Mat'fey 7:11 - Udi

¹¹ Əgər və̌n, ef boş t'ema pisluğ baksunen, ef əyloğo şaat' payur tades bananksasa, běğanan göynul bakala ef Bavan İçuxun çureğalt'oğo k'ə tadon!

Mat'fey 7:11 Iomraidhean Croise

Burqesun 6:5

Q'ončuğon běneği ki, oç̌ali ç̌oyel bakala amdarxo düz yaq'axun c'eri t'etərt'un bake ki, içoğoy vǔğ fikir suna pisluğbsune.

Burqesun 8:21

Bok'ala yeq'e aden ala laśi Q'ončuğo irəzinebi, Şot'inal İz ük'e boş metəre pi: «Ene sal sa vədə oç̌alen amdarxoy biq'ala əşurxo görə q'arğiş tene ukal. Düze, amdaren iz pula qaypsun q'a pis yaq'en taysun sane baksa, ama ene sal sa vədə mot'o görə iz boş elmux bakalt'oğo tez əfçibal Zu.

Ǐvel mə̌ğurxo 84:11

Axıri Q'ončux Buxačux beş bač'ane, Yaynak' běğ baki yaq' ak'est'alone! Yax İz ük' bok'ospsuna ak'est'alo q'a hörməti q'ončux balone Şo, Düzgün yaq'en tağalt'uxun İz şaat'luğa kamtenebon Şot'in!

Ǐvel mə̌ğurxo 85:12

Mǔqt'ale yax Q'ončuğon İz xeyir-bərəkəten, Oç̌alenal yax iz bara tadale.

Ǐvel mə̌ğurxo 86:15

Ama Hun, ay Q'ončux, ük' bok'osp'al, şaat'luğ ak'est'ala Buxačuxnu, Hun gele səbirlu, çuresunen buy q'a İz tadi əyiti loxol çurk'ala Buxačuxnu.

Ǐvel mə̌ğurxo 86:5

Xeyirxax bakalonu Hun, ay Q'ončux, Bağışlayinşes bakalonu! Va qə̌věğalt'oğo Vi nu badalbakala çuresuna, Vast'a bol bakala t'e çuresuna ak'est'alonu Hun!

Mat'fey 23:9

Me dünyəne şuk'k'ala "bava" pi ma k'alpanan, şot'aynak' ki, ef tək sa Bavane bu - göynul bakala Bava.

Mat'fey 7:10

Nəəl ki çəli çureğayin şot'o dizik' tanedon?

İoan 3:16

Şot'aynak' ki, Buxačuğon dünyənə t'etəre çureśi ki, İz tək sa Ğarane tadi; tanedi ki, Şot'o vě bakalo maq'an p'uri, ama həmişəluğ yəşəyinşq'an haq'i.

İak'ov 1:17

Buxačuğon, göynul bakala muč'uliğo yaratmişi Bavan, yax şaat' şeymuxe tadon. Şot'ay yax tadala payurxo noxsansuz payurxone. Nu badalbakalone Şo, xoji k'inək' nu c'ovaki tağalone.

1 İoan 3:1

Běğanan Bavan yax hetər çuresuna ak'est'e ki, yax İz əyloxe nex! Mo həgigiyal metəre! Me dünyənen isə yax tene çalxsa, axıri Şot'oval tene çalxi.

1 İoan 4:10

Çuresun beşi Buxačuğo çuresunaxun asulu tene. Çuresun - mo Buxačuğon yax çureśi İz Ǧara beşi günaxxo os'k'ala q'urban k'inək' yaq'absune.