EP̱ASUS 2:2 - Uduk New Teatament and OT Portions

² e uni kun iikina um ’thissa/ mo mmobaṯẖkina um ya gi mony’cesh yan mo dhali mmobaṯẖkina um miin tap̱a gi mom’bi’th kun p̱wanu/ e mis mo, jin ta shi/in c̱aan jin di’d mmo/um mo e iya/ gi iman/ush gwo ha e mo be.

EP̱ASUS 2:2 Iomraidhean Croise

GWAY GI IDAWUU’D 17:14

’peni ’kwani ki me’d pini mo, ayy Tap̱a, ’peni ’kwani gwansan kun bu’th to jin ta moŋ’ko gi mony’cesh mo. Dhalki bwam buni ’tu’du/ mo ki to kun dhukina /e gom uni mo. Dhalki uc̱im buni uni tan gi to ki nyanye/ mo jin midi bol ji gi ca’d e mo. Dhali dhalki uni ur ton tiya ’kup̱ gom usha ŋam buni mo.

MAṮṮA 11:19

Dhali Ya/ gi ’Kwani p̱u’dki’d mo dhali shwa to mo dhali p̱i to mo dhali uni o gwo mo ki: Hili mo mo ma. Amanshwana ṯe/ anyor mo dhali aman’kosh ma su mo, a’di jin ta’da mugu gi imantera thulp̱a/ mo dhali ’kwani kun ta imanmii miinthus mo. Hili moyuḵ a’di karu ka ḵar/e e mo ki mii ma yimi ’baar mo be.

MAṮṮA 13:22

Dhali wakan gom a’di jin yeḵu mo e bwam ma ’de/ mo tani a’di yansan ita a’di jin ciḵ gwo mo, dhali hili a’di bala to ga ’cesh is mo dhali ’penkap̱an piti jin tana a’di pa ki pa mo tani c̱okoṯ a’di mo dhali a’di mol dho’th maman mo be.

MAṮṮA 13:38

Dhali bwam mondhe’d mo tani a’di ta mony’cesh mo be. Dhali emen to tani a’di ta ’pemen gwo gom iya/ gi Bampa/ gi Momis mo. Dhali ’pemen gwo gom biriny mo tani a’di ta iya/ gi a’din thus ’de/ yin mo be.

MARKUS 4:19

Hili uni bala to ga ’cesh is mo dhali ’penkap̱an buni jin el uni e ki el mo dhali bwam buni gun ona uni gom ton tiya mo tani cic̱kina uni nycine/ mo dhali c̱okoṯ gwo mo dhali a’di inyo/i uni mo ki uni moli dho’th mo be.

LUUKA 16:8

Dhali tap̱a ki maŋa mandhu to jin diki ta aḵar/e mo goma gany piti mo, haali/ iya/ gi ’kwaniny’cesh gwansan mo tani uni yuḵayuḵ mo eya nyaḵum yil buniŋ gana/ mo mmobol iya/ gi moŋkush e mo be.

LUUKA 22:31

Simaan, Simaan, hili mo mo ma, Seṯaan dina gwo mbwa mo mmobu’th um mo ki a’di midi ’dash um me’d emen pos mo.

YOHAAN 12:31

Dhali mo jin minu tor gwo ’twa/a ’cesh gi gwon dwall e mony’cesh yansan mo tani a’di p̱u’dki’d mo. Dhali tap̱a ma ruma ’cesh yansan minu biṯ ka pije/ mo be.

YOHAAN 13:2

Dhali ki tonṯe/ muru shwa mo tani ki tap̱a ma ruma ’cesh ’baarki gwo kar mo eya du ma Yahuusa Isḵariyuuṯi mo, a’di jin ta ya/ ma Simaan mo mmo’ciṯẖ a’di is ki gwo mo tani,

YOHAAN 13:27

Dhali yan’ko’d ka gabul maaŋḵuthu’d mo tani Seṯaan seki’da dum piti mo. Yesus ki o a’di gwo mo ki: A’di jin mura /e imii mo tani miiyi a’di ki jahanne/ mo ma.

