IBRANIYIIN 1:1 - Uduk New Teatament and OT Portions

¹ Eya ris bway kun ’ko ki she/ ki she/ mo tani Arumgimis ṯorki gwo e ibabam bana kadhamo/ mo ki imanc̱i gwom piti kadhamo/ mo.

IBRANIYIIN 1:1 Iomraidhean Croise

ṮAKWIIN 3:15

Aha/ mina kar mo jin dup̱u i bwaman /e mo dhala ’bom mo, dhali e bwaman emen pini mo dhali emen ma yim mo. A’di midi pwaṯẖ /e ’kup̱ pini mo dhali /e mini ṯikina ṯiŋkilam piti ka ulmany mo.

ṮAKWIIN 6:3

Dhali yan’ko’d Tap̱a ki o gwo mo ki: Shi/in pem midi diki malas ’kwani ki sule/ sule/ mo haali/ a’di ta buŋgwar is mo, hili ateem piti midi ta yili iss ’kwanimpa ipe’de/ mo.

LUUKA 1:55

me’d gwo jin okina a’di ibabam bana mo be, eya Ibrahiim dhali iya/m piti ki sule/ mo.

LUUKA 1:72

mmo’baar momiimiim piti gun onu is mo gom ibabam bana mo, dhali mmoka gwom piti e jin gamu me’d jin ḵogu mo.

LUUKA 24:27

Dhali mmoṯel ’pen ’pena Musa mo dhali imanc̱i gwo ma Arumgimis kadhamo/ mo tani a’di ki ṯor uni aris ’pemen gwo kun ’kwarkunu mo e Gwo ma Arumgimis mo goma ris to gi isi gom is piti mo be.

LUUKA 24:44

Dhali yan’ko’d a’di ki o uni gwo mo ki: Gwo gwansan ta gwom pem kun oka/ um mo ki aha/ dina um naskina/ mo, ka ris to gwansan kun ’kwarkunu mo gom aha/ mo e gwoŋḵan ma Musa jin c̱inu mo dhali e gwo gi imanc̱i gwo ma Arumgimis kadhamo/ mo dhali eya Masamiir mo tani minu mii thim mo be.

YOHAAN 16:13

Ki Shi/in gi gwoŋ gana/ midi p̱u’du/ mo tani a’di midi shu um bway eya ris gwoŋ gana/ ’baar mo. Haali/ a’di midi diki ṯor gwo gi moshirr ki is piti mo. Hili ma to yin jin mina a’di ciḵ mo tani a’di mina a’di iṯor mo dhali a’di midi ṯor um eya tente/ to kun mini p̱u’du/ mo be.

YOHAAN 7:22

AMusayi ic̱iki um gwo mo gom mo jin minu ’ciṯẖa/ munyjal yis mo (dhali a’di yisa jasi ’pena Musa, hili ’peni ibabam bum mo) dhali um ki ’ciṯẖ wathiŋ gwaṯẖa munyjal yis piti ka cim ma pesu/ mo be.

YOHAAN 9:29

Aman misha ka Arumgimis ṯorki’da Musa gwo mo. Hili gom gwo gi wathi/ yan mo tani aman mola mo mo jin yayina a’di ’peni cine/ mo be.

MII GUN MIINU MO 13:32

Dhali am guyina um gwom ’borga/ ’peni jin onu is me’d jin ṯoru ibaba mo

MII GUN MIINU MO 2:30

Mmotana a’di amanc̱i gwo ma Arumgimis kadhamo/ mo tani dhali mmomisha a’di gwo jin on ma Arumgimis mmothul a’di me’da p̱o/ ki a’di midi kar emen pitiŋ kamu/ e ḵursin tap̱am piti mo tani

MII GUN MIINU MO 28:23

Dhali ki uni karkina cim gom a’di mo tani uni ṯẖa’thkin i a’di mo e mo jin c̱a’bkina a’di mo. Dhali a’di ṯorki uni gwo eya tente/ mo mmoc̱i gwo gom Bampa/ ma Arumgimis mo dhali mmolal uni sho’k ki gwo mo goma Yesus mo ’peni gwoŋḵan ma Musa jin c̱inu mo dhali gwo gi imanc̱i gwo ma Arumgimis kadhamo/ mo si’da/ ’peni mon’thamo/ ntagi mom’peŋḵaskum mo be.

