IBRANIYIIN 10:25 - Uduk New Teatament and OT Portions

²⁵ yisa mmop̱inykin is gom mo jin tulu is mmonṯal ’de/ mo, me’d jin boṯa kun tiya ki mii mo, hili mmo’bi’th ci adu is ka rem ’kup̱ mo, dhali isa yempa/ mo ki nyanye/ mo me’d jin p̱arkina uma Tee e mo mmo’dishkina a’di ki ’dish ’dish mo be.

IBRANIYIIN 10:25 Iomraidhean Croise

MAṮṮA 10:15

Ka jiŋ gana/ aha/ ona um gwo mo ki a’di mina ’twa/ si’d mo yisa ka tee gi gwon dwall mo gom bampa/ gi Pan Saduum mo dhali Paŋ Gamuura mo mmobol pa c̱aan e mo yisa.

MAṮṮA 18:20

Haali/ waḵki/ ’kwani ’koni su/ mo walla kwara mo kun tuli is mo e gway pem mo tani aha/ dina e bwam uni mo be.

YOHAAN 12:48

A’diyin jin ushki aha/ mo dhali diki bu’th gwom pem jin oka/ mo tani a’di ta gi jan ṯal ’deŋ kamu/ jin midi dwall a’di gwo mo. Gwo jin oka/ mo tani a’di midi ta gwon dwall piti ka cim jiŋ ’ko’d mo.

MII GUN MIINU MO 16:16

Dhali a’di warki’d ki mo jin ’kokina aman mmo/ii mo e mo jin ’thonu tani nyaraŋ kamu/ jin ta ga rum mmomish to ṯor gom mo jin midi yayu/ mo tani a’di gam aman ’kup̱ mo jin ḵalki’da ṯu’c kagahara gom itap̱am piti mmoṯora a’di gwo wakan mo.

MII GUN MIINU MO 2:1

Dhali ka cim Ḵamsiin p̱u’dki’d mo tani aris uni ’baar mo tulki is mo mmonṯal ’de/ mo.

MII GUN MIINU MO 2:42

Dhali uni ’kon mmoroc̱ sho’k ki sule/ e gwo kun ṯora imandhun ma Yesus ki she/ mo dhali e mombuṯ si’da/ mo, mmo’ce’d maaŋḵuthu’d mo be dhali e mon’tho si’da/ mo be.

MII GUN MIINU MO 20:7

Dhali ap̱owa cim yan jin ṯwa/a/ ka dhas mo tani aman ’kokina mmotul is mo imonṯal ’de/ mo mmo’ce’d maaŋḵuthu’d mo tani aBuulus ṯorki’da ṯor ki uni ka ḵarambuye/ mo mmoṯor mo gom ya jin mina a’di mii ya mo ka cim jiŋ ’ko’d mo dhali gwom piti bulkina a’di uni mo ntagi mombwam/e mo be.

RUUMIYA 12:8

dhali a’di jin malaski’da malas, e malas piti mo dhali a’di jin c̱i to, ka ’ka’d me’di is mo dhali a’di jin woṯẖki’da woṯẖ, ka nyor gana/ mo dhali a’di jin miimii jin miinuwa mii mo ki bwaŋ ’kunyu’d mo be.

KURINṮH̱UUS ’DE/ 11:20

Ki um tulki is mo mmonṯal ’de/ mo tani a’di yisa ta tonṯe/ gi Tap̱a jin shwakina um mowa.

KURINṮH̱UUS ’DE/ 14:23

Waḵki/ wakan mo tani aḵaniisa ’baar mo ka tul ’kup̱ mo dhali uni ’baar mo o gwo ki ’twan tiya mo tani dhali ’kwani gun ’kon ka pije/ walla gun daran ki gwo jin gamu is mo tani waḵki/ uni cic̱in mo tani mina uni ’koki o gwo ki um sona du mowa?

KURINṮH̱UUS ’DE/ 14:3

Hili ’bwanu’b gwoŋ kamu/ a’dihe/ be, gom a’di jin oki gwo is mo tani a’di ṯorki ’kwani gwo mo gom monyaŋ is buni mo dhali mmo’bi’th uni adu is mo dhali mmomalasa dum buni mo be.

