IBRANIYIIN 10:4 - Uduk New Teatament and OT Portions

⁴ Haali/ a’di molu mii mo ka bas ma morbip̱ mo dhali mi mo mini ’taki ḵal miinthus gi ’kwani mo be.

IBRANIYIIN 10:4 Iomraidhean Croise

GWAY GI IDAWUU’D 51:16

Haali/ /e dina bwa ki ’kuny mo e mo jin ’ciṯẖu/ to ’kus mmomiiya bas mo. Waḵki/ aha/ mina ’taki c̱i to ki me’d mmoc̱i’th ki o’d mo tani /e mini ’taki diki ’bor bwa mo be.

MARKUS 12:33

Mmo/en a’di ka du ’baar mo dhali ka du jin mishi gwo ’bani ’baar mo dhali ki mom’bithi ’baar mo dhali mmo/en amannyaḵ c̱a’b pini me’d is piniŋ gana/ mo tani a’di boli to ’baar mo e gun c̱inu mo mmoc̱i’th ki o’d mo dhali kun ’donu mo mmomiiya bas mo be.

YOHAAN 1:29

Dhali ka cim jiŋ ’ko’d mo tani a’di p̱arki’da Yesus e mo mmoyayu/ ’kup̱ kadhoŋ mo i a’di mo dhali o gwo mo ki: Hili mo mo ma, Ari Ḵa’bal ma Arumgimis a’di jin midi ḵal miinthus gi ’kwaniny’cesh mo be.

RUUMIYA 11:27

Dhali a’di yansan midi ta gwom pem jin gamu me’d nyaḵki uni mo, ki aha/ mina ḵal miinthus buni mo be.

IBRANIYIIN 10:1

Haali/ me’d jin dina gwoŋḵan jin c̱inu mo mmota a’thintha/ gom tom ’boron kun mini p̱u’du/ mo, mmodhal mii yansan e i is mo gom jamas gana/ gi to gwansan kun p̱iyi mo ki mii mo tani a’di midi mol mii ki sule/ sule/ mo nyaḵki mii jin ’ciṯẖu/ to/e ’kus mo mmomiiya basa ’cesh mo jin ṯikirkunu mii mo mmoc̱i mo ki yil ’ko’di yil mo mmodhu uni gwansan ki kum ’boron mo mmo’dish mo is mo be.

IBRANIYIIN 10:11

Dhali igasiis kun cani ’baar ka ’deṯe/ ’deṯe/ mo doshkin isa yempa/ ap̱o/ momiin to mo, mmoc̱i to kun rashu mii ki rash rash mo mmo’ciṯẖa/ basa ’cesh mo kun nyaḵkin kan mo, uni kun moli miinthus gi ’kwaniny’cesh ḵal ki sule/ sule/ mo.

IBRANIYIIN 10:8

Ki a’di o gwo e ibuŋ’kup̱ imaṯṯaan mo ki: /E walla dina bwa ki o mo, walla /e yisa ta gi ’ceŋ kamu/ jin ’kol /e mo gom to gun ’ciṯẖu/ ’kus mo dhali to gun c̱inu mo dhali to kun c̱inu mmopur ki o’d mo dhali to gun c̱inu gom miinthus mo tani (Uni gwansan, uni c̱inu mo me’d isi gwo gi gwoŋḵan jin c̱inu mo be),

IBRANIYIIN 9:9

(a’di jin ta’da shimpira/ mii gom she/ yil yan mo). Isi ki gwo yansan jin miinu ki jiŋ garr mo tani to gun c̱inu ki me’d mo dhali to gun c̱inu mo mmo’ciṯẖ ’kus mo mmomiiya basa ’cesh mo, a’di jin mol ’bor ’twa/ ma du ’bor ki ’bor gana/ mo goma luŋ jin luŋu mo,

YOHAAN ’DE/ 3:5

Um mishin ki a’di ṯoru eya tente/ mo mmoḵal miinthus mo be dhali e a’di mo tani miinthus p̱iyi’d mo be.