IBRANIYIIN 10:22 - Uduk New Teatament and OT Portions

²² dhalki ana ’disha mii is mo ka duŋ gana/ mo mmo’tu’d mo mmomish mo ki isa duŋ gana/ ki moŋgam gwo is mo, ka dum bana kun ḵukuskunu ana ki dhelel dhelel mo ’peni tonthus gi ’twa/ ma dum bana mo dhali buŋgwar is bana kun lamkunu ki yi’de/ jin c̱a’bki yidhiṯẖ yidhiṯẖ mo be.

IBRANIYIIN 10:22 Iomraidhean Croise

GWAY GI IDAWUU’D 111:1

Maŋi Tap̱a mo. Aha/ mina c̱i mo jin ’boruwa ’bor bwa i is ki Tap̱a mo ka dum pemi ’baar mo, ki dhan ya ma tul ’kup̱ gi kwani kun dhelel ma du mo e bwaman ma tul ’kup̱ yan mo.

GWAY GI IDAWUU’D 119:10

Ka dum pemi ’baar mo tani aha/ simmkina /e e mo. Dhalku/ ki dhal aha/ mmoc̱aca/ mo ’peni gwoŋḵan pini kun ’kwarkunu mo.

GWAY GI IDAWUU’D 119:145

Ka dum pemi ’baar mo tani aha/ gwokina mo. Thoḵi aha/ ’twa/ mo ma, ayy Tap̱a mo. Aha/ mina dhu gwoŋḵan pini kun bahu mo.

GWAY GI IDAWUU’D 119:2

Mom’bor mii gom uni gwansan kun dhuki gwonyc̱im piti mo, uni kun simmki a’di e ka dum buni ’baar mo,

GWAY GI IDAWUU’D 119:34

C̱iyi aha/ mo jin mishu gwo ’ban mo ki aha/ mina dhu gwoŋḵan pini jin c̱inu mo dhali mii a’di ka dum pemi ’baar mo.

GWAY GI IDAWUU’D 119:58

Aha/ ’thona mii ma ’them pini ka dum pemi ’baar mo. Miiyi mii ka ’the gom aha/ isi gi gwom pini jin ona /e is mo.

GWAY GI IDAWUU’D 119:69

’Kwani kun ushina ga/ ga/ mo tani uni ’thoḵki aha/ ka ṯor mo, hili ka dum pemi ’baar mo aha/ dhukina gwoŋḵan gi ’twam pini mo.

GWAY GI IDAWUU’D 119:7

Aha/ mina maŋ /e ka du jin dheleladhelel mo, ki aha/ mina da/ar gwo gom mii ma ḵar/em pini ’peni gwoŋḵan kun onu mo.

GWAY GI IDAWUU’D 119:80

Dhalka dum pem a’di dar gi mii ’ba/ e gwoŋḵan pini kun bahu mo ki aha/ minu ’koki kar ki mo ma ’the is mo.

GWAY GI IDAWUU’D 32:11

’Bori bwa e Tap̱a mo dhali ’kunyi bwa mo ayy um ’kwani kun tana ḵar/e mo, dhali ḵumi cuuwa/ gom moŋ’kuny bwa mo, aris um kun dhelel ma du mo.

GWAY GI IDAWUU’D 51:10

Uḵi e aha/ adun dhelelga/ mo, ayy Arumgimis, dhali kar jin this dhali jin ’boro’d e bwaman shi/in pem mo.

GWAY GI IDAWUU’D 73:28

Hili gom aha/ mo tani a’di ’boro’d jin miga/ ’disha Arumgimis is mo. Aha/ karkina Tap̱a Arumgimis mo mmota a’di jin hurga/ jwa icine/ mo, ki aha/ mina ṯora ris miim pini mo.

GWAY GI IDAWUU’D 84:11

Haali/ Tap̱a Arumgimis a’di ta’da tente/ dhali agoŋgoro/ mo. A’di c̱iki mo ma ’the dhali montaḵ mo. Tom ’boro’da kamu/ mina Tap̱a non yisa ’peni uni gwansan kun iikin ki iiŋ gana/ mo.

GWAY GI IDAWUU’D 9:1

Aha/ mina c̱i mo jin ’boruwa ’bor bwa i is e Tap̱a ka dum pemi ’baar mo. Dhali aha/ mina ṯora ris to kun miikina /e ki jaro/ jaro/ mo.

GWAY GI IDAWUU’D 94:15

Mo jin dhunuwa dhu ka p̱o/ midi doḵu/ mo e mo jin ta’da ḵar/e mo, dhali aris uni ’baar mo kun dhelel ma du mo tani uni mini baṯẖ a’di isho’k mo be.

