IBRANIYIIN 10:10 - Uduk New Teatament and OT Portions

¹⁰ Dhali ki bwa ma Arumgimis yan mo tani ana dhagamkunu mo ki to jin c̱inu jin ta buŋgwar is ma Yesus Ḵrisṯẖos mo me’d ’de/ ki sule/ mo.

IBRANIYIIN 10:10 Iomraidhean Croise

YOHAAN 17:19

Dhali gom gway buni mo tani aha/ dhagamkina is pem mo, ki uni si’da/ minu dhagam e gwoŋ gana/ mo be.

YOHAAN 19:34

Hila askara ’deŋ kamu/ su’kki a’di gwar ka mee mo dhali ki jahanne/ abas guski’d mo dhali yi’de/ mo be.

YOHAAN 6:51

Aha/ tana maa jin di’d ki e jin thulki’da ’cesh ’peni momis mo. Waḵki/ wathin ṯal ’deŋ kamu/ jin midi shwa maa yansan mo tani a’di midi di ki e ki sule/ sule/ mo. Dhali maa jin miga/ c̱i gom moŋ’koki/e gi ’kwaniny’cesh mo tani a’di ta buŋgwar is pem mo be.

KURINṮH̱UUS ’DE/ 1:30

A’di ta ’kus gi mondiki/em pini eya Ḵrisṯẖos jin ta’da Yesus mo, a’di jin kar ma Arumgimis mmota yuḵ bana mo dhali mmota mo ma ḵar/em bana mo dhali mmota mo jin dhunuwa dhu ki she/ ki dhelel dhelel gom ana mo dhali mmota mo jin wanu ana ’ba/ mo.

KURINṮH̱UUS ’DE/ 6:11

Dhali kun tiya ta ku gi wakan e um mo. Hili um lamkunu mo, um dhukunu ki she/ ki dhelel dhelel mo, dhali um dhukunu mo ki mo ma ḵar/e mo ki gway gi Tap̱a Yesus Ḵrisṯẖos mo dhali ki gway gi Shi/in Dheleladhelel ma Arumgimis bana mo be.

EP̱ASUS 5:2

Dhali iiyi e mo/en mo me’da Ḵrisṯẖos enki ana mo dhali c̱i is pitiŋ gana/ mo gom ana mo mmota to jin ḵuyaḵuy mo jin c̱inu mo dhali jin ’ciṯẖu/ ’kus mo goma Arumgimis mo.

EP̱ASUS 5:26

ki a’di midi dhagama yim mo ki mo jin dhelelkina a’di ayim mo ki gwo mo me’d mo jin lamu ki yi’de/ mo

IBRANIYIIN 10:12

Hili ka Ḵrisṯẖos a’di jin c̱iki is piti mo mmota to jin ’ciṯẖu/ ’kus mo tani me’d ’deŋ gana/ gom ki sule/ mo gom miinthus gi ’kwani mo tani a’di c̱a’bki’d ki me’da bim poros ma Arumgimis mo be.

IBRANIYIIN 10:14

Haali/ gom me’d ’deŋ gana/ mo tani a’di c̱iki is piti mo mmodhu aris uni gwansani ’baar mo kun dhagamkunu mo ki kum ’borgaŋ gana/ mo gom ki sule/ mo.

IBRANIYIIN 10:20

ki miin this mo dhali ki bway gi mii kun ’konu ki e mo jin ḵa’dkina a’di ki burrinye/ yan jin shiru ka yolol mo, a’di jin ta buŋgwar is piti mo be,

IBRANIYIIN 10:29

Ba shi/ ma jisa bala wakata mo a/um kulum gwo ibwa mo ki a’di midi cil she/ mo gom wathi/ jin saki Ya/ ma Arumgimis ki sho’k mo, dhali jin sorki’da bas gi gwo jin gamu me’d mo, a’di jin dhagamkunu a’di mo dhali waḵ Shi/in ma ’the mo?

IBRANIYIIN 10:5

Haali/ a’di gi wakan mo tani, ka Ḵrisṯẖos p̱u’dki’d e mony’cesh yan mo tani a’di ki o gwo mo ki: To kun ’ciṯẖu/ ’kus mo mmomiiya bas mo dhali to gun c̱inu mo tani /e dina bwa ki o ki a’di mo, hili buŋgwar is mo tani /e thosonki a’di gom aha/ mo be.

IBRANIYIIN 13:12

Wakan Yesus si’da/ ’koshkina is ka nyor mo ka pije/ mo ’peni ’twaŋkala goŋ mo, ki mii gi wakan mo tani ki a’di midi dhagam ’kwani ka bas pitiŋ gana/ mo be.

