IBRANIYIIN 1:14 - Uduk New Teatament and OT Portions

¹⁴ ’Kona ris uni ki ta shi/in kun mii to mo, kun hashkunu mo mmomii to mo, gom gway gi uni gwansan kun mini bu’th bway gi mowoṯẖ mowa?

IBRANIYIIN 1:14 Iomraidhean Croise

ṮAKWIIN 32:24

Dhala Yakuub a’di dhalkunu a’di ’de/ mo dhali a’di ’tirki’d uni ki wathiŋ kamu/ mo ntagi e ḵali kush mo.

GWAY GI IDAWUU’D 104:4

/e jin dhuki ’tham ka ris mmota iman/ii gom /e mo, o’d dhala le’dan o’d jin shwa’d ki bar bar mo tani uni mii /e to mo.

GWAY GI IDAWUU’D 34:7

Aman’doyu gwo gi Tap̱a ’kamki’da ’kam ka kul is gom uni gwansan kun ḵo/ki a’di mo, dhali ’cuḵ uni mo.

MAṮṮA 1:20

Hili ki a’di dina gwo yansan mbwa mo tani hili mo mo ma, aman’doyu gwo gi Tap̱a piki a’di i is ki jan mo mmo/o gwo mo ki: Yuusup̱ ya/ ma Dawuu’d, dhalki is ki ḵo/ mo ma mmobudha Mariyam ki ashim pini mo haali/ a’di c̱aan jin bwaakina a’di mo tani a’di ’peni Shi/in Dheleladhelel mo be.

MAṮṮA 13:41

Haali/ Ya/ gi ’Kwani midi hash iman’doyu gwom piti mo dhali uni mini tul uni gwansan is ka pije/ ’peni bampam piti mo aris uni gun raḵki miinthus mo dhali aris uni gun miiki to kun ta thus ki thus mo.

MAṮṮA 18:10

Hil ki ’bore/ ki um mini ’koki waḵ jan ṯal ’deŋ kamu/ ’peni uni gwansan kun gwa’dan mo haali/ aha/ ṯora /e gwo mo ki e momis mo tani iman’doyu gwom buni isa yempa/ uni hilki bwam/e ma Ababam pem jin di’d e momis mo be.

MAṮṮA 2:13

Dhali ki uni iikin mo tani hili mo mo ma, aman’doyu gwo gi Tap̱a piki’da Yuusup̱ i is mo ki jan mo dhali o a’di gwo mo ki: Cuyi mis mo ma, dhali susa ’ci dhali kum mo dhali soyi mo e Pam Masir mo dhali ’koyi mmun mo ntagi aha/ mina ṯor /e gwo mo, haala Hirodus muru’di ŋap̱a ’ci mmo’ce’d a’di sho’k mo be.

MAṮṮA 24:31

Dhali a’di midi hash iman’doyu gwom piti ka dhana yuḵ gi cuuwa/ ma poome/ mo dhali uni mini tul unim piti is kun kwanykunu mo ’peni momis kun ’kona shem ’penabi idoŋon mo ’peni monṯel ’pen gi momis mo ntagi ’bana kamu/ mo be.

MAṮṮA 25:34

Dhali yan’ko’d aMaliḵ midi o uni gwansan kun ’kon ki me’da bim poros piti gwo mo ki: Iiyu/ mo ma, ayy um kun ’bor ma Ababa mii mo mmogam mal gi Bampa/ gi Momis jin thosonkunu mo gom um mo ’peni mo jin ḵa’bkunuwa ’cesh sho’k mo be.

MAṮṮA 4:11

Yan’ko’d tap̱a ma ruma ’cesh ki dhal a’di ’pen mo dhali hili, iman’doyu gwo p̱u’dkin mo dhali mii a’di to mo be.

MARKUS 10:17

Dhali mmomurkina a’di mmoya mo e bway piti mo tani wathin ṯal ’deŋ kamu/ guski’d mo dhali c̱a’bki jiŋ ’kup̱a’dup̱uni bwambori a’di mo dhali o a’di gwo mo ki: Amanṯor Gwo jin ’boro’d mo, ki aha/ mina mii miiya taye mmogam mal gi mondiki/e ki sule/ ya ye ’ba/ mo?

LUUKA 1:19

Dhali aman’doyu gwo ki o a’di gwo mo ki: Aha/ tana Jibra/iil, a’di jin doshki’d e buŋ’kus ma Arumgimis mo, dhali aha/ hashkunu mo mmoc̱i /e gwo mo dhali mmoḵal /e gwom ’boro’d yansan mo.

LUUKA 1:23

Dhali ki mo ma cim piti jin miikina a’diya ṯu’c ’baarki’d mo tani a’di doḵki bway pam piti mo be.