MAṮṮA 3:11

Aha/ miikina um ki yi’de/ gom mo gi minu rica du is mo, hili a’di jin midi yayu/ i’ko’di aha/ mo tani a’di ca’d ki aha/ mo dhala p̱p̱am piti mo tani aha/ dinaki ha me’d mo mmoḵal uni mo. Hili a’di midi mii um ki Shi/in Dheleladhelel mo dhali ki o’d mo be.

LUUKA 1:1

Haali/ me’d ’kwani ka ris kun bu’thki gwo mo mmotul gwo ’kup mo ka baṯẖ ’pen mo, gwo jin thimkunu mo e bwam ana mo,

YOHAAN 3:5

Yesus ki thoḵ a’di gwo mo ki: Ka jiŋ gana/, ka jiŋ gana/, aha/ ṯora /e gwo mo ki: Isi ciki/ waḵki/ jan ṯal ’deŋ kamu/ dinuki dho’th ’peni yi’de/ dhali ’peni Shi/in mo tani a’di midi mol cic̱ Bampa/ ma Arumgimis mo be.

YOHAAN 8:9

Hili ki uni ciḵki a’di mo tani uni iikin ka pije/ ka ’deṯe/ ’deṯe/ mo mmoṯel ’pen ’peni a’di jin ca’d mo, dhala Yesus dhalkunu a’di ’de/ mo nyaḵka ’bom jin doshki’di bwambori a’di mo be.

MII GUN MIINU MO 22:16

Dhali shwane/ ata c̱a’ba /e mmomii mo? Cuyi /e mis mo ma dhali miiyi is pini ki yi’de/ mo mmolam miinthus pini mo mmoyer gway piti mo.

MII GUN MIINU MO 8:21

/E dar gi to walla mii e gwo yan mo haali/ adum pini diki ’bor ibwambor ma Arumgimis mo be.

KURINṮH̱UUS ’DE/ 6:11

Dhali kun tiya ta ku gi wakan e um mo. Hili um lamkunu mo, um dhukunu ki she/ ki dhelel dhelel mo, dhali um dhukunu mo ki mo ma ḵar/e mo ki gway gi Tap̱a Yesus Ḵrisṯẖos mo dhali ki gway gi Shi/in Dheleladhelel ma Arumgimis bana mo be.

KURINṮH̱UUS SU/ 7:1

Me’d jin takina ana gi gwo gwansan gun onu is mo tani um gun enu mo tani dhalki ana dhelela is bana mo ’pena ris mii gun nyo/i buŋgwar isi ’baar mo dhali shi/in mo mmosus mo jin ḵogu ki jaro/ jaro/ mo e moŋḵo/ goma Arumgimis mo.

EP̱ASUS 3:12

E a’di mo tani ana dara gi monyju/ mo dhali wu a’di jwa i is mo gom bway yan e moŋgam gwo is bana e a’di mo be.

EP̱ASUS 5:26

ki a’di midi dhagama yim mo ki mo jin dhelelkina a’di ayim mo ki gwo mo me’d mo jin lamu ki yi’de/ mo

EP̱ASUS 6:5

Um c̱iŋkina/ gun yolu mo, hayi gwo gi uni gwansan e mo kun ta tap̱am bum e mony’cesh mo ki moŋḵo/ is mo dhali ki mondee mo ka dun ṯal ’de/ mo me’d mii jin miina um goma Ḵrisṯẖos mo,

ṮIMUṮH̱AWUUS ’DE/ 4:2

e gwo ma p̱or ma pije/ mo kun tanuwa ṯor ka ṯor mo ki ’kwani gwansan mo kun sula ’twa/ ma dum buni mo,

TIITHUS 3:5

a’di taki ana is ki me’d mo, yisa gom miim ’boro’da kamu/ jin miikina ana ki mii ma ḵar/e mowa, hili ki momiimiim pitiŋ gana/ jin ha me’d mo, ki mii jin lamkunu mo ka dho’th jin dhodhu doḵ/e mo dhali ki mii jin tanu this e Shi/in Dheleladhelel mo tani

IBRANIYIIN 10:1

Haali/ me’d jin dina gwoŋḵan jin c̱inu mo mmota a’thintha/ gom tom ’boron kun mini p̱u’du/ mo, mmodhal mii yansan e i is mo gom jamas gana/ gi to gwansan kun p̱iyi mo ki mii mo tani a’di midi mol mii ki sule/ sule/ mo nyaḵki mii jin ’ciṯẖu/ to/e ’kus mo mmomiiya basa ’cesh mo jin ṯikirkunu mii mo mmoc̱i mo ki yil ’ko’di yil mo mmodhu uni gwansan ki kum ’boron mo mmo’dish mo is mo be.

IBRANIYIIN 10:19

Wakan iwaḵ mo, me’d jin takina ana ki mo jin wuna ana a’di jwa i is mo mmocic̱ mo e mo jin ḵogu mo ka bas ma Yesus mo

IBRANIYIIN 11:28

Ki moŋgam gwo is mo tani a’di karki mo jin penuwa Pe’kup̱anyolos mo dhali ḵukusa bas mo, wakan ka Man’ce’da bwanyara/ sho’k mo midi ’taki diki ta uni is ki me’d mo be.

