İoan 1:3 - Udi

³ Hər şeya Şot'ine yaratmişi, yaranmişaki şeyurxoxun sal soğo Şosuz tene yaranmişaki.

İoan 1:3 Iomraidhean Croise

Burqesun 1:1

Burqesunast'a Buxačuğon süft'ə göyə q'a oç̌alane yaratmişi.

Burqesun 1:26

Oşa Buxačuğon pine: «Yallarik' saal yax oşq'ardala amdar yaratmişen. Barta şot'in dənizi boş bakala çəliğoy, göynul purk'ala q'uşurxoy, oç̌ali ç̌oyel tarak'ala q'a xoreğala bito heyvanxoy saal oç̌ali iziyal loxol kalaluğq'anbi».

Ǐvel mə̌ğurxo 102:25

Hələ burqesunast'a oç̌ali binorina laxiