Mat'fey 5:3 - Udi

³ «He bəxt'əvərt'un Buxačuğo eht'iyəc bakalorox! Şot'aynak' ki, göye padçağluğ metərt'oğoye.

Mat'fey 5:3 Iomraidhean Croise

Ǐvel mə̌ğurxo 1:1

Pist'oğoy tadi maslaaten nu tağalo, Günaxkərxoy tağala yaq'a tur nu ç̌axk'alo, Düzgünluğa lağa haq'alt'oğoxun nu arśi-hayzalo he bəxt'əvəre!

Ǐvel mə̌ğurxo 112:1

Q'ončuğo halalq'an baki! Q'ončuğoy laxi yaq'en tağalo, Şot'ay bürüşit'oğo bex p'ap'espsunaxun mǔqbakalo he bəxt'əvəre!

Ǐvel mə̌ğurxo 128:1

He bəxt'əvəre Q'ončuğo çalxi Şot'ay laxi yaq'en tağalorox!

Ǐvel mə̌ğurxo 146:5

İak'ovi Buxačuğon iz kiyexun biq'alo, İz Buxačux bakala Q'ončuğo bač'an taradalo he bəxt'əvəre!

Ǐvel mə̌ğurxo 2:12

K'os'baki Ğare turin oq'axun muçp'anan! Tene İz əcuğ bəc'ük'eğon, Ef tağala yaq'a və̌x k'as'p'i śinek'on, Axıri Şot'ay əcuğ kološ bəc'ük'eğala k'inək'e bəc'ük'esa! İzi hər şeya Şot'ost'a ak'alo he bəxt'əvəre!

Ǐvel mə̌ğurxo 34:18

Q'ončuğon ük' xə̌xə̌t'oğo tək tene bark'on, Umud eğala ga nu bakalt'oğo çark'esedon.

Ǐvel mə̌ğurxo 41:1

Kəsibxoy ğina ǒnek'alo he bəxt'əvəre! Şo t'arnu baft'at'an Q'ončuğon şot'o kule boxodon.

Ǐvel mə̌ğurxo 51:17

Va çalxsun, Vi çureğalt'oğo bsun - mone əsil q'urban! Mot'o q'amişaki q'abulbalt'u Hun Vaxun ə̌xiltenbon, ay Buxačux.

Ǐvel mə̌ğurxo 84:12

Ay Göye Q'oşuni Q'ončux, Va bač'an taradalo he bəxt'əvəre!

Məsəloox 16:19

Fağırxoy arane vi sa k'ot'or šuma uksun, Tikbaşxoxun talanbi mala cöybsunaxun şaat'e.

Məsəloox 29:23

Amdari içu ala efsunen axırda içu sanekon, Fağır amdaren isə hörməte q'azayinşon.

Məsəloox 8:32

Həysə, ay bezi ğarmux, za ǔmǔxlaxanan: Bezi yaq'a efalo he bəxt'əvəre!

Mat'fey 11:25

T'e vədə İsusen pine: «Ay oç̌ali q'a göye Q'ončux bakala Bava! Va şükürezbsa ki, içoğo müdrik saal q'amişakal hesabbalt'oğoxun c'ap' mandit'oğo əyloğon avabakest'i Hun.

Mat'fey 11:6

Bezi şu baksunaxun nu şüpələyinşakalo he bəxt'əvəre!»

Mat'fey 13:16

Ama ef pulmux bəxt'əvəre, şot'aynak' ki, aneksa, ef ǔmǔxxoval bəxt'əvəre, şot'aynak' ki, inebaksa!

Mat'fey 19:14

Ama İsusen pine: «Əyloğo bartanan Bez t'ǒğǒlq'at'un hari! Galmadanan kot'oğo! Şot'aynak' ki, göye padçağluğ ketərt'oğoye».

Mat'fey 24:46

K'oya qaybakat'an şot'o əşlin bel ak'at'an! Bəxt'əvəre metər nökər!

Mat'fey 25:34

T'e vədə Padçağen yön tərəf bakalt'oğo metər uk'ale: "Ekinan miya, ay Bez Bavan xeyir-bərəkət tadiyorox! Dünyə yaranmişaki ğinaxun və̌ynak' həzirbakit'ay q'ončux bakanan.

Mat'fey 3:2

Şot'in metəre nexey: «Toobabanan! Şot'aynak' ki, mone, göye padçağluğ ı̌šalayinşakene!»

Mat'fey 8:11

Běğanan, və̌x nexzu: q'erəz millətxoxun bakalorox, běğ c'eğala q'a běğ batk'ala tərəfəxun bakalt'oğoy gelo hari göye padçağluğa Avrahamaxun, İsaak'axun saal İak'ovaxun sa sulfin bel arśalt'un.

Mark 10:14

Mot'o ak'ala İsusen əcuğləyinşəki pine: «Bartanan əylux Bez t'ǒğǒl hareq'at'un! Şot'oğo galmadanan! Şot'aynak' ki, Buxačuğoy padçağluğ metərt'oğoye.

Luk'a 11:28

Ama İsusen pine: «Buxačuğoy əyitə ibaki şot'o əməlbaloroxe bəxt'əvər!»

Luk'a 18:14

İsə Zu və̌x nexzu: t'e farisey təə, naloggirbale Buxačuğoy piyes düzgün ak'eśi iz k'oya taśi. Şot'aynak' ki, için içu ala biq'alo oq'a bakale, içu oq'a biq'alo isə ala».

Luk'a 22:29

Bez Bavan Za padçağluğa tapşurbi k'inək', Zuval və̌xez padçağluğ tapşurbsa ki,

Luk'a 22:30

və̌nal Bez padçağluğast'a Bez sulfin bel arśi kəyi-ǔğə̌nan, hamal İsraili p'as's'e tayfina divanbseynak' taxt'urxo arśanan.

Luk'a 4:18

«Q'ončuğoy Uruf Bez loxole, Şot'aynak' ki, Şot'in Za c'ək'p'i Fağırxo Mǔq Xavara avabakest'eynak'e yaq'abe. Biq'eśit'oğo içoğoy çark'esuna, K'ač'it'oğo içoğoy pulmoğoy qayesuna, Çətinluğa bakalt'oğo içoğoy irəətluğa c'eysuna,

İoan 20:29

İsusen isə şot'o coğabe tadi: «Hun Za ank'i pin vě baki? Ak'inut' vě bakalorox isə he bəxt'əvərt'un!»

İak'ov 1:10

Varlu bakalt'u isə Buxačuğon şot'in içu oq'a biq'at'ane ěqevk'on, şot'o görə ki, şot'ost'a bakala var-dövlət c'ovaki tağala sa şeye, q'oruğa əfçibaki tağala sa vard k'inək'e.

İak'ov 1:12

Bəxt'əvəre çətinluğxo portp'i şot'oğoxun ç̌omas'i c'eğalorox, şot'o görə ki, Buxačuğon İçu çureğalt'oğo əyit tadi həmişəluğ yəşəyinşə pay k'inək' haq'alorox bakale şorox.

İak'ov 2:5

Ay bez əziz viçimux, isə ibakanan k'əz nex! Buxačuğon "Za çureğalorox bağale Bezi padçağluğa" uk'at'an me dünyəne bakalt'oğoy piyes kəsib ak'eğalt'oğone nexey, şot'o görə ki, Buxačuğo bač'an tarast'unast'ane şot'oğoy var-dövlət.