LUUKA 16:22

Wathi/ ha’th’ko’d yan a’di wuki’d mo dhali a’di ḵalkina iman’doyu gwo mo eya bor ma Ibrahiim mo. Dhali wathi/ jin ta pa ki pa si’da/ tani a’di wuki’d mo dhali kankunu mo be.

LUUKA 2:13

Dhali ise/ iman’doyu gwon tiya ka ris ris ’peni momis nyaḵki ’ko ka man’doyu gwo mo be. Uni maŋana Arumgimis mo dhali o gwo mo ki:

LUUKA 2:9

Dhala man’doyu gwo gi Tap̱a piki uni i is mo dhali monyca gi Tap̱a ’twaḵi mo mo e isi uni mo dhali uni ḵo/kina ḵo/ is kagahara mo be.

MII GUN MIINU MO 11:22

Dhali gwonṯor yan yayi’di ’ceŋ ’kwaniŋ ḵaniisa jin di’d e Pa Urushaliim mo, dhali uni hashkina Barnaaba ntagi Pa Anthaakiya mo

MII GUN MIINU MO 12:23

Dhali ise/ aman’doyu gwo gi Tapa ’kosh a’di mo haali/ a’di diki kara Arumgimis ki ca mo dhali a’di shwan ma yish mo dhali c̱i shi/in piti mo be.

MII GUN MIINU MO 12:7

Dhali hili mo mo ma, aman’doyu gwo gi Tap̱a doshki’d mo mmo’dish a’di is mo dhali moŋkush ’twaḵki mo mo e ari gu’ba sijin mo. Dhali a’di dorki’da Buṯerus ’ko’d gwar ki me’d mo dhali mer a’di e mo mmo/o gwo mo ki: Cuyi mis ise/ ki jahanne/ mo. Dhala jindhiir piti ’cuḵkin mo ’peni me’d piti mo.

MII GUN MIINU MO 13:2

Dhali ki uni tul is mmoluŋ Tap̱a mo dhali ga/ to mo tani Shi/in Dheleladhelel oki gwo mo ki: Dhuyi iBarnaaba dhala Shawuul ki she/ gom aha/ mo goma ṯu’c jin yuḵga/ uni mmomii mo.

MII GUN MIINU MO 16:26

Dhali ise/ adhan mony’cesh yiḵinki is kagahara mo tani a’di yiḵinkina mo jin ḵa’bu gu’ba sijin is mo. Dhali ise/ arisa campuri ’baar mo tani ḵa’dkunu mo dhala ris mondeḵ gi uni ’baar mo ka ’deṯe/ ’deṯe/ mo tani sulkunu mo be.

MII GUN MIINU MO 27:23

Haala man’doyu gwoŋ kamu/ ’peni Arumgimis doshki’d e aha/ mon’thiny yan mo aha/ jin tana jim piti mo, a’di jin miiga/ to si’da/ mo

MII GUN MIINU MO 5:19

Hila man’doyu gwo gi Tap̱a mon’thiny mo tani a’di ḵa’dki’da sijin ’twaŋkal mo dhali sus uni ka pije/ mo dhali o gwo mo ki:

RUUMIYA 11:14

jin minu dhu gwasi ’Kwani Yahuuda/ mmoṯa’c bwa mo dhali ki mii gi wakan mo tani unin tiya takunu is ki me’d mo be.

RUUMIYA 13:6

Haali/ gom ’kup̱ gwo jin nyaḵki’d kan mo tani um mini c̱iya thulp̱a/ mo haali/ uni gun ta gi mom’bi’th mo uni ta imanmii to goma Arumgimis mo, ḵuthi is mo ki sule/ e to yan ka jiŋ gana/ mo.

RUUMIYA 15:16

Mmota amanmii to goma Ḵrisṯẖos jin ta’da Yesus mo gom ’kwani kun ’koki ta ’Kwani Yahuuda/ mo mmota gasiis ma aṯu’c gi gwom ’borga/ ma Arumgimis mo. Wakan ki to jin isi’d gi ’kwani kun ’koki ta ’Kwani Yahuuda/ minu mish bu’th mo a’di jin dhagamkunu ki Shi/in Dheleladhelel mo be.

RUUMIYA 15:27

Uni ’kokina bwa mmo’bor mo mmomii a’di mo dhali ka jiŋ gana/ uni ’kon ma mure/ m’ba/ mo gom uni mo, haali/ waḵki/ ’kwani kun ’koki ta ’Kwani Yahuuda/ daḵa p̱u’dkin mmopwaḵ to gi shi/in buni bwa mo e mom’bor mii mo tani uni ḵa si’da/ ba/ mini ta imanmii uni to ki mom’bor mii ki to gun isha e uni mo be.

