IBRANIYIIN 1:13 - Uduk New Teatament and OT Portions

¹³ Hili eya man’doyu gwo jana sa/ i/ona a’di gwo mo me’d ’de/ mo ki: C̱a’bi /e aha/ ki me’da bim poros pem mo ntagi aha/ mina dhu ’kup̱ pini mmota cwam pini jin mina /e idhu sho’k mo?

IBRANIYIIN 1:13 Iomraidhean Croise

GWAY GI IDAWUU’D 110:1

Tap̱a ki o tap̱am pem gwo mo ki: C̱a’bi /e aha/ ki me’da bim poros pem mo ma ntagi aha/ mina dhu uni gun ta ’kup̱ ki /e mmota cwa jin mina /e dhu sho’k mo.

GWAY GI IDAWUU’D 132:18

Kwaniŋ ’kup̱ piti mo tani aha/ mina shum uni ki mo ma ’the is mo hili ap̱o/ is piti mo tani toŋ’kup̱ piti a’di midi dhel mo ki ra/ ra/ mo.

MAṮṮA 22:44

Tap̱a o’da Arumgimis pem gwo mo ki: C̱a’bi /e aha/ ki me’da bim poros pem mo ma, ntagi aha/ mina dhu uni gun ta ’kup̱ ki /e mo e bwaŋ’kwariny mom pini jin dhuna /e sho’k mo be.

MARKUS 12:36

Haala Dawuu’d ki is piti mmoshi/irrkunu a’di ki Shi/in Dheleladhelel mo tani a’di o gwo eya tente/ mo ki: Tap̱a o Tap̱am pem gwo mo ki: ’C̱a’bi /e aha/ ki me’da bim poros pem mo ntagi aha/ mina dhu ’kup̱ pini mo e bwaŋ ’kwariny cwa jin dhuna /e sho’k mo.

LUUKA 19:27

Hili gom uni gwansan kun ta ’kup̱ ki aha/ mo tani uni kun ’koki ŋap̱ aha/ mo mmota tap̱a ap̱o/ uni mo tani susi uni mmahan mo ma dhali ’kosh uni jwa mo mbwambori aha/ mo.

LUUKA 20:42

Haala Dawuu’d ki is piti oki gwo eya warka/ ma Masamiir mo ki: Tap̱a ki o Tap̱am pem gwo mo ki: C̱a’bi aha/ ki me’da bim poros pem mo ma,

MII GUN MIINU MO 7:55

Hili a’di mmo’tu’du/ a’di mo ki Shi/in Dheleladhelel mo tani a’di hilki momis ka ’thime/ mo dhali p̱ar monyca ma Arumgimis e mo dhala Yesus si’da/ mmodoshkina a’di ka bim poros ma Arumgimis mo

IBRANIYIIN 1:3

A’di dhelki monyca ma Arumgimis mo mo dhali ḵal isi jamas jin takina a’di buyempam pitiŋ gana/ mo, mmojeṯkina a’di aris to kun uḵu mo ki gwo gi mom’bi’th piti mo be. Ki a’di diki’d mmodhelela dhelel mo gom miinthus mo tani a’di c̱a’bki’d ki me’da bim poros gi a’di jin Eḵa/ Eḵ e momis mo,

GWO JIN ’CEENU MO 20:15

Dhali waḵki/ jan ṯal ’deŋ kamu/ ’konuki gam gway piti jin ’kwarkunu mo eya warka/ gi mondiki/e yan mo tani a’di si’da/ minu biṯ mo eya al o’d mo be.