IBRANIYIIN 1:3 - Uduk New Teatament and OT Portions

³ A’di dhelki monyca ma Arumgimis mo mo dhali ḵal isi jamas jin takina a’di buyempam pitiŋ gana/ mo, mmojeṯkina a’di aris to kun uḵu mo ki gwo gi mom’bi’th piti mo be. Ki a’di diki’d mmodhelela dhelel mo gom miinthus mo tani a’di c̱a’bki’d ki me’da bim poros gi a’di jin Eḵa/ Eḵ e momis mo,

IBRANIYIIN 1:3 Iomraidhean Croise

GWAY GI IDAWUU’D 110:1

Tap̱a ki o tap̱am pem gwo mo ki: C̱a’bi /e aha/ ki me’da bim poros pem mo ma ntagi aha/ mina dhu uni gun ta ’kup̱ ki /e mmota cwa jin mina /e dhu sho’k mo.

GWAY GI IDAWUU’D 75:3

Ka ’cesh midi wuŋkul mo dhali aris ’kwani kun ’kon e a’di mo tani a’di ta aha/ be jin ṯelki mom piti jin tana a’di akaḵ mo. Doshi ma dhali ’cunycuri yan mo.

MAṮṮA 22:24

mmo/o gwo mo ki: Manṯor Gwo, aMusa a’di oki gwo mo ki: Waḵki/ wathi/ midi wu mo ki dar gi uc̱i mo tani akam piti midi mii masha ’bom jin dar ga kaṯẖ mo dhali c̱is uc̱i goma kam piti mo be.

MARKUS 16:19

Dhali yan’ko’d wakan Tap̱a Yesus ’ko’di a’di ṯorki gwo e uni mo tani a’di bu’thkunu mo bway momis mo dhali di’d mo mmoc̱a’b ka bim poros ma Arumgimis mo.

YOHAAN 1:14

Dhali Gwo warki’d ki buŋgwar mo dhali shurki c̱a’b mo e bwam ana mo, ’tu’du/ ka ’the dhali ki gwoŋ gana/ mo. Ana mishkina cam piti mo, monyca gi Ya/ jin di’d ṯal ’de/ ’peni Com mo be.

YOHAAN 1:29

Dhali ka cim jiŋ ’ko’d mo tani a’di p̱arki’da Yesus e mo mmoyayu/ ’kup̱ kadhoŋ mo i a’di mo dhali o gwo mo ki: Hili mo mo ma, Ari Ḵa’bal ma Arumgimis a’di jin midi ḵal miinthus gi ’kwaniny’cesh mo be.

YOHAAN 1:4

E a’di mo tani mondiki/e diki’d mo dhali mondiki/e a’di ta moŋkush gi ’kwani mo be.

MII GUN MIINU MO 2:33

A’di mmokaru a’di ki ca e me’da bim poros ma Arumgimis mo tani dhali mmobutha a’di gwo ’peni Com jin onu is gom Shi/in Dheleladhelel mo tani a’di gac̱ki’da pije/ mo a’di yan jin misha um mo dhali jin ciḵa um si’da/ mo.

MII GUN MIINU MO 7:56

dhali o gwo mo ki: Hili mo mo ma. Aha/ parkina momis ḵa’du/ mo dhali Ya/ gi ’Kwani mmodosh ka bim poros ma Arumgimis mo.

RUUMIYA 1:16

Haali/ aha/ dina is ki ’the mo gom gwom ’borga/ mo haali/ a’di ta mom’bi’th ma Arumgimis mo e bway mowoṯẖ mo, e uni ’baar mo ki ’beles kun gam a’di gwo is mo. Nṯwa/a/ e ’Kwani Yahuuda/ mo dhali e ’Kwaniŋ Griḵi si’da/ mo be.

RUUMIYA 8:34

Kaja a’di jin midi waḵa waḵ mo? A’di ta’da Yesus Ḵrisṯẖos ’taa? jin wuki’d mo. Nye, a’di ’teyi jin ’de’kkunu ’peni mowu mo, a’di jin di’d ka bim poros ma Arumgimis mo, a’di ka jiŋ gana/ jin woṯẖ gwo is gom ana mo.

