IBRANIYIIN 1:8 - Uduk New Teatament and OT Portions

⁸ Hili gom Ya/ mo tani a’di ki o gwo mo ki: Aḵursin tap̱am pini, ayy Arumgimis, ta a’di jin midi di goma sule/ mo dhali ki sule/ mo. Cwa ma ḵar/e mo ta cwa gi bampam pini mo.

IBRANIYIIN 1:8 Iomraidhean Croise

GWAY GI IDAWUU’D 145:13

Bampam pini a’di ta bampa/ jin midi di ki sule/ sule/ mo dhali mo jin tanu tap̱am pini ’dimki ’kup̱ ki sule/ sule/ mo eya risa nyaḵum yil gi ’kwaniny’cesh mo. Tap̱a a’di ita a’di ma isiŋ gana/ eya ris gwom piti mo, dhali ta ’the ka ’the eya ris miin tom piti mo.

GWAY GI IDAWUU’D 72:7

Eya teem piti jin dina a’di ki e mo tani dhalki mo ma ḵar/e ’twaḵa’d mo, dhali moŋḵu’th is mmo/ish mo ntaga ppe midi diki di doḵ/e mo.

GWAY GI IDAWUU’D 99:4

Maliḵ a’di c̱a’bki dem dem mo, a’di jin enki mo ma ḵar/e mo. /E ṯelki mo jin daru gi mii ma dehe/ sho’k mo. /E ki tor gwowa bora ’cesh gom mii ma ḵar/e mo dhali mo ma ḵar/e goma Yakuub mo.

MAṮṮA 1:23

Hili nyaraŋ gana/ midi bwaa mo dhali dho’th ya/ mo, dhali gway piti minu yuḵ ka Imanu/iil mo (’pemen piti jin o’d ka Arumgimis di’d e ana mo).

LUUKA 1:75

e mo gi ḵo/uwa ḵo/ mo dhali e mo ma ḵar/e mo ibwambori a’di mo ka cimi ’baar mo gi moŋ’koki/em bana mo.

YOHAAN 10:30

Aha/ dhala Baba, aman ṯala ’de/ mo be.

YOHAAN 10:33

’Kwani Yahuuda/ thoḵki a’di gwo mo ki: Aman mina ’kosh /e ki wosh gom miim ’boro’d yisa hili gom gwo sor jin walkina /e mo, haali/ /e jin ta wathiny’cesh kan mo kar is pini ka Arumgimis mo.

YOHAAN 20:28

Ṯuuma thoḵ a’di gwo mo ki: Tap̱am pem dhali Arumgimis pem.

RUUMIYA 9:5

E uni a’di icil ma idhana baba mo dhali ’pena yi’c buni isi ki buŋgwar is mo tani a’di nta’da Ḵrisṯẖos jin diki’da p̱o/ aris to ’baar mo, a’di jin ta’da Arumgimis jin ’boru mii ki sule/ sule/ ya ye ’ba/ nnii mo. Amen.

KURINṮH̱UUS ’DE/ 15:25

Haali/ a’di midi mii ta Tap̱a mo ntagi a’di midi dhu aris uni ’baar mo kun ta ’kup̱ gi a’di mo e bwaŋ’kwariny sho’k piti mo be.

ṮIMUṮH̱AWUUS ’DE/ 3:16

Ka jiŋ gana/ ana pikina gwo mo gom a’di yansan jin ta dhan gwo jin c̱inu ki jim bag mo jin ta jim bana jin luŋa ana aluŋ mo: A’di jin ṯorkunu eya tente/ mo e shuman is mo, dhali a’di jin karkunu ki mo ma ḵar/e e Shi/in mo dhali a’di jin p̱arkina iman’doyu gwo e mo dhali a’di jin c̱ikunu gwo mo e bwaman kal gi ’kwaniny’cesh mo dhali a’di jin gamkina ’kwani gwo is mo e mony’cesh mo dhali a’di jin bu’thkunu bway momis mo e monyca mo.

BUṮERUS SU/ 1:11

Wakan, mo jin tanu pa ki pa mo minu c̱i um mo, a’di jin ta mo jin cic̱u mo e bampa/ gi Tap̱am bana mo dhali Amanwoṯẖ bana mo jin ta’da Yesus Ḵrisṯẖos mo, jin midi di ki sule/ sule/ ya ye ’ba/ mo be.

YOHAAN ’DE/ 5:20

Dhali ana misha mo mo ki Ya/ ma Arumgimis p̱u’dki’d mo dhali c̱iki ana gwo mo mmomish ’ban mo, mmomish a’di jin ta jiŋ gana/ mo. Dhali ana e a’di mo a’di jin ta jiŋ gana/ mo, e Ya/m piti jin ta’da Yesus Ḵrisṯẖos mo. Yan a’di ita’da Arumgimis gana/ mo dhali moŋ’koki/e ki sule/ ya ye ’ba/ mo.