Mat'fey 3:2 - Udi

² Şot'in metəre nexey: «Toobabanan! Şot'aynak' ki, mone, göye padçağluğ ı̌šalayinşakene!»

Mat'fey 3:2 Iomraidhean Croise

Mat'fey 10:7

Ef tağala ganxo "göye padçağluğ ı̌šalayinşakene" pi car sakanan.

Mat'fey 11:20

Oşa İsusen İzi ən gele möcüzoox ak'est'i şəhərmoğo içoğoy nu toobabsuna görə töhmətbsane burqi:

Mat'fey 12:41

Ninevina bakalt'oğon Axırınci ğine me nəsili amdarxoxun sagala běyinbaki şot'oğoy taxsırkər baksuna ç̌oyel c'evk'alt'un. Axıri şot'oğon İonay karoozbi pit'oğoxun oşa toobabet'uniy, ama həysə ef t'ǒğǒl İonaxunal üst'ün Bakalone bu.

Mat'fey 13:11

İsusen şot'oğo coğabe tadi: «Şot'aynak' ki, göye padçağluği sirurxo avabaksun və̌x tadeśene, ama şot'oğo tene tadeśe.

Mat'fey 13:24

İsusen şot'oğoynak' sa məsələl exlətebi: «Göye padçağluğ iz q'oruğa şaat' śil śarpi sa amdarane oşq'ar.

Mat'fey 13:31

İsusen q'erəz sa məsələl şot'oğo exlətebi: «Göye padçağluğ sunt'in q'oruğa bit'i sa dənə p'ilp'iluni śil k'inək'e.

Mat'fey 13:33

İsusen şot'oğo q'erəz sa məsələl exlətebi: «Göye padçağluğ sa çuğoy ext'i xib put xarinen šarpi boq'oya gərbi ə̌yin k'inəke, dirist' t'e boq'oyane ayevk'on şot'in».

Mat'fey 13:47

Göye padçağluğ çəlibiq'alxon dənizə tor bosi cürbəcür çəli biq'sunane oşq'ar.

Mat'fey 13:52

İsusen şot'oğo pine: «Metərluğen, göye padçağluğa sa şagird bakala hər k'anun zombal iz girbit'oğo qaypi t'et'iin ham təzə, ham bisi şeymux c'evk'ala k'ojin q'ončuğone oşq'ar».

Mat'fey 18:23

Avan hetəre göye padçağluğ? İçu boşlu bakala nökərxoxun iz tənginə girbsun çureğala sa padçağ k'inək'e şo.

Mat'fey 20:1

Göye padçağluğ savaxt'an üşenen hayzeri əşp'al biq'seynak' c'eğala t'ulluği q'ončux k'inək'e.

Mat'fey 22:2

«Göye padçağluğ iz ğara lašk'oybala sa padçağ k'inək'e.

Mat'fey 23:13

Vay ef hala, ay k'anun zombalxo q'a fariseyxo, ay p'ə̌ç̌olorox! Və̌n göye padçağluğa bağala ç̌omonan amdarxoy ç̌oyel but'ksa. Nə və̌n tenan baysa, nə baysun çureğalt'oğo tenan bare.

Mat'fey 25:1

T'e vədə göye padçağluğ çirağxo ext'i bəye běš c'eğala vis' xuyər k'inək' bakale.

Mat'fey 25:14

Göye padçağluğ q'erəz ölköğo tarapsa tağala sa amdar k'inək' bakale. Me amdaren iz nökərxo k'alpi şot'oğo iz var-dövlətəne amanatbsa:

Mat'fey 4:17

T'e vədinəxun İsusen metər karoozbsane burqi: «Toobabanan! Şot'aynak' ki, mone, göye padçağluğ ı̌šalayinşakene».

Mat'fey 4:23

İsusen dirist' Galileyina tarapi t'iyanin sinagogxoy boş zomebsay, amdarxo göye padçağluği Mǔq Xavara karoozbsun şot'oğo cürbəcür azarxoxun q'a zəifluğaxune q'olaybsay.

Mat'fey 5:10

He bəxt'əvərt'un içoğoy düzgünluğa görə içoğoynak' sa ga nu bə̌ğə̌balorox! Şot'aynak' ki, göye padçağluğ şot'oğoye.

Mat'fey 5:3

«He bəxt'əvərt'un Buxačuğo eht'iyəc bakalorox! Şot'aynak' ki, göye padçağluğ metərt'oğoye.

Mat'fey 6:10

Vi padçağluğq'an hari. Göynul bakala k'inək' Oç̌alal Vi əyitq'an baki.

Mat'fey 6:33

Və̌n süft'ə Buxačuğoy padçağluğa q'a Şot'ay düzgünluğa qə̌věkinan, mandi hər şey isə və̌x avuzin tadeğale.

Mark 1:15

Şot'in nexey: «Vaxt' ene p'ap'ene, Buxačuğoy padçağluğ ı̌šabakene. Toobabanan, Mǔq Xavara věbakanan!»