RUUMIYA 8:17

Dhali waḵki/ ana tana uc̱i kan mo tani ana tana imanḵal mal mo, imanḵal mal ma Arumgimis mo dhali imannyaḵ mal ḵal ka Ḵrisṯẖos waḵki/ ana mina isi ’kosh ka nyor nyaḵki a’di mo ki ana minu nyaḵ dhu ki ca ki a’di mo.

KURINṮH̱UUS ’DE/ 1:21

Haali/ me’d jin tana yuḵ ji ma Arumgimis mo tani ’kwaniny’cesh ’koki nyiṯẖa Arumgimis ki yuḵ yan ’te/ mo tani a’di ’borki’da Arumgimis bwa mo mmota uni gwansan is ki me’d mo kun gamki gwo is mo eya p̱ali/ gi gwo jin c̱ikina ana uni mo be.

KURINṮH̱UUS SU/ 9:12

Haali/ gom mii yansan jin miikunu mo tani yisa jasi goma thip̱ kun thip̱u ki to gom uni gun dhunu ki she/ gom to gun hara uni mo yisa hili si’da/ gom mo ka ris kun c̱inu a’bor bwa i is mo goma Arumgimis mo kun sokin ki sho’k buni mo be.

GALATHIYYA 3:29

Dhali waḵki/ um ta ku ma Ḵrisṯẖos mo tani um ta emen ma Ibrahiim mo, mmota gi mal isi ki gwo jin onu is mo be.

GALATHIYYA 3:7

Wakan um mini hil mii i e ki a’di ta mii gi ’kwani gi moŋgam gwo is mo kun ta iya/ ma Ibrahiim mo be.

GALATHIYYA 3:9

Wakan mo, ’kwani gwansan kun ta ku gi gami gwo is mo tani uni ’boru mii mo nyaḵka Ibrahiim mo a’di jin ta’d gi moŋgam gwo is mo be.

EP̱ASUS 3:6

Ba kani a’di ita gwo gom ’kwani kun ’koki ta ’Kwani Yahuuda/ mo mmonyaḵ mal mo, mmota waḵa ’de/ mo e buŋgwar is mo dhali mmonyaḵ gwo pwaḵ bwa jin onu is eya Ḵrisṯẖos jin ta’da Yesus ki gwom ’borga/ mo be.

P̱ILIBBI 2:17

Me’d waḵki/ aha/ ’thinu mo e mo jin miinuwa basa ’cesh mo gom moŋgam gwo is bum mo tani aha/ ’bora bwa mo dhali ’kunya bwa mo nyaḵki umi ’baar mo be.

P̱ILIBBI 2:25

Aha/ kuluma gwo ibwa ki kulum gana/ mo ki a’di minu mii mii mmohash ki uma Abap̱rudiṯus a’di jin ta’da kam pem mo dhali agarr jin nyaḵa’da ṯu’c mii mo dhali agarr jin ta’da askar mo dhali amanyam bum mo dhali amanmii to jin miga/ mii ta mo.

TASALUNIIKI SU/ 1:7

dhali mmoc̱i um mo ma si/is mo, um kun tashkunu ki bwan diṯin mo nyaḵki am mo me’d jin mina Tap̱a Yesus ’ceeyu mo ’peni momis mo nyaḵki iman’doyu gwom piti kun ’bitha’bi’th mo e o’d jin shwa’d ka le’dan mo,

TIITHUS 3:7

Wakan ki ana minu ’taki dhu ki mo ma ḵar/e mo ka ’them piti mo dhali ta imanbu’th mal e mo ma ’teŋ kape/ gi moŋ’koki/e ki sule/ sule/ ya ye ’ba/ mo be.

IBRANIYIIN 10:11

Dhali igasiis kun cani ’baar ka ’deṯe/ ’deṯe/ mo doshkin isa yempa/ ap̱o/ momiin to mo, mmoc̱i to kun rashu mii ki rash rash mo mmo’ciṯẖa/ basa ’cesh mo kun nyaḵkin kan mo, uni kun moli miinthus gi ’kwaniny’cesh ḵal ki sule/ sule/ mo.

IBRANIYIIN 2:3

i/ana mina ye kata mo, waḵki/ ana p̱inykina is mo gom dhan gumbway mowoṯẖ yan mo? A’di baḵkunu iṯwa/a/ mo ki Tap̱a mo, dhali a’di ṯelkunu sho’k mo e ana mo ki uni gwansan kun ciḵki a’di mo be,

IBRANIYIIN 5:9

Dhali mmo’borkunu a’di ki ’bor gana/ mo tani a’di warki’d ki ’kusan gi bway gi mowoṯẖ ki sule/ sule/ mo e uni ’baar mo kun haki a’di gwo e mo be,

IBRANIYIIN 6:12

wakan, ki um minu ’taki ’koki soroṯẖ mo, hili thoḵi uni gwansan mii mo uni gun takin gi mal mo e gwo kun onu is mo ki moŋgam gwo is mo dhali ki bwa jin ’kuc̱u ki ’kari’th mo be.