MII GUN MIINU MO 3:21

a’di jin mina momisi mii bu’th mo ntagi mo jin minu ṯela ris to ’baar mo shoka ’cesh doḵ/e mo, uni gun on ma Arumgimis ki ’twa/ gi imanc̱i gwo ma Arumgimis kadhamo/ mo kun dhunu ki she/ ki dhelel dhelel mo kun ’kokin ’peni isa dhamo/ innii mo.

IBRANIYIIN 11:18

ma e a’di jin onu gwo is mo ki: Eya Is/hak mo tani emen pini minu ’cem gway mo be.

IBRANIYIIN 11:2

Haali/ ki a’di mo tani jwahaŋ ’kwanin dhamo/ uni bu’thki mo jin nyo/uwa nyo/ mo be.

IBRANIYIIN 12:25

Hili um ki ’bore/ mo. Dhalki a’di ki ush mo, a’di jin ṯorki um gwo mo. Haali/ waḵki/ uni ’koki ye mo ki uni ushki a’di gwo mo, a’di jin rumki uni ki gwo mo e mony’cesh yan mo tani ba ana bala mina ye kata mo waḵki/ ana mina waḵ a’di mo, a’di jin rumki ana ki gwo mo ’peni momis mo?

IBRANIYIIN 2:2

Haali/ waḵki/ gwo jin bahu ki iman’doyu gwo mo tani doshki’d ki sho’k mo dhali aris mo jin dhaŋu gwo mo walla mo jin ushu gwo ha e mo bu’thki mo jin raḵuwa raḵi bway jin ta jiŋ ḵar/e mo tani

IBRANIYIIN 2:3

i/ana mina ye kata mo, waḵki/ ana p̱inykina is mo gom dhan gumbway mowoṯẖ yan mo? A’di baḵkunu iṯwa/a/ mo ki Tap̱a mo, dhali a’di ṯelkunu sho’k mo e ana mo ki uni gwansan kun ciḵki a’di mo be,

IBRANIYIIN 3:5

Dhala Musa a’di ta a’di jin ta isiŋ gana/ mo mmomiiya ris to ’baar mo e gu’b ma Arumgimis mo me’da manmii to mo, mmoṯesa ris gwo gom to ’baar mo kun minu mii ṯori ’ko’d mo be.

IBRANIYIIN 4:8

Haali/ waḵka Yashuu/ midi ’taki c̱i ki uni mo ma si/is mo tani Arumgimis midi diki ’taki o gwo goma teeŋ kamu/ jin midi di i’ko’d mo be.

IBRANIYIIN 5:5

Wakan si’da/ aḴrisṯẖos diki kar is pitiŋ gana/ ki ca mo mmominu kar a’di ka gasiis jin ca’d mo, hili a’di karkunu ’pen ka pije/ mo ki a’di jin oki gwo e a’di mo ki: /E ta Ya/m pem mo. Shwane/ aha/ dhotha /e mo.

IBRANIYIIN 9:19

Haali/ ka ris gwoŋḵan kun ’kwarkunu mo gi gwoŋḵan jin c̱inu ka ’deṯe/ ’deṯe/ mo baḵkin ma Musa gwo e ’kwani ’baar mo tani a’di ki budha bas gi ushi bip̱ mo dhali mi mo, nyaḵki yi’de/ mo dhala mur ḵa’bal jin ta’da duḵ is mo dhali cwa ma ’tasha jal bip̱ mo dhali a’di ki ḵukusa bas ap̱owa warka/ ki is piti mo dhali aris ’kwani ’baar mo,