KURINṮH̱UUS SU/ 4:4

E ’kup̱ miim buni yan mo tani arum gi mony’cesh yan jin luŋa uni mo tani dha’bki uni adum buni e mo uni gun daran gi gwo jin gamu is mo, mmonon uni ’peni mmop̱ar moŋkush gi gwom ’borga/ e mo jin ta monyca ma Ḵrisṯẖos mo, a’di jin nyaḵki’da nyaḵ ka Arumgimis mo be.

KULUSSI 3:1

Waḵki/ um ’deku mo nyaḵka Ḵrisṯẖos mo tani simmi mii e mo gom to gun ta ku gi momis mo, e mo jin din ma Ḵrisṯẖos mo, e mo jin c̱a’bkina a’di ka bim poros ma Arumgimis mo be.

TIITHUS 2:14

A’di jin c̱iki is piti mo gom ana mo mmowan ana ’ba/ mo ’peni aris miinthus mo dhali mmodhelel ’kwanim pitiŋ gana/ mo gom is piti mo, uni kun shwana mii anyor ki thiṯẖ mo gom miim ’boron mo be.

IBRANIYIIN 1:13

Hili eya man’doyu gwo jana sa/ i/ona a’di gwo mo me’d ’de/ mo ki: C̱a’bi /e aha/ ki me’da bim poros pem mo ntagi aha/ mina dhu ’kup̱ pini mmota cwam pini jin mina /e idhu sho’k mo?

IBRANIYIIN 10:12

Hili ka Ḵrisṯẖos a’di jin c̱iki is piti mo mmota to jin ’ciṯẖu/ ’kus mo tani me’d ’deŋ gana/ gom ki sule/ mo gom miinthus gi ’kwani mo tani a’di c̱a’bki’d ki me’da bim poros ma Arumgimis mo be.

IBRANIYIIN 12:2

mmohil ’kup̱ ka Yesus mo a’di jin ta’da ’kaŋ’kup̱ mo dhali a’di jin midi thim moŋgam gwo is bana mo, ma a’di gom moŋ’kuny bwa jin diki’da bori a’di mo tani a’di ’dimki ’kup̱ mo gom cwany’ciṯẖan dhul mo mmoruḵkina a’di mo jin ’thenu is mo dhali a’di c̱a’bki’d ki me’da bim poros ma ḵursi ma Arumgimis mo be.

IBRANIYIIN 4:14

Me’d jin takina ana ka dhana gasiis jin caaca mo, a’di jin peki’d ki tur mo eya ris momis mo, a’di jin ta’da Yesus mo, jin ta Ya/ ma Arumgimis mo tani, dhalki ana budha a’di ki ri’d mo mmoṯel sho’k mo e gwom bana jin pina ana mo be.

IBRANIYIIN 7:27

A’di midi mii diki ta gi jamu/ mo me’d igasiis gwahan kun cakin mo mmo’ciṯẖ to/e ’kus mo goma bas jin miinuwa ’cesh isa yempa/ mo, mmo’ciṯẖi ṯwa/a/ mo gom miinthus pitiŋ gana/ mo dhali yan’ko’d gom miinthus gi ’kwani gwansan mo. A’di miiki mii yansan me’d ’de/ ki sule/ mo ki a’di c̱iki is pitiŋ gana/ mo.

IBRANIYIIN 8:1

Dhali shushan gwo yan jin ’kona ana mmo/o mo tani ta gwo jin wa cikise/ mo be. Ana tana ka gasiis jin ca’d gi wakan mo, a’di jin ta jan ṯal ’de/ jin c̱a’bki’d ki me’da bim poros ma ḵursi ma maliḵ mo jin ta ji gi a’di jin Eḵa/ Eḵ e momis mo,

IBRANIYIIN 9:16

Haali/ waḵki/ gwo gi mal jin gamu me’d mo di’d mo tani jwa gi a’din ’de/ yan jin kar a’di mo tani a’di minu mii nyo/ mo be.

