Mat'fey 7:7 - Udi

⁷ Çurekinan - və̌x tadeğale, qə̌věkinan - bə̌ğə̌balnan, ç̌omo t'apanan - və̌ynak' qayeğale.

Mat'fey 7:7 Iomraidhean Croise

Burqesun 26:32

Hat'e ği İsaak'i k'ulurxon hari içu pit'un ki, kərizt'un kašp'i c'evk'e, şot'o pulxaşluğ tadi pit'un: «Xeyan bə̌ğə̌be!»

Ǐvel mə̌ğurxo 10:17

Ay Q'ončux, Hun fağırxoy xoyinša p'anpsa, Şot'oğo ük'en tast'a, Vi pul şot'oğoy loxole.

Ǐvel mə̌ğurxo 10:4

İçu ala biq'i Buxačuğoxun ə̌xile bist'a, "Butene Şo" pi sal iz fikire eteneşt'a!

Ǐvel mə̌ğurxo 119:12

Alxışq'an baki Va, ay Q'ončux! Za Vi q'aydoğon taysuna zomba,

Ǐvel mə̌ğurxo 27:8

Vi "Za qə̌věkinan" əyit bez ǔmǔğone! Mone, Va qə̌vězsa, ay Q'ončux,

Ǐvel mə̌ğurxo 34:4

Zu Q'ončuğoz afırıpi k'alpi, Şot'inal za inebaki, Bez pula haq'ala şeyurxoxun za çark'esedi.

Ǐvel mə̌ğurxo 37:4

Q'ončuğoxun mǔqbaka, Şot'inal vi ük'en çureğalt'oğo p'ap'esp'ale.

Ǐvel mə̌ğurxo 50:15

"Vi t'ar ğine Za k'alpa, Zuval va çark'est'oz, Metər, Bez s'iya alabalo bakalnu hun."

Ǐvel mə̌ğurxo 69:32

Fağırxo mǔqbakale mot'o ak'i, Buxačuğo qə̌věğalt'oğoy ük' qayeğale!

Ǐvel mə̌ğurxo 70:4

Va qə̌věğalorox isə barta mǔqbakeq'at'un, Barta ç̌oyenq'an axšumpi şot'oğoy, Barta Vaxun eğala çark'esuna ak'i Həmişə "Buxačux kalane" peq'at'un!

Ǐvel mə̌ğurxo 86:5

Xeyirxax bakalonu Hun, ay Q'ončux, Bağışlayinşes bakalonu! Va qə̌věğalt'oğo Vi nu badalbakala çuresuna, Vast'a bol bakala t'e çuresuna ak'est'alonu Hun!

Məsəloox 8:17

Za çureğalt'oğo çurezsa, Za ük'en qə̌věğalt'in bə̌ğə̌nebsa.

Mat'fey 18:19

Və̌x p'urumal nexzu: əgər ef boşt'an p'ə̌ tanenal gireśi içoğoy maninesa əşlə görə Buxačuğo k'alk'ayt'un, göynul bakala Bez Bavan şot'oğo ibakale.

Mat'fey 21:22

Əgər və̌st'a věluğ bakayin, afırık'at'an ef çureğalt'u haq'alnan».

Mat'fey 6:33

Və̌n süft'ə Buxačuğoy padçağluğa q'a Şot'ay düzgünluğa qə̌věkinan, mandi hər şey isə və̌x avuzin tadeğale.

Mat'fey 7:11

Əgər və̌n, ef boş t'ema pisluğ baksunen, ef əyloğo şaat' payur tades bananksasa, běğanan göynul bakala ef Bavan İçuxun çureğalt'oğo k'ə tadon!

Mat'fey 7:8

Şot'aynak' ki, hər çureğalt'in haq'ale, qə̌věğalt'in bə̌ğə̌bale, ç̌omo t'ap'k'alt'aynak'al qayk'alt'un.

Mark 11:24

Mot'o görəl və̌x nexzu: afırıkat'an hik'k'ə çureğaynan věbakanan ki, şot'o ene haq'enan, ef çureğaloval və̌ynak' bakale.

Luk'a 13:25

K'ojin q'ončuğon hayzeri ç̌omo but'k'it'uxun oşa isə və̌n c'öşin tərəf mandi ç̌omo t'ap'k'alnan, xoyinšbi uk'alnan: "Ağa, ç̌omo qaypa!", ama şot'in "nə və̌x çaltezaxsa, nə efi mayin eysuna tez ava" pi coğab tadale.

Luk'a 18:1

İsusen İz şagirdxoynak' həmişə afırıp'i urufaxun maq'at'un bit'i pi sa məsələne eçeri:

İoan 15:16

Və̌n Za tenan c'ək'p'i, Zuz və̌x c'ək'p'i tapşurbi ki, taśi bar tadanan, t'e baral həmişə mandane. Metərluğen, Bezi s'iyen Bavaxun k'ə çureğaynan, Şot'in və̌x tadale.

İoan 15:7

Əgər Zast'a mandaynan, Bezi əyitmuxal və̌st'a mandayin, k'ə xoyinšbi çureğaynan, və̌x tadeğale.

İoan 4:10

İsusen şot'o coğabe tadi: «Əgər hun Buxačuğon tadi paya saal vaxun xe çureğalo Şu baksuna avabakayin, hunen Şot'oxun xe çureğon, Şot'inal va yəşəyinşest'ala xene tadon».

Əbraniğo 11:6

Věluğ nu bakala gala isə Buxačuğoy piyes şaat' ak'esun mümkün tene. Buxačuğoy yaq'en taysuna çureğalt'in Şot'ay baksuna q'a Şot'ay İçu qə̌věğalt'oğoxun ç̌o nu tarast'una věbakalane.

İak'ov 5:15

Şot'o görə ki, ük'en věbaki bala afırınen q'olayebsa. Q'ončuğonal şot'o turelbale. Əşp'est'i günax but'uxsa, şot'oğoval bağışlayinşale.

1 İoan 3:22

Şot'oxun afırıpi k'ə çuryansasa, hayanq'sa, şot'o görə ki, Şot'ay əmirxo əməlyanbsa, İz piyes xoşel eğala əşurxoyan biq'sa.