Mark 1:4

Śameśi k'inək'əl, K'unuk'bal İoan meydane c'eri amdarxo içoğoy günaxxoy bağışlayinşakseynak' toobabsuna, mot'ay nišan k'inək'əl k'unuk'baksunane çöle karoozbsay.

Mark 6:12

Metərluğen, şagirdxo yaq'at'un baft'i. Şot'oğon karoozbi amdarxo toobabsunat'un k'aley,

Luk'a 1:16

Şot'in israilluğoy gelet'u Q'ončuğoç, içoğoy Buxačuğoç qaydale.

Luk'a 11:20

Ama əgər Zu murdar urufxo Buxačuğoy zorenez c'evk'sasa, mo şo upsune ki, Buxačuğoy padçağluğ ef aranene.

Luk'a 13:3

Təə! Ama Zu və̌x nexzu: əgər tooba nu baynan, və̌nal bito şot'oğollarik' əfçibakalnan.

Luk'a 13:5

Təə! Ama Zu və̌x nexzu: əgər tooba nu baynan, və̌nal bito şot'oğollarik' əfçibakalnan».

Luk'a 15:10

İsə avabakanan ki, Buxačuğoy angelxoval toobabi sa günaxkərə görə mǔqt'unbaksa».

Luk'a 15:7

İsə avabakanan ki, göynulal sa toobabi günaxkərə görə doxsan vuy toobina eht'iyəc nu bakala düzgün amdara görə mǔqbaksunaxun gele mǔqbakalt'un.

Luk'a 16:30

Dövlətlü amdaren isə nexe: "Təə, ay bez bava Avraham, şot'oğoy t'ǒğǒl p'urit'oğoxun soğo nu tağayin, toobabalo tet'un".

Luk'a 21:31

Haketərəl və̌n me şeymoğoy burqesuna ak'at'an avabakanan ki, Buxačuğoy padçağluğ ı̌šane.

Luk'a 24:47

Yerusalimaxun burqi bütüm millətxoynak' içoğoy günaxxo toobinen bağışlayinşak'sun Şot'ay s'iyen karooz bakalane.

Luk'a 6:20

İsusen isə İz şagirdxoy loxol běği pine: «He bəxt'əvərnan, ay kəsibxo! Şot'aynak' ki, Buxačuğoy padçağluğ efine.

Luk'a 9:2

Oşa şot'oğo Buxačuğoy padçağluği barada karoozbsa, azariğo q'olaybsane yaq'abi.

Ap'ost'olxo 11:18

P'yot'ren metər pit'uxun oşa şot'oğon əyit tet'un bə̌ğə̌bi ukala. Saycə Buxačuğo alxışp'i mot'o q'abulbsune mandi, şot'oğonal pit'un: «Mo şo upsune ki, q'erəz millətxoxun bakalt'oğonal toobabi İsusa q'abulbsunen həmişəluğ yəşəyinşə haq'est'un bakon».

Ap'ost'olxo 17:30

Şo t'e vaxt'ey, amdarxo düz yaq'en nuval tağayt'un, Buxačuğon mot'o nu aksunane laxsay. Ama həysə toobabi düz yaq'en taysunane əmirbsa Şot'in amdarxo bitova.

Ap'ost'olxo 2:38

P'yot'ren şot'oğo metəre coğab tadi: «Günax əşp'est'unaxun kulhaq'i düz yaq'en takinan! İsus Xrist'osi Çark'est'al baksuna q'abulbiyal xenen k'unuk'bakanan ki, efi günaxxo bağışlayinşakeq'an. T'e vədə Ǐvel Urufaxun və̌xal pay k'inək' tadeğale.

Ap'ost'olxo 20:21

Toobabi Buxačuğoy laxi yaq'en taysun, beşi Q'ončux bakala İsusa q'abulbsune bake bezi əyit. Mot'o karoozbi iudey bakalt'oğoval pez, nu bakalt'oğoval.

Ap'ost'olxo 26:20

Şot'o görəl süft'ə Damask'a, oşal Yerusalima q'a dirist' İudeyina tarapi amdarxoynak' karoozbsaz burqi zu, oşa taśi q'erəz millətxoxun bakalt'oğoynak'ez bezi ibakit'oğo car saki, şot'oğo toobabi Buxačuğoy laxi yaq'en taysunaz k'aley, mot'o saycə muzna bel təə, içoğoy biq'ala əşurxon ak'est'alat'uniy.

Ap'ost'olxo 3:19

İsə mone, toobabanan! Düz nu bakala yaq'axun c'eri Buxačuğoy laxi yaq'en takinan ki, Buxačuğonal efi günaxxo os'k'i taşereq'an.

Əbraniğo 6:1

Mot'o görəl, ekinan Xrist'osi yaq'en taysuni k'ə baksuna zombat'an me yaq'a təzə taysa burqalt'oğo zombala k'inək' ma zomben. Qaybaki belxun ma burqen: həmişəluğ yəşəyinşaxun ə̌xil sakes bakala günaxaxun yax ə̌xilbsuni barada, Buxačuğo vě baksuna hər şeyaxun üst'ün laxsuni,