YOHAAN 14:30

Aha/ mina diki c̱a’b mmoṯor um gwo ki rash rash mo haali/ tap̱a gi mony’cesh yan p̱u’dki’d mo. A’di dar gi mom’bi’th ap̱o/ aha/ mo be.

YOHAAN 15:19

Waḵki/ um mini ’taki ta ku gi ’kwaniny’cesh mo tani ’kwaniny’cesh mini ’taki ena en gom kum buni mo, hili haali/ um ’koki ta ku gi ’kwaniny’cesh mo haali/ aha/ kwanykina um mo ’peni ’kwaniny’cesh mo tani a’di ishi/kina ’kwaniny’cesh umi e kan mo be.

YOHAAN 16:11

Gom gwon dwall mo haali/ tap̱a gi mony’cesh yansan a’di torkunu gwon dwall ’twa/a ’cesh mo be.

YOHAAN 7:7

’Kwaniny’cesh ’koki shi/ umi e mo, hili uni shi/ki aha/ i e mo haali/ aha/ ṯorkina uni gwo ki miim buni kun miikina uni mo tani ta thus ki thus mo be.

YOHAAN 8:23

Dhali a’di ki thoḵ uni gwo mo ki: Um ’pena ’cesh yan mo. Aha/ ’peni momis mo. Um ita ku gi mony’cesh yan mo. Aha/ dinaki ta ji gi mony’cesh yan mo be.

YOHAAN 8:44

Um ’pena babam bum jin ta tap̱a ma ruma ’cesh mo dhali bwam bum o’d ki mii me’d bwa ma babam bum mo. A’di ta’da man’kosha mee mo ’peni ka muŋ’kup̱ mo dhali a’di dar gi toŋ kamu/ mmomii gom gwoŋ gana/ mo haali/ gwoŋ ganaŋ kamu/ yisa di’da e a’di mo. Ki a’di ki ṯor gwo ka ṯor mo tani a’di ki o gwo mo me’d isi jin di’di a’diyi haali/ a’di ta’da ṯor mo dhali com jin cil ma ṯor mo.

MII GUN MIINU MO 19:35

Dhali ka hiliŋgwoŋḵan gom pa mu’thki’da waambuhany ’kwani ’twa/ mo tani a’di ki o uni gwo mo ki: Um ’Kwani gi Pan Ep̱asus. Ki wathi/ jana si’da/ idi’d jin diki mish ki ’Kwani gi Pan Ep̱asus ta imanhil gu’b jin luŋuwa dhan tony caaga/ yan jin yuḵu gway ka Arthamiis mo dhali jamas gi to yan jin biṯki’d ’pena Sap̱s mo?

MII GUN MIINU MO 5:3

Hila Buṯerus ki o a’di gwo mo ki: Hananiyya, ata ’tu’d ma Seṯaan eya dum pini mmotham gwo o ki Shi/in Dheleladhelel mo dhali boc̱ ’bana kamu/ ’pen ’pena guurush jin yolu/ mo mo sa/?

RUUMIYA 12:2

Dhalku/ mii ki tash me’d ’kwani kun ’koni mony’cesh yan mo ma. Hili aḵi a/aḵ mo mmota ga dun this mo ki um mini pal a’di jin ta bwa ma Arumgimis mo jin ta a’dim ’boro’d mo dhali jin mishu bu’th mo dhali jim ’borgaŋ gana/ mo be.

KURINṮH̱UUS ’DE/ 5:10

A’di yisa ta ’pemen gwo mo gom imanmii miinyc̱al gi mony’cesh yan mo walla imanta a’thoṯẖum bwa mo walla imandil to mo walla imanluŋ tomp̱inycon mo, haali/ waḵki/ a’di wakan mo tani ki ton ta’da ta imina /e diki ya ka pije/ ’peni mony’cesh mo, eee.