IBRANIYIIN 6:17

Wakan ka Arumgimis dina gwo ibwa mo mmoṯor mo jin p̱ina a’di gwo jip̱i e ki nyanye/ mo gom uni gun mini ḵal mal gi gwo jin onu is mo tani a’di diki aḵ buyempam pitiŋ gana/ e mo gom ’kup̱ bwaŋ ganam piti mo tani a’di hurki ’pen bway bwaman mo ki gwo jin thulkina a’di me’da p̱o/ mo be.

IBRANIYIIN 8:6

Hili me’d jin wana a’di kan mo tani aḴrisṯẖos a’di bu’thki mo jin miinu to mo, a’di jin ’boro’d ki isi ’bor jin shi/i’d mo mmobol jin dhamo/ e mo, me’d gwo jin gamu me’d mo jin doshkina a’di agalany mo mmomii mo jin bolki’da kamu/ e mo, haali/ a’di ruu’kkunu mo ki gwo kun onu is mo kun bolki tiyan dhamo/ e mo be.

IBRANIYIIN 9:28

wakan aḴrisṯẖos, a’di jin c̱ikunu mo mmoḵal miinthus gi ’kwani ka ris me’d ’de/ mo tani a’di midi piyu/ doḵ/e me’di su/ mo tani yisa mmo/us mii is mo gom miinthus mo, hili mmota uni gwansan is ki me’d mo, uni gun gananki ’ba/ ki ganan jin shi/i’d mo mmoc̱or a’di mo be.

YAKUUB 2:5

Dhuyi ’ce mo ma, uma waḵ pem gun enka/ mo. Din ma Arumgimis ki kwany uni gwansan kun hatha’ko’d e mony’cesh mo mmota pa ki pa mo e moŋgam gwo is mo dhali mmota imanḵal mal gi bampa/ gi momis jin okina a’di gwo is gom uni gwansan kun eni a’di mo ’taa?

BUṮERUS ’DE/ 1:12

A’di ṯorkunu uni eya tente/ mo ki uni ’koki mii to mo gom is buni mo, hili gom um mo, eya ris to gun baḵkunu um shwane/ mo ki uni gwansan kun ta imanc̱i gwom ’boro’d e um mo ki Shi/in Dheleladhelel mo, a’di jin hashkunu ’peni momis mo, uni kun ta to jin ’koshkina iman’doyu gwo ṯe/ mo mmop̱ar e mo be.

BUṮERUS ’DE/ 1:4

dhali e mo mal jin budhu mo a’di jin moli p̱u/ mo, dhali jin dinuki shi/ ki mii mo, dhali jin midi diki us mo ki jog mo, dhali jin karkunu mo gom um mo e momis mo.

BUṮERUS ’DE/ 3:7

Wakan si’da/ um gwaṯẖa, ’koyi ki isi ’kom pa mo nyaḵki up̱ bum mo, mmoc̱i montaḵ goma ’bom mo me’d jin ’ka’da isa yim mo ki buŋgwar ma yim mo, haali/ um nyaḵki mal buthi mon’de/ mo ka ’the ki mondiki/e mo, ki mii gi wakan mo tani ka ’thom bum kun ’thona um mo tani minu ’koki ’taki non ’kup̱ mo be.

YAHUUSA 1:14

Gom uni gwansan si’da/ mo tani Aḵnuuḵ a’di jin ta’da Aadama nyaḵum yili pesu/ mo tani c̱iki gwo is mo mmo/o gwo mo ki: Hili mo mo ma, Tap̱a a’di p̱u’dki’d mo nyaḵki kun dhelelin piti ka ris ris mo

GWO JIN ’CEENU MO 5:6

Dhali mbwaman ma ḵursi ma maliḵ mo dhali to/e kun ’koni doŋon kun ’kon ki e mo dhali ibwaman ’kwaniŋ gwanyjaḵa/ mo tani aha/ p̱arkina Ari Ḵa’bal e mo mmodosh mo. A’di wana e ki a’di jin ’koshkunu mo, ki ce kun ’koni pesu/ ime’d mo dhali ka pinya/ e kun ’koni pesu/ mo, uni gun ta shi/in ma Arumgimis kun ’koni pesu/ mo, uni gun hashkunu mo eya ris mony’ceshi ’baar mo.