KURINṮH̱UUS ’DE/ 3:13

arisa ṯu’c gi ’kwani ka ’deṯe/ ’deṯe/ mo tani uni minu ṯor eya tente/ mo. Haala tee midi this a’di ṯor mo haali/ a’di minu ṯor eya tente/ ki o’d mo, dhali o’d a’di midi pala ris e ma ṯu’c kun miina ’kwani ka ’deṯe/ ’deṯe/ mo be.

KURINṮH̱UUS ’DE/ 5:4

e gway gi Tap̱a Yesus ap̱o/ wathi/, a’di jin miiki ji gi ta thus kansan mo be. Ki um tul is mo tani dhali shi/in pem nyaḵ di ki um mo tani nyaḵki mom’bi’th gi Tap̱a Yesus bana mo be tani

P̱ILIBBI 4:5

Dhalka ris ’kwani ’baar mo mishi mo mo ma, mo ma dum bum jin ’tima um mo. Haali/ Tap̱a a’di ’disha ’twa/ mo hila/.

TASALUNIIKI ’DE 4:18

Dhali ki mii gi wakan mo tani malasiya malas ka rem ’kup̱ e gwo gwansan mo ma.

TASALUNIIKI ’DE 5:11

Wakan ’bithi ci adu is ka rem ’kup̱ mo dhali nyaŋi anyaŋ ka rem ’kup̱ mo jasi me’d mii jin miikina um mo be.

IBRANIYIIN 10:24

Dhali dhalki ana si’da/ ’kona isi gwo i bwa mo, ma mo c̱i’th ci is ki mii ka rem ’kup̱ mo mmo/ena en mo dhali mmomii miim ’boron mo,

IBRANIYIIN 10:37

Haali/ um c̱orkina c̱or mo ari’ceenne/ naskina/ mo dhali a’din ’deŋ kamu/ jin midi p̱u’du/ mo dhali midi diki ta adiiṯe/ mo.

IBRANIYIIN 13:22

Aha/ yip̱a ’kup̱ ’kup̱ki um iwaḵ mo. Thonaa/ me’di ’ko’d mo ki gwom pem jin malaskika/ um mo haali/ aha/ ’kwarkina um gwo ki e ’pe’pere/ mo.

IBRANIYIIN 3:13

Malasiya malas ka rem ’kup̱ isa yempa/ mo isi me’d jin tana a’di atee jin yuḵu ka Tee Yan mo, jin mina miinthus diki he’k jan ṯal ’deŋ kamu/ e mo ki mo ma he’k em piti mo mmo’bi’th uma du mo.

YAKUUB 5:8

Um si’da/ ’kuc̱i bwa mo ma ki ’kari’th mo dhali ṯela dum bum sho’k mo gom ya gi mina Tap̱a p̱u’du/ e me’d hila/ mo.

BUṮERUS ’DE/ 4:7

’Pemen ma ris to gwansani ’baar mo tani p̱u’dkin hila/ mo be. Wakan dhuyi adum bum ki ’bore/ mo dhali ḵuthi is ki ’cese/ ’cese/ mo goma ’thom bum jin mina umi ’tho mo.

BUṮERUS SU/ 3:11

Haali/ me’d jin mina ris to gwansani ’baar mo wa mo wakan mo tani um mini ta ’kwani kun mini wakata ḵa ba/ mo mmomii mii kun ḵogu mo dhali mii mii ma gayiin mo

BUṮERUS SU/ 3:14

Wakan, um gun enu mo, me’d jin c̱orkina um gom to gwansan mo tani shwayi anyor ki thiṯẖ mo ki um minu gam e a’di mo ki dar gi monyo/o’d mo walla thalkin mo dhali um minu gam mo ki mo ma ḵu’th is mo.

BUṮERUS SU/ 3:9

Tap̱a a’di midi diki miiya diiṯe/ mo gom gwom piti jin ona a’di is mo me’d jin ona kun tiya ki a’di midi taya diiṯe/ mo, hili a’di thonki’da thon me’di ’ko’d mo ’kup̱ki um mo. A’di yisa ona bwa ki ṯal ’deŋ kamu/ midi ’taki this e mo, hili ka ris ’kwani ’baar mo mini ’taki jidhir mo e mo jin rijuwa du is mo be.

YAHUUSA 1:19

Uni ta uni gwansan gun dhu gwo kun ḵwa/u bwa mo, kun ta ’kwani tony ’cesh mo, uni dar gi Shi/in mo be.