IBRANIYIIN 2:11

Haali/ a’di jin dhagamki’da dhagam mo dhali uni gwansan kun dhagamkunu mo tani uni takin gi mo ma ṯel ’pen jin ta’da ’kaŋ’kup̱ mo. A’di ḵa ba/ idina is ki ’the a’di mo mmoyuḵ uni ki iwaḵ piti mo,

IBRANIYIIN 2:14

Me’d jin wakina a’di kan mo mmobu’thkina uc̱i buŋgwar is mo dhala bas mo tani a’di ki is piti si’da/ bu’thki buyempa jin nyaḵka’d kan mo, ki, ki e mowu mo tani a’di midi ’taki ’ce’d a’di sho’k mo, a’di jin ta gi mom’bi’th gi mowu mo, a’di jin ta tap̱a ma ruma ’cesh mo

IBRANIYIIN 5:7

Dhali ka tee jin bu’thkina a’di buŋgwar is gi ’kwani ki is piti mo tani, aYesus c̱iki mo ma ’tho jin ’thonu mo dhali di’ba di’b is mo ki ’twa/ jin caaca ki moŋko mo dhali ki jabu’th mo, e a’di jin mishi a’di is ta ki me’d mo ’peni mowu mo, dhali a’di ciḵkunu ko mo gom mii ma gayiin piti jin ḵogu mo.

IBRANIYIIN 7:27

A’di midi mii diki ta gi jamu/ mo me’d igasiis gwahan kun cakin mo mmo’ciṯẖ to/e ’kus mo goma bas jin miinuwa ’cesh isa yempa/ mo, mmo’ciṯẖi ṯwa/a/ mo gom miinthus pitiŋ gana/ mo dhali yan’ko’d gom miinthus gi ’kwani gwansan mo. A’di miiki mii yansan me’d ’de/ ki sule/ mo ki a’di c̱iki is pitiŋ gana/ mo.

IBRANIYIIN 9:12

a’di cic̱ki’d me’d ’deŋ gana/ mo gom mmoṯeya ṯe/ mo e Mo jin Ḵogu mo, dhali a’di diki budha bas mi mo dhala bas gi ushi bip̱ mo, hili abas pitiŋ gana/ mo, wakan a’di ki bu’th mo jin wanuwa wan ’ba/ ki sule/ sule/ mo.

IBRANIYIIN 9:14

bakata ’te/ imin ma bas ma Ḵrisṯẖos, a’di jin c̱i is piti ka Arumgimis mo ki Shi/in gi mo ma sule/ ya ye ’ba/ mo, a’di jin dara’d gi thalkin mo mmodiki dhelel um ’twa/ ma dum bum ’peni mii kun wukin mo mmomii to goma Arumgimis jin di ki e mo.

IBRANIYIIN 9:26

Haali/ wakan mo tani a’di mina isi ’taki ’kosh ka nyor mo mmorash me’d ka ris mo ’peni mo jin ḵa’bkunu mony’cesh sho’k mo. Hili ki mii gi wakan mo tani, a’di piki’d jasi me’d ’deŋ gana/ mo e ’pemen jiŋ ’ko’d mo gi she/ yil mo mmoḵal miinthus sho’k ka pije/ mo mmoc̱ikina a’di is piti mo mmota to jin ’ciṯẖu/ ’kus mo be.

IBRANIYIIN 9:28

wakan aḴrisṯẖos, a’di jin c̱ikunu mo mmoḵal miinthus gi ’kwani ka ris me’d ’de/ mo tani a’di midi piyu/ doḵ/e me’di su/ mo tani yisa mmo/us mii is mo gom miinthus mo, hili mmota uni gwansan is ki me’d mo, uni gun gananki ’ba/ ki ganan jin shi/i’d mo mmoc̱or a’di mo be.

BUṮERUS ’DE/ 2:24

A’di a’di ki is piti ḵalki miinthus bana e is piti mo ap̱o/ cwa mo, ki ana mina ’taki wu miinthus mo dhali ’ko ki e mo e mo ma ḵar/e mo. Ki jamam piti jin dorkunu a’di mo tani um wac̱kunu mo be.

BUṮERUS ’DE/ 3:18

Haala Ḵrisṯẖos a’di wuki’d mo si’da/ gom miinthus mo me’d ’de/ mo gom ’kwani ’baar mo, a’di jin ta’da ḵar/e mo wuki’d mo gom uni kun ’koki ta ḵar/e mo, ki a’di midi ’taki sus ana eya Arumgimis mo. A’di karkunu mo mmowu mo ki buŋgwar is gi shuman is mo, hili a’di karkunu ki e mo e shi/in mo.

YOHAAN ’DE/ 5:6

Dhali yan ta a’di jin p̱u’dki’d ki yi’de/ mo dhali ka bas mo jin ta’da Yesus Ḵrisṯẖos mo, yisa jasi ki yi’de/ ’teya, hili ki yi’de/ mo dhali ka bas mo be.