraidhean Croise

ṮAKWIIN 3:15

Aha/ mina kar mo jin dup̱u i bwaman /e mo dhala ’bom mo, dhali e bwaman emen pini mo dhali emen ma yim mo. A’di midi pwaṯẖ /e ’kup̱ pini mo dhali /e mini ṯikina ṯiŋkilam piti ka ulmany mo.

MAṮṮA 11:3

dhali o a’di gwo mo ki: A/e ta a’di jin midi pu’du/ mo ’taa? walla aman mina hil jaŋ kamu/ mo?

LUUKA 1:35

Dhali aman’doyu gwo thoḵki’da yim gwo mo ki: Shi/in Dheleladhelel midi yayu/ apo/ /e mo, dhali mom’bi’th gi a’di jin Cayaa/ e ki Ca mo midi ’kam /e ka la mo be. Wakan a’ci jin minu dho’th mo tani a’di minu yuḵ ki jiŋ ḵogu mo, a’di jin ta Ya/ ma Arumgimis mo be.

LUUKA 7:19

Dhala Yohaan yuḵki imanciḵ gwom piti isu/ mo mmohash uni mo e Tap̱a mo mmo/o gwo mo ki: A/e ta a’di jin midi yayu/ mo ’taa? Walla aman mina hil jaŋ kamu/ mo?

YOHAAN 1:14

Dhali Gwo warki’d ki buŋgwar mo dhali shurki c̱a’b mo e bwam ana mo, ’tu’du/ ka ’the dhali ki gwoŋ gana/ mo. Ana mishkina cam piti mo, monyca gi Ya/ jin di’d ṯal ’de/ ’peni Com mo be.

GALATHIYYA 4:4

Hili ka tee p̱u’dki’d mo mmothimkunu a’di mo tani Arumgimis hashki Ya/m piti mo, a’di jin dhodhu ’pena ’bom mo dhali a’di jin dho’thkunu mo e bwaŋ’kwariny gwoŋḵan jin c̱inu mo be, mmowan uni gwansan ’ba/ mo, uni kun ’kokin mo e bwaŋ’kwariny gwoŋḵan jin c̱inu mo,

ṮIMUṮH̱AWUUS ’DE/ 3:16

Ka jiŋ gana/ ana pikina gwo mo gom a’di yansan jin ta dhan gwo jin c̱inu ki jim bag mo jin ta jim bana jin luŋa ana aluŋ mo: A’di jin ṯorkunu eya tente/ mo e shuman is mo, dhali a’di jin karkunu ki mo ma ḵar/e e Shi/in mo dhali a’di jin p̱arkina iman’doyu gwo e mo dhali a’di jin c̱ikunu gwo mo e bwaman kal gi ’kwaniny’cesh mo dhali a’di jin gamkina ’kwani gwo is mo e mony’cesh mo dhali a’di jin bu’thkunu bway momis mo e monyca mo.

IBRANIYIIN 1:6

Dhali doḵ/e, ki a’di ḵalki mo ma dho’th jin ta ji ma bwanyara/ e mony’cesh mo tani a’di oki gwo mo ki: Dhalki aris iman’doyu gwo ma Arumgimis luŋi a’di mo.

IBRANIYIIN 10:10

Dhali ki bwa ma Arumgimis yan mo tani ana dhagamkunu mo ki to jin c̱inu jin ta buŋgwar is ma Yesus Ḵrisṯẖos mo me’d ’de/ ki sule/ mo.

IBRANIYIIN 10:7

Dhali yan’ko’d aha/ ona gwo mo ki: Hili mo mo ma, aha/ p̱u’dkina mo mmomii bwam pini mo, ayy Arumgimis mo, me’d gwo jin ’kwarkunu gom aha/ mo e ari gwo ma warka/ mo.

IBRANIYIIN 10:8

Ki a’di o gwo e ibuŋ’kup̱ imaṯṯaan mo ki: /E walla dina bwa ki o mo, walla /e yisa ta gi ’ceŋ kamu/ jin ’kol /e mo gom to gun ’ciṯẖu/ ’kus mo dhali to gun c̱inu mo dhali to kun c̱inu mmopur ki o’d mo dhali to gun c̱inu gom miinthus mo tani (Uni gwansan, uni c̱inu mo me’d isi gwo gi gwoŋḵan jin c̱inu mo be),

IBRANIYIIN 2:14

Me’d jin wakina a’di kan mo mmobu’thkina uc̱i buŋgwar is mo dhala bas mo tani a’di ki is piti si’da/ bu’thki buyempa jin nyaḵka’d kan mo, ki, ki e mowu mo tani a’di midi ’taki ’ce’d a’di sho’k mo, a’di jin ta gi mom’bi’th gi mowu mo, a’di jin ta tap̱a ma ruma ’cesh mo

IBRANIYIIN 5:7

Dhali ka tee jin bu’thkina a’di buŋgwar is gi ’kwani ki is piti mo tani, aYesus c̱iki mo ma ’tho jin ’thonu mo dhali di’ba di’b is mo ki ’twa/ jin caaca ki moŋko mo dhali ki jabu’th mo, e a’di jin mishi a’di is ta ki me’d mo ’peni mowu mo, dhali a’di ciḵkunu ko mo gom mii ma gayiin piti jin ḵogu mo.

IBRANIYIIN 8:3

Haali/ iris igasiis kun can uni dhukunu ’pen ka pije/ mo mmoc̱i to gun c̱inu ki me’d mo dhali mmo’ciṯẖ to/e ’kus mo mmomiiya basa ’cesh mo. A’di gara/ iminu mii ŋap̱a ŋap̱ goma gasiis yansan mmomii ta gi toŋ kamu/ si’da/ jin mina a’di mii c̱i mo mmomiiya bas mo be.

BUṮERUS ’DE/ 2:24

A’di a’di ki is piti ḵalki miinthus bana e is piti mo ap̱o/ cwa mo, ki ana mina ’taki wu miinthus mo dhali ’ko ki e mo e mo ma ḵar/e mo. Ki jamam piti jin dorkunu a’di mo tani um wac̱kunu mo be.

YOHAAN SU/ 1:7

Haali/ ’kwani ka ris kun he’kkina he’k e mo tani iikin ka pije/ mo e mony’cesh mo, ’kwani kun ’koki pi gwo mo gom mo jin yayin ma Yesus Ḵrisṯẖos ki buŋgwar is mo. A’din ’de/ gi wakan mo tani ita’da he’k e mo dhala Ḵrisṯẖos jin diki ta jiŋ gana/ mo.