IBRANIYIIN 10:34 - Uduk New Teatament and OT Portions

³⁴ Haali/ um ḵo’cki e gom ’kwani habuus mo dhali um bu’thki mo jin dilkunu um to mo kun tana um mo ki bwaŋ ’kunyga/ mo me’d jin misha um ki um ki is bum tan gi tom bum kun ’boron ki ’bor gana/ mo dhali kun mini ’ko ki sule/ mo.

IBRANIYIIN 10:34 Iomraidhean Croise

BUṮERUS ’DE/ 1:4

dhali e mo mal jin budhu mo a’di jin moli p̱u/ mo, dhali jin dinuki shi/ ki mii mo, dhali jin midi diki us mo ki jog mo, dhali jin karkunu mo gom um mo e momis mo.

ṮIMUṮH̱AWUUS SU/ 1:16

Dhalki Tap̱a a’di c̱i momiimii gom kuŋ gu’b ma Unisip̱urus mo haali/ a’di me’d ka ris yeki aha/ ’ba/ mo. A’di yisa ’thena is mo gom mondeḵ pem jin deḵu aha/ ka jindhiir mo,

YAKUUB 1:2

Kari bwaŋ ’kunyga/ mo ma, iwaḵ pem, ki um jemki ’kup̱ ki mompal ki she/ ki she/ mo.

IBRANIYIIN 13:3

Kayi uni gwansan e mo kun ’kokin eya sijin mo, ma me’d jin nyaḵkina um ’ko eya sijin nyaḵki uni mo. Dhali nyaḵki uni gwansan kun miinu ka jin thus e mo, haali/ um si’da/ nyaḵki ’ko e buŋgwar is mo be.

EP̱ASUS 6:20

Haali/ aha/ tana amanya eya jindhiir mo gom a’di mo jin miga/ ’taki bah a’di eya tente/ ki dar gi monyju/ mo me’d jin miga/ ḵa ’taki ṯor gwo mo ba/.

LUUKA 12:33

Yoli tom bum kun tana um mo ma. Dhali c̱i to jin c̱inu ki me’d mo gom ’kwani kun hatha ’ko’d mo. Ḵucura jisilaan ki is bum mo ma, uni gun ’koki war ki kun dhamo/ mo, a’di jin ish to ḵumma/ mo e momis jin midi diki ush me’d ki sule/ mo, mo jin daru ka ’di/ mo mmo’dish mo is mo dhali adhurany midi diki ’ce’d uni sho’k mo be.

YOHAAN ’DE/ 3:2

Um gun enu mo, ana tana uc̱i ma Arumgimis shwane/ mo, a’di dinuki ṯor eya tente/ naskina/ mo a’di jin mina ana wa e mo, hili ana misha a’di ki a’di midi piyu mo tani ana mina e waki a’di mo haali/ ana mina p̱ar a’di e ki a’di wakan mo be.

IBRANIYIIN 11:16

Hili, gom a’di gi wakan mo tani uni ’kokina gwo ibwa mo gom bampa/ jin dina jaro/ ki she/ mo, a’di yansan jin ta bampan ṯal ’de/ jin ta ji gi momis mo be. Ki mii gi wakan mo tani Arumgimis dina is ki ’the mo ki a’di minu yuḵ ka Arumgimis buni mo haali/ a’di thosonki uni ’peŋkuman bampa/ mo be.

ṮIMUṮH̱AWUUS ’DE/ 6:19

Wakan mmodhuna uni to mmo/ish ḵumma/ mo gom is buni mo mmota moŋḵa’b jin ’bora’bor mo gom yilaŋ kamu/ mo tani wakan ki uni mini bu’th mondiki/e ki nyeŋ mo, a’di jin ta mondiki/eŋ gana/ mo be.

KULUSSI 1:5

haali/ mo ma ’teŋ kap̱e/ a’di karkunu mo gom um e momis mo. Gom a’di yansan mo tani um ciḵki gwo nṯwa/a/ mo e gwo jin ta gwoŋ gana/ mo, a’di jin ta gwom ’borga/ mo,

P̱ILIBBI 1:7

A’di ’boro’d ki ’bor gana/ mo gom aha/ mmokulum gwo i bwa mo gom umi ’baar mo kansan mo haali/ aha/ dhuna um eya dum pem mo haali/ aris umi ’baar mo nyaḵu/ a’the pwaḵ ki aha/ mo me’d jin dika/ eya sijin mo dhali mmo’ce’d gwo she/ mo dhali mmoṯel gwom ’borga/ sho’k mo.