KURINṮH̱UUS ’DE/ 6:11

Dhali kun tiya ta ku gi wakan e um mo. Hili um lamkunu mo, um dhukunu ki she/ ki dhelel dhelel mo, dhali um dhukunu mo ki mo ma ḵar/e mo ki gway gi Tap̱a Yesus Ḵrisṯẖos mo dhali ki gway gi Shi/in Dheleladhelel ma Arumgimis bana mo be.

KURINṮH̱UUS SU/ 4:4

E ’kup̱ miim buni yan mo tani arum gi mony’cesh yan jin luŋa uni mo tani dha’bki uni adum buni e mo uni gun daran gi gwo jin gamu is mo, mmonon uni ’peni mmop̱ar moŋkush gi gwom ’borga/ e mo jin ta monyca ma Ḵrisṯẖos mo, a’di jin nyaḵki’da nyaḵ ka Arumgimis mo be.

GALATHIYYA 1:4

a’di jin c̱iki is piti mo gom miinthus bana mo mmo’cuḵ ana mo ’peni she/ yil jin ta jin thus yan mo isi ki bwa ma Arumgimis bana mo dhali a’di jin ta Com mo.

EP̱ASUS 1:21

isi mis gana/ mo ap̱owa ris gwoŋḵan kun c̱inu ki ’bi’th mo dhali moshirr mo dhali mom’bi’th mo dhali mo jin tanu tap̱a mo, dhali ap̱owa ris gwayi ’baar mo kun yerkunu mo, yisa jasi e she/ yil yana, hili si’da/ e yil jin midi p̱u’du/ mo be.

EP̱ASUS 2:11

Wakan kayi gwo e mo ki um ’thissa/ ta ’kwani kun ’koki ta ’Kwani Yahuuda/ e buŋgwar is mo kun yuḵkunu gway ki ku gi ’kon ka munyjal yis i e mo ki uni gun yuḵkunu ki uni gun ’ciṯẖuwa munyjal yis mo, a’di jin miikunu e buŋgwar is ki me’d gi ’kwani mo be.

EP̱ASUS 2:13

Hili shwane/ eya Ḵrisṯẖos jin ta’da Yesus mo tani um kun ’thissa/ si’dkin mo kagahara mo tani um suskunu mo mmo’dish mii is mo ka bas ma Ḵrisṯẖos mo be.

EP̱ASUS 2:3

Ibwaman uni gwansan mo tani ana ’baar mo ’kokina mo nṯwa/a/ mo e em bana mo kun dhuna ana ki ’thir ’thir mo gom buŋgwar is bana mo, mmobaṯẖ bwa en’dap̱ mo gom buŋgwar is mo dhali bwa mo, dhali wakan ana ’kokina mo ki buyem pa mmota uc̱i ma nyor mo me’d ’kwanin tiya kun ta ’kwani en’thi/ mo be.

EP̱ASUS 4:17

Shwane/ aha/ karkina gwom pem mo dhali bah gwom pem mo e Tap̱a mo ki um mini mii ’koki ’ko mo me’d jin ’kona ’kwani kun ’koki ta ’Kwani Yahuuda/ mo e mii ma dum buni gun ’kona uni ki p̱e’th mo.

EP̱ASUS 4:22

Dhuyi aris miin dhamom bum ’pen ka pije/ mo, uni gun cila miim bum kun miina um kadhamo/ mo dhali kun p̱u/kin mo e mo ma he’k e ki e kun ’dap̱u/ mo

EP̱ASUS 5:6

Dhalku/ ki dhal wathin ’deŋ kamu/ bway mo mmohe’k um e mo ki gwo kun ’ko bwa ’te/ mo haali/ gom to gi wakansan mo tani a’di ip̱u’dkin ma nyor ma Arumgimis ap̱o/ iya/ gi uni gun ush gwo ha e mo.

