Mat'fey 2:2 - Udi

² xavart'un haq'i: «İudeyxoy təzə nanaxun baki gələcəyin padçağ maya? Běğ c'eğala tərəf Şot'ay nanaxun baksuna avabakest'ala muč'uli c'eysuna ak'i Şot'o bul k'os'bsayan hare».

Mat'fey 2:2 Iomraidhean Croise

Ǐvel mə̌ğurxo 2:6

"Bez ı̌vel burux bakala Siona Zuz c'ək'p'i laxe Bez padçağa" uk'ale. Padçağ:

Ǐvel mə̌ğurxo 45:11

Padçaği əyiten taki, şone vi q'ončux! Barta vi gözəlluğa ak'i va samalal geleq'an çureśi.

Ams'i oç̌ala 24:17

Şot'o azaksa, ama ı̌ša tene! İz loxolez běğsa, ama hələ ə̌xile! Mone, muč'uli c'eğalt'ullarik' İak'ovi nəsiləxunal sa padçağe c'eysa, İsrailluğoy boşt'an zorba sa kule ěqesa! Moavluğoy bula č'ak'k'ale, Şet'luğoy mə̌yə duği śark'ale!

Mat'fey 2:3

Padçağ İroden mot'o ibakat'an içal, Yerusalima yəşəyinşaloroxal bito narahatt'unbaki.

Mat'fey 21:5

«Sioni xuyərə upanan ki, "Běğa, vi Padçağ vi tərəfe eysa, Şo İçu ala nu biq'alone, elemi loxole arśe, Q'oduği loxole arśi eysa Şo."»

Mat'fey 27:11

İsus Rimen təyinbi kalaluğbali běš çurpeney. Şot'in İsusaxun xavare haq'i: «İudeyluğoy padçağ hunnu?» İsusen coğabe tadi: «Hunen metər nex».

Luk'a 19:38

«Q'ončuğoy s'iyen eğala padçağa xeyir-bərəkətq'an baki! Göynul şip'luğ, ən alloyluğxo alxışq'an baki!»

Luk'a 2:11

Ğe Davidi şəhəre efi Çark'est'ale nanaxun baki. Mo Q'ončux Xrist'ose.

Luk'a 23:3

P'ilat'en Şot'oxun xavare haq'i: «Hun iudeyxoy padçağnu? İsusen coğab tadi şot'o pine: «Hunen metər nex».

Luk'a 23:38

Şot'ay best'a xaçe loxol "me amdar iudeyxoy padçağe" śame buy.

İoan 1:49

Nat'anailen Şot'o pine: «Ravvi, Buxačuğoy Ğar Hunnu, İsraili padçağ Hunnu!»

İoan 12:13

p'almin xode c'ik'urxo ext'i Şot'ay běše c'eri. Şot'oğon "Hosanna! Q'ončuğoy s'iyen eğalo he bəxt'əvəre! İsraili padçağeynak' xeyir-bərəkətq'an baki!" uk'a harayt'unney.

İoan 18:37

P'ilat'en Şot'o pine: «Ak'esa, hun padçağnu». İsusen coğabe tadi: «Vi pi k'inək'e, Zu Padçağzu. Zu serin barada şahidluğbseynak'ez nanaxun baki dünyəne hari. Serin tərəf bakala hər sunt'in Za ǔmǔxelaxsa».

İoan 19:19

P'ilat'en xaçe loxol İudeyxoy padçağ Nazaret'lu İsus śame duğest'i.

İoan 20:28

T'e vədə T'omasen pine: «Hun bezi Q'ončuxnu, bezi Buxačuxnu!»

İoan 5:23

bitot'in Bava hörmətbala k'inək' İz Ğaral hörmətq'anbi. İz Ğara hörmətnubalt'in Şot'o yaq'abi Baval hörməttenebsa.

İoan 9:38

Şot'inal "ay Q'ončux, vězu" pi İsusi běš past'eśi.

Əbraniğo 1:6

İzi süft'in Ğara dünyəne yaq'abat'an isə, Buxačuğon nexe: "Barta Buxačuğoy bütüm angelxon Şot'o bulq'at'un k'os'bi".