İoan 18:4 - Udi

⁴ İsusen İz bel eğala hər şeya avaney. Şo běš c'eri "şunan qə̌vesa?" pi şot'oğoxun xavare haq'i.

İoan 18:4 Iomraidhean Croise

Ǐvel mə̌ğurxo 27:3

Bez hərrəminə sa q'oşunenal biq'est'ayin, Zu tez q'ı̌bon, Zaxun davinal c'eğayin, Bez ganuxun tez galk'on.

Ǐvel mə̌ğurxo 3:6

Bez hərrəminə biq'est'i amdarxoy Geleluğaxun tez q'ı̌bsa.

Məsəloox 28:1

Şər amdara şəp'eğal nuval bakayin, t'inest'a, Düzgün amdar isə aslan k'inək' mərd çurene.

Mat'fey 16:21

Me exlətəxun oşa İsusen İzi bel k'ə eğaleysa, şot'oğo bitova İz şagirdxoynak' qay exlətebsay. İzi Yerusalima taysuna, t'iya ağsaq'q'alxoy, samci běyinšxoy q'a k'anun zombalxoy İçu zapest'ala əzyətə, şot'oğoy İçu bisuna yaq'absuna, İzi p'urit'ay xibimci ğine běyinbaksuna, mot'oğo bitova şot'oğo sat'urběš avabakesedi.

Mat'fey 26:2

«Avanan ki, p'ə̌ ğinaxun oşa C'ovaksuni axsibaye, Amdari Ğaral toydi xaçe loxol t'ə̌q't'est'alt'un».

Mat'fey 26:21

Šum ukala gala İsusen pine: «Və̌x düzinəz nex: və̌xun sunt'in Za toydale».

Mat'fey 26:31

T'e vədə İsusen İz şagirdxo pine: «Me üşe və̌n bitot'in zaxun ç̌o taradalnan, Ǐvel Śame boş śameśi k'inək': "Çobana duğoz, Sürünə bakala eğelxoval pərən-pərən bakale".

Luk'a 24:44

Oşa İsusen şot'oğo pine: «Və̌xun sagala bakat'an Bez pi əyitmoğoy məənə money: Moiseyi k'anunast'a, xavareçalxoy girkurxost'a q'a Ǐvel mə̌ğurxost'a Bez barada śameśiyorox bex p'ap'alane».

İoan 13:1

C'ovaksuni axsibay ı̌šalayinşebaksay. İsusen me dünyənexun cöybaki İz Bavay t'ǒğǒl qaybaksuni vaxt' hari p'ap'suna avaney. Şot'in me dünyəne İçu aid bakalt'oğo həmişə çureśene, axıra śirik'əl çureśi.

İoan 13:11

Şot'in İçu şiin toydalesa avaney, kot'o görəl "bütüm təmiz tenan" pine.

İoan 18:5

Şot'o coğabt'un tadi: «Nazaret'lu İsusa». İsusen şot'oğo "Zu Şozu" pine. Şot'o toydi İudal şot'oğoxun sagalaney.

İoan 18:7

Şot'in p'urum "şunan qə̌vesa?" pi şot'oğoxun xavare haq'i. Şot'oğonal "nazaret'lu İsusa" pit'un.

İoan 19:28

İsusen hər şeye tamam baksuna avaney. Şot'aynak'al Ǐvel Śam tam bex p'ap'eq'an pi "xenezaz baki!" pine.

İoan 6:64

Ama ef arane nu vě bakalxoval bune». (İsusen vě nu bakalxoy saal Şot'o xəyanətbala amdari şu baksuna süft'inəxun avaney.)

Ap'ost'olxo 2:28

Za yəşəyinş tadala yaq'en ak'est'i Hun, Va aksunen mǔqt'ale za. Vi t'ǒğǒl baksune zaynak' həmişəluğ bakala mǔqluğ".