IBRANIYIIN 10:11 - Uduk New Teatament and OT Portions

¹¹ Dhali igasiis kun cani ’baar ka ’deṯe/ ’deṯe/ mo doshkin isa yempa/ ap̱o/ momiin to mo, mmoc̱i to kun rashu mii ki rash rash mo mmo’ciṯẖa/ basa ’cesh mo kun nyaḵkin kan mo, uni kun moli miinthus gi ’kwaniny’cesh ḵal ki sule/ sule/ mo.

IBRANIYIIN 10:11 Iomraidhean Croise

IBRANIYIIN 10:1

Haali/ me’d jin dina gwoŋḵan jin c̱inu mo mmota a’thintha/ gom tom ’boron kun mini p̱u’du/ mo, mmodhal mii yansan e i is mo gom jamas gana/ gi to gwansan kun p̱iyi mo ki mii mo tani a’di midi mol mii ki sule/ sule/ mo nyaḵki mii jin ’ciṯẖu/ to/e ’kus mo mmomiiya basa ’cesh mo jin ṯikirkunu mii mo mmoc̱i mo ki yil ’ko’di yil mo mmodhu uni gwansan ki kum ’boron mo mmo’dish mo is mo be.

IBRANIYIIN 10:4

Haali/ a’di molu mii mo ka bas ma morbip̱ mo dhali mi mo mini ’taki ḵal miinthus gi ’kwani mo be.

IBRANIYIIN 5:1

Haali/ iris igasiis kun can ka ’deṯe/ ’deṯe/ mo kun kwanykunu mo ’peni bwaŋ ’kwani mo tani uni dhukunu ’pen ka pije/ mo gom mii mo gom gway gi ’kwani mo mmo’disha uni Arumgimis is ki mii mo, mmoc̱i to gun c̱inu ki me’d mo dhali to kun ’ciṯẖuwa basa ’cesh mo gom miinthus gi ’kwani mo.

IBRANIYIIN 7:27

A’di midi mii diki ta gi jamu/ mo me’d igasiis gwahan kun cakin mo mmo’ciṯẖ to/e ’kus mo goma bas jin miinuwa ’cesh isa yempa/ mo, mmo’ciṯẖi ṯwa/a/ mo gom miinthus pitiŋ gana/ mo dhali yan’ko’d gom miinthus gi ’kwani gwansan mo. A’di miiki mii yansan me’d ’de/ ki sule/ mo ki a’di c̱iki is pitiŋ gana/ mo.

IBRANIYIIN 8:2

amanmii to mo e mo jin ḵogu mo dhali e gu’b c̱iŋŋaŋ gana/ mo, a’di jin ṯelu ki me’d gi wathi/ yisa, hili ki Tap̱a mo be.

IBRANIYIIN 8:4

Dhali waḵki/ a’di midi ’taki di e mony’cesh yan mo tani a’di midi ’taki diki ta agasiis moyi, haali/ igasiis uni ’kokin mo mmoc̱i to gun c̱inu ki me’d mo isi ki gwoŋḵan jin c̱inu mo.