IBRANIYIIN 9:26

Haali/ wakan mo tani a’di mina isi ’taki ’kosh ka nyor mo mmorash me’d ka ris mo ’peni mo jin ḵa’bkunu mony’cesh sho’k mo. Hili ki mii gi wakan mo tani, a’di piki’d jasi me’d ’deŋ gana/ mo e ’pemen jiŋ ’ko’d mo gi she/ yil mo mmoḵal miinthus sho’k ka pije/ mo mmoc̱ikina a’di is piti mo mmota to jin ’ciṯẖu/ ’kus mo be.

BUṮERUS ’DE/ 1:21

E a’di mo tani um takin gi mo jin wunuwa Arumgimis jwa i is mo, a’di jin cuki a’di mis ’peni mowu mo, dhali c̱i a’di monyca mo, wakan ki moŋgam gwo is bum mo dhali mo ma ’teŋ kap̱em bum mo mini ’ko eya Arumgimis mo be.

BUṮERUS ’DE/ 3:22

a’di jin cic̱ki bway momis mo dhali a’di jin diki’d ka bim poros ma Arumgimis mo nyaḵki aris iman’doyu gwo mo dhali ki moshirr mo dhali mom’bi’th kun ’dap̱ki ’twa/ ki a’di mo be.

BUṮERUS SU/ 1:16

Haali/ aman ’konaki baṯẖa gany gi gwo lolop̱ kun ta ku ma maḵi sho’k mo kun lolop̱u ki lolop̱ gwocon mo, me’d jin ṯora aman um eya tente/ mo mom’bi’th mo dhali momp̱u’d jin mina Tap̱a Yesus Ḵrisṯẖos bana p̱u’du/ mo, hili aman ’kokina mmota iman/o gwo ki e mo gom mo/eḵ piti mo.

BUṮERUS SU/ 1:17

Haali/ ki a’di bu’thki montaḵ mo dhali monyca ’peni Arumgimis jin ta’da Baba mo dhali ’twa/ gwoyi’d gom a’di mo ki Monyca jin Eḵa/ Eḵ mo ki: Yansan ta Ya/m pem jin enu mo. Ki a’di mo tani aha/ ’bora bwa mo.

YOHAAN ’DE/ 1:7

Hili waḵki/ ana iina mo e moŋkush mo tani me’d a’di jin di’d e moŋkush mo tani ana nyaḵa to mii ka rem ’kup̱ mo dhali abas ma Yesus jin ta Ya/m piti mo tani a’di pucumki ana aris miinthusi ’baar mo be.

YOHAAN ’DE/ 3:5

Um mishin ki a’di ṯoru eya tente/ mo mmoḵal miinthus mo be dhali e a’di mo tani miinthus p̱iyi’d mo be.

YAHUUSA 1:25

e a’di jin ta’da Arumgimis ’de/ mo tani Amanwoṯẖ bana e a’di jin ta’da Yesus Ḵrisṯẖos Tap̱am bana mo tani dhalki a’di a’di idi’d ki monyca mo dhali mmo/eḵa/ eḵ mo dhali mom’bi’th mo dhali moshirr jin di’di ṯwa/a/ ’baar mo dhali jin di’d shwane/ mo dhali jin midi di ki sule/ sule/ ya ye ’ba/ moonnii. Amen.

GWO JIN ’CEENU MO 3:21

A’di jin midi p̱i mii e mo tani aha/ mina c̱i a’di ’ban mo jin mina a’di c̱a’b nyaḵki aha/ ka ḵursi ma maliḵ pem mo, me’d aha/ ki is pem mo mmop̱ikika/ mii e mo dhali aha/ c̱a’bkina nyaḵka Babam pem eya ḵursim piti mo be.

GWO JIN ’CEENU MO 4:11

/E a’di ha me’d mo, Tap̱am bam mo dhali Arumgimis bam mo mmobu’th monyca mo dhali montaḵ mo dhali mom’bi’th mo haali/ /e uḵkina ris to ’baar mo dhali ki bwam pini mo tani uni ’kokin mo dhali uni ’konu mmo/uḵ mo be.