EP̱ASUS 4:1

Wakan aha/ jin tana habuus gom Tap̱a mo yuḵkina um mo mmoshuwa shum bway ki mii kun ha me’d mo ka yuḵ jin yuḵkunu um mo be

EP̱ASUS 3:1

Gom ’kup̱ mii yansan mo aha/ jin tana aBuulus mo, aha/ jin tana habuus goma Ḵrisṯẖos jin ta’da Yesus mo gom gway bum mo um kun ’koki ta ’Kwani Yahuuda/ mo.

MII GUN MIINU MO 21:33

Dhali yan’ko’d mo amancil ma askar alip̱ p̱u’dki’d mo ki ’dishe/ mo dhali bu’th a’di mo dhali ḵan gwo mo ki a’di minu deḵ mo ka jindhiiri su/ mo. Dhali a’di doṯki gwo mo ki a’di ta’da ja sa/ mo dhala ta miikina a’di mo.

MII GUN MIINU MO 5:41

A’di iina uni mo ’peni bwambori montul is yan mo mmo’bora uni bwa mo ki uni dhunu ki montaḵ wakan mmo’kosha uni is ka nyor kan ki mon’the is mo gom gway yan mo be.

LUUKA 10:42

Ton ṯal ’de/ di’d jin minu mii ta mo. Mariyam a’di kwanyki ’ban jin ’boro’d mo a’di jin minu ’koki bu’th mo ’pena yim mo be.

MAṮṮA 19:21

Yesus ki thoḵ a’di gwo mo ki: Waḵki/ /e mini ’taki ta wathim ’borgaŋ gana/ mo tani yaku/ mo dhali yola ris to kun tana /e mo, dhali c̱iki uni ki ’kwani kun hatha’ko’d mo, dhali /e mini gam to kun ish ḵumma/ mo e momis mo. Dhali yayu/ mo mmobaṯẖ aha/ nsho’k mo.

ṮIMUṮH̱AWUUS SU/ 2:9

a’di jin ta gwom ’borga/ a’di jin ’koshka/ is ka nyor mo dhali rash mo ka maḵḵiya m’bame’d mo me’da manṯẖu’th to mii mo. Hili Gwo ma Arumgimis mo tani a’di yisa ta gwo jin deḵu mowa.

KURINṮH̱UUS SU/ 5:1

Haali/ aman misha ki waḵki/ gu’ba’ku/ gi mony’cesh yan mo jin ’kona aman nycine/ ’ce’dkunu sho’k mo tani aman tana gi monyaŋ ’peni Arumgimis mo, gu’b jin nyaŋu ki me’d yisa, a’di jin midi di ki sule/ sule/ e momis mo be.

MII GUN MIINU MO 28:20

Haali/ gom moyer is ki gway yan tan a’di iyuḵkika/ um mmop̱araa/ e mo dhali mmoṯora ṯor nyaḵki aha/ mo haali/ goma ’teŋ kap̱e/ gi ’Kwani ma Israyiil mo tani aha/ deḵkunu ka jindhiir yan mo.

ṮIMUṮH̱AWUUS SU/ 4:8

’Peni shwane/ mo to karkunu mo gom aha/ mo, a’di jin ta toŋ’kup̱ gi mo ma ḵar/e mo, a’di jin mina Tap̱a, jin ta’da amandwall gwo mo jin ta’da ḵar/e mo c̱i aha/ mo ka Tee c̱aan mo. Dhali yisa jasi e aha/ ’de/ mowa, hili si’da/ gom uni ’baar mo kun enki miim piti jin minu piyu/ a’di is ka pije/ mo be.

LUUKA 9:25

Haali/ to jin nyo/a wathi/ mo tani ta’da tinta mo waḵki/ a’di midi jar e e to gi mony’ceshi ’baar mo dhali this e mo walla ’ce’d sho’k mo ki is piti mo.

IBRANIYIIN 9:15

Wakan a’di ta a’di jin doshki’da galany mo mmota gwon this jin gamu me’d mo. Wakan, ki uni gwansan kun yuḵkunu mo mini ’taki bu’th mal gi mo ma sule/ sule/ ya ye ’ba/ mo jin onu gwo is mo, haali/ mowuŋ kamu/ bu’thki mo mo, a’di jin wanki uni ’ba/ mo ’peni gwon dhaŋ mo e bwaŋ’kwariny gwo jin ṯwa/a/ jin gamu me’d mo.

IBRANIYIIN 13:14

Haali/ mmahan mo tani ana dara gi ’peŋkuman bampa/ jin ta a’di jin midi di ki sule/ sule/ mo, hili ana simma ’peŋkuman bampa/ e mo jin midi p̱u’du/ mo be.