IBRANIYIIN 12:24

dhali eya Yesus mo, a’di jin doshki’da galany mo gom gwo jin ta jin this jin gamu me’d mo, dhali e mo jin ḵukuskunuwa bas mo jin onu gwo ki o ma aane/ mo ka bas yan bol ji ma Habiil e mo be.

IBRANIYIIN 4:16

Wakan dhalki mom bana jin wuna ana a’di jwa i is mo ’dish ana abor mo ki ’dish ’dish mo eya ḵursi ma maliḵ jin ta ji ma ’the mo, ki ana mina ’taki bu’th momiimii mo dhali gama ’the mo mmowoṯẖa/ woṯẖ mo ka tee jin minu mii ta gi a’di mo be.

IBRANIYIIN 6:11

Dhali aman ona bwa ki isi oŋ gana/ ki um ka ’deṯe/ ’deṯe/ mo mini ṯor mii yan ka daran du mo mmonyiṯẖa/ nyiṯẖ ki mii jin shi/i’d mo mmomish ki isa duŋ gana/ gom mo ma ’teŋ kap̱e/ jin midi di ntagi ’pemen mo be,

IBRANIYIIN 7:19

(Haali/ gwoŋḵan jin c̱inu mo tani yisa piyi miiŋ kamu/ jin ’boro’d ki ’bor gana/ ’kup̱ ka pije/ yisa.) Dhali ki me’da kamu/ doḵ/e mo tani mo ma ’teŋ kap̱em ’borga/ mo tani a’di waru/ is mo, a’di jin ’dishkina ana Arumgimis is ki a’di mo be.

IBRANIYIIN 9:10

hili uni ki us mii is mo jasi gom tonṯe/ mo dhali gom tomp̱i mo dhali aris miin tiya kun lamu is ki she/ ki she/ mo gom gwon dhamo/ mo, uni kun ta mii gun ḵankunu mo gom buŋgwar is mo, mmo’dap̱ uni ’twa/a ’cesh mo ntagi mo jin min ma tee irica ri’c is mo.

IBRANIYIIN 9:19

Haali/ ka ris gwoŋḵan kun ’kwarkunu mo gi gwoŋḵan jin c̱inu ka ’deṯe/ ’deṯe/ mo baḵkin ma Musa gwo e ’kwani ’baar mo tani a’di ki budha bas gi ushi bip̱ mo dhali mi mo, nyaḵki yi’de/ mo dhala mur ḵa’bal jin ta’da duḵ is mo dhali cwa ma ’tasha jal bip̱ mo dhali a’di ki ḵukusa bas ap̱owa warka/ ki is piti mo dhali aris ’kwani ’baar mo,

YAKUUB 1:6

Hili dhalki a’di doṯ a’di ki moŋgam gwo is mo ki dar gi bwa jin shinu ’kup̱ mo haali/ a’di jin shina bwa ’kup̱ mo tani wana e ki yi’deŋ ḵumma/ jin bir bakal mo jin boru mo dhali jin ’dasha ’tham mo be.

YAKUUB 4:8

’Dishi Arumgimis is mo ma dhali a’di midi ’dish um is mo be. Lami me’d bum mo ma, um ’kwani kun ta imanmii miinthus mo dhali dheleli adum bum mo ma, um ’kwani kun ’kona bwa ka susu/ mo.

BUṮERUS ’DE/ 1:2

uni kun kwanykunu mo dhali kun ’kawurkin ma Arumgimis jin ta’da Baba mo dhali kun dhagamkunu mo ki Shi/in mo gom gwo jin hana uni e mo eya Yesus Ḵrisṯẖos mo dhali goma bas piti jin ḵukuski’d mo. Dhalka ’the dhali moŋḵu’th is minu mar is gom um mo.

BUṮERUS ’DE/ 3:21

Mo ma cuc̱ jin cuc̱u/ jin ’dap̱a’d ki gwo yan mo tani a’di woṯẖki um shwane/ mo, yisa me’d mii jin ḵalkunuwa dihar ka pije/ ’peni buŋgwar is mo, hili me’d isi ’kup̱ jin yip̱kunu eya Arumgimis mo gom ’twa/ ma dun dhelelga/ mo ki mompi ma Yesus Ḵrisṯẖos mo,

GWO JIN ’CEENU MO 1:5

Dhali ’pena Yesus Ḵrisṯẖos, a’di jin ta isiŋ gana/ gi gwo jin onu mo, a’di jin ta’da bwanyara/ gi mowu mo dhali ta tap̱a ap̱o/ imaliḵ kun ’koni mony’cesh mo. E a’di, a’di jin enki ana mo dhali dhu ana ki ’kus mo ’peni miinthus bana mo ka bas piti mo,