EP̱ASUS 5:8

haali/ ’thissa/ um ’kokin mo e mondhurumi’d mo, hili shwane/ um ta ku gi moŋkush e Tap̱a mo. Iiyi um mo me’d uc̱i gi moŋkush mo

EP̱ASUS 6:12

Haali/ ana ’konaki ’thir mo ap̱o/ buŋgwar is mo dhala bas mo, hili ap̱o/ mom’bi’th kun molu gadhir mo dhali ap̱o/ mom’bi’th mo, dhali ap̱o/ itap̱a kun ji mony’cesh yan mo jin ta mondhurumi’d mo shwane/, dhali ap̱owa risa buhany shi/in thus kun ’koki ta gi buŋgwar is ga ’cesh mo e mo kun ’kon e momis mo.

KULUSSI 1:21

Dhali um kun ’thissa/ ’kokin ka pije/ ’peni a’di mo dhali kun ta ’kup̱ ki ’kup̱ eya dum bum mo mmomii to kun ta thus ki thus mo tani

ṮIMUṮH̱AWUUS SU/ 4:10

Haala Dimas, a’di jin enki mony’cesh yan jin di’d shwane/ mo tani, a’di dhalki aha/ ’pen mo dhali yaki’d mo e Pan Tasaluniiki mo, dhala Kiriskis a’di yaki’d mo e Paŋ Galathiyya mo dhala Tiithus e Pan Dalmathiyya mo.

YAKUUB 1:27

Mo jin luŋu aluŋ jin dheleli’d mo dhali jin dinuki shi/ ki mii gi wakan mo ibwambor ma Arumgimis mo dhali Ababa a’di wa cikise/ mo be: mmohil gom uni gun tana thip̱a/ i e mo dhali uni gun wuna ikaṯẖ mo e monṯo’c bwam buni mo dhali mmokar is pitiŋ gana/ mo ki dar gi monyogga/ mo ’peni mony’cesh mo be.

YAKUUB 1:7

Haali/ wathi/ c̱aan midi mii diki mii ṯosh ki a’di midi bu’th toŋ kamu/ ’peni Tap̱a mo.

YAKUUB 4:4

Um ’kwaniny c̱al, ’kona um ki mish mo mo ki mmonyaḵ to mii ki ’kwaniny’cesh mo tani a’di ta ’kup̱ ka Arumgimis mo? Haali/ a’di wakan mo tani a’di yin jin ona bwa ki ta mugu gi ’kwaniny’cesh mo tani kar is piti mo mmota ’kup̱ ka Arumgimis mo be.

BUṮERUS ’DE/ 1:14

Me’d uc̱i gun ha gwo e mo tani dhalku/ mii ki tash mo mmodhu e ki ’thir ’thir mo me’d jin miikina um ’thissa/ e miin dhamom p̱us bum mo.

BUṮERUS ’DE/ 4:3

Hili dhalka tee yin jin yaki’d ki jim pe mo ’kosh jwa mo mmomii me’d mii kun miikina ’kwani kun ’koki ta ’Kwani Yahuuda/ mo mmo’kokina uni e mii kun ’kanuwa ḵanthi/ mo dhali e mii gun dhunu e ki ’thir ’thir mo dhali e mo jin ’kosh ma suwa ’kosh mo dhali e mii kun waluwa wal e moŋ’kup̱a su mo, dhali mmomii ki ra’b mo e mo ma su mo dhali e mii kun luŋu tomp̱inycon mo kun ’kona gwoŋḵan ki dhal bway mo.

BUṮERUS SU/ 2:14

Uni takin gi em buni kun ’tu’dkunu ki piny piny ki miinyc̱al mo, a’di jin moli daḵ mo gom miinthus mo. Uni ellkina ell e mo gom ’kwanin tiya kun ’konuki ṯela ḵashiram buni sho’k mo. Uni takin ga dum buni kun yedhu sho’k mo e bwa jin purapur mo. Uni ta uc̱i kun jeekunu mo.

YOHAAN ’DE/ 3:10

Gom mii yan kan mo tani a’di iminu mish mo mo eya tente/ mo gom uni gun ta uc̱i ma Arumgimis mo be dhali gom uni gun ta uc̱i gi Tap̱a ma ruma ’cesh mo: A’diyin jin diki di mo mmomii miim ’boro’d mo tani a’di ’peni Arumgimis yisa walla a’di jin diki ena kam piti mo.

YOHAAN ’DE/ 3:8

A’di jin di’d mo mmomii miinthus mo tani a’di ta ji gi tap̱a ma ruma ’cesh mo, haali/ tap̱a ma ruma ’cesh a’di miiki miinthus ’peni ka muŋ’kup̱ mo. A’di ta ’kup̱ gwo jin ṯoru Ya/ ma Arumgimis eya tente/ mo mmo’ce’d mii gi tap̱a ma ruma ’cesh sho’k mo be.

YOHAAN ’DE/ 4:4

Ushi uc̱iya, um ’peni Arumgimis mo dhali um p̱iki uni e ki mii mo. Haali/ a’di jin di’d e um mo tani a’di eḵki’d mo mmobol a’di jin di’d e mony’cesh yan e mo be.

YOHAAN ’DE/ 5:19

Ana misha mo mo ki ana tana ku ma Arumgimis mo, dhali aris ’kwani gi mony’ceshi ’baar mo uni ’kon e mom’bi’th gi a’dinthus ’de/ yin mo be.

YOHAAN ’DE/ 5:4

Haali/ a’diyin jin dho’thkunu ’peni Arumgimis mo tani p̱iki mony’cesh e ki mii mo. Dhali momp̱i mii e a’dan be jin p̱i mony’cesh e ki mii mo jin ta moŋgam gwo is bana mo be.

GWO JIN ’CEENU MO 12:9

Dhali adhan tasha/ a’di biṯkunu ka ’cesh mo, dhan tashan dhamo/ yin mo, a’di jin yuḵkunu gway ki Tap̱a ma Ruma ’Cesh mo dhali ka Seṯaan mo, a’di jin ta’da manhe’k ’kwaniny’cesh e ’baar mo – a’di biṯkunu mo ka ’cesh mo dhali iman’doyu gwonthus piti si’da/ mo, uni ṯa’kkunu ka ’cesh nyaḵki a’di mo.

GWO JIN ’CEENU MO 13:14

Dhali ki dhan jamas mii jin dhalkunu a’di bway mo mmomii mo e buŋ’kus to/e yansan mo tani a’di he’kki ’kwani gwansan e mo, uni kun ’kokin ap̱o/ mony’cesh mo. A’di ki us uni is ki mii mo mmo/uḵ jamas gi to/e mo, a’di jin takina ’kup̱a wambor ki gandala turga/ mo jin ’koshki a’di mo dhali a’di di’d ki e mo naskina/.

GWO JIN ’CEENU MO 13:8

dhali aris uni gun ’koni mony’cesh yan mo tani uni mini luŋ a’di mo, aris uni ka ’deṯe/ ’deṯe/ mo kun ’konuki ’kwar gway buni nṯwa/a/ ki mony’cesh yansan ’konuki ḵa’b mo eya warka/ gi mondiki/e gi Ari Ḵa’bal jin ’koshkunu mo.

GWO JIN ’CEENU MO 16:17

Dhali aman’doyu gwo jin ’kon ma p̱o/i pesu/ mo tani gac̱ki’da nyor piti mo ’peni toŋ’kul bwa mo e embul gi momis mo, dhali adhan ’twa/ p̱u’dki’d ka pije/ mo ’peni gu’b gi mondheleladhelel mo dhali ’pena ḵursi ma maliḵ mo mmo/o gwo mo ki: A’di miikunu mo be.

GWO JIN ’CEENU MO 20:2

Dhali a’di ki ’dap̱ dhan tasha/ yan ka nyoḵ mo, dhan tashan dhamo/ yin, jin yuḵkunu gway ki Tap̱a ma Ruma ’Cesh mo dhali ka Seṯaan mo dhali a’di ki deḵ a’di mo gom yil alip̱ mo.