EP̱ASUS 4:2 - Uduk New Teatament and OT Portions

² ka ris mii kun dhunu is ki gwa’d mo dhali ki mii ma ’thup e mo, ki bwa jin ’kuc̱u ki ’kari’th mo, mmothonkina uma thon me’di ’ko’d ka rem ’kup mo e mo/en mo

EP̱ASUS 4:2 Iomraidhean Croise

KURINṮH̱UUS ’DE/ 13:7

Mo/en a’di dininki’da ris to ’baar mo she/ mo, a’di gama’da ris gwo ’baar mo is mo, a’di ta’d ga ’teŋ kap̱e/ gom to ’baar mo, a’di ’dim ’kup̱ gom to ’baar mo.

RUUMIYA 15:1

Ana uni gun ’bitha is mo tani mina mii ḵal to gi uni gun ’ka’da is kun aṯẖa/aṯẖ mo dhali mmo’koki maŋ is bana mo be.

MAṮṮA 11:29

Buthi dhaŋḵa’b tom ’bam pem ap̱o/ um mo ma dhali da/ari ’peni aha/ mo haali/ aha/ tana man’thup̱ e mo dhali amankar is ki gwa’d eya du mo dhali um mini gam mosi/is goma ḵashiram bum mo be.

ṮIMUṮH̱AWUUS ’DE/ 6:11

Hili gom /e jin ta wathi/ ma Arumgimis mo tani ship̱iṯi/a ŋwac̱a/ mo ’pena ris to gwansan mo. Guyi a’di ki e mo a’di jin ta mo ma ḵar/e mo dhali mii ma gayiin mo dhali moŋgam gwo is mo dhali mo/en mo dhali sho’k mmoṯel mo dhali mon’thup̱ e mo.

GWAY GI IDAWUU’D 138:6

Ba haali/ Tap̱a a’di i/eḵa/ eḵ mo tani a’di ki c̱iya hirdhe/ ki uni kun hatha ’ko ’ko’d ki ha’th mo, hili uni kun ’theḵ ’ba/ imis mo tani mishkina a’di ’pena dhana/ mo.

BUṮERUS ’DE/ 3:15

hili eya dum bum mo tani tuḵi aḴrisṯẖos me’d Tap̱a mo. Isa yempa/ mo tani um mini thoson is mo mmota iman’ce’d gwo she/ mo gom ma gom ’kwani gunn kun yuḵki um mo mmoc̱i gwo goma ’teŋ kap̱e/ jin di’d e um mo, hili miiyi a’di ka du jin ’thup̱u e mo dhali ka tuḵ jin tuḵu/ mo.

ṮIMUṮH̱AWUUS SU/ 2:25

mmoḵucur unim piti gwahan ki gwo mo kun cesh a’di mo ki thiṯẖ mo, ki mii jin ’thup̱u e ki ’thup̱ mo. Arumgimis wari midi ’taki c̱i uni mo jin rijuwa du is mo dhali p̱u’du/ mo mmomish gwoŋ gana/ mo,

GALATHIYYA 6:2

Ḵali ton diṯin ka rem ’kup̱ mo, dhali ki mii gi wakan mo tani um mini thim gwoŋḵan ma Ḵrisṯẖos mo be.

EP̱ASUS 1:4

Isi kani me’d jin kwanykina a’di ana mo e a’di mo nṯwa/a/ ki mony’cesh yan ’konuki ḵa’b mo, ki ana mina ta ku gun ḵogu mo dhali ta ku gun mini ta kun dar gi thalkin ibwambori a’di mo be.

MII GUN MIINU MO 20:19

mmomiiya ṯu’c gi Tap̱a ki bwa jin karu ki jiŋ gwa’d mo dhali ki jabuthi e mo dhali ki mompal kun ṯẖa’thkina p̱o/ aha/ mo ’pena wu’th gi ’Kwani Yahuuda/ mo.

MARKUS 9:19

Dhali a’di ki thoḵ uni gwo mo ki: Ayy, um ’kwani kun tana nyaḵum yil kun aṯẖa moŋgam gwo is ki aṯẖ mo. Ki aha/ mina di i um ki mo gi wakata mo? Dhali ki mo gi wakata imiga/ i’dim ’kup̱ e um mo sa/? Susi a’di i aha/ mo ma.

GWAY GI IDAWUU’D 45:4

E mo/eḵ pini mo tani meri mo e mo jin p̱inu mii e mo gom gway gi gwoŋ gana/ mo dhali gom mo jin minu cesh she/ mo gom mo jin minu dhu bwa ki gwa’d ki miiŋḵar/e mo. Dhalki me’da bim poros pini ṯorki /e gwo gom dhan mii jin caaca mo.

YAKUUB 1:21

Dhali ki mii gi wakan mo tani dhuyi aris tony nyogga/ ’pen ka pije/ mo dhali mii kun ’coḵa’coḵ kun ishin ka enthus mo dhali bu’thki mo jin dhunu is ki gwa’d mo gwo jin sinu mo a’di jin mishki’da ḵashiram bum woṯẖ mo.

KULUSSI 1:11

Dhalki um ’bitha is mo eya ris mom’bithi ’baar mo isi ki monycam piti jin c̱a’bki dem dem mo goma ris mo jin ’dimuwa ’dim ’kup̱ mo dhali bwa jin ’kuc̱u ki ’kari’th mo ki moŋ’kuny bwa mo,

BUṮERUS ’DE/ 3:8

Ḵwalany ’te/ be. Aris umi ’baar mo, tayi gi mo jin gamu gwo me’d e shi/in mo, dhali ḵoci e mo, dhali eni iwaḵ bum mo, dhali tayi ka duŋ ’ka’dga/ mo dhali bwa kun dhunu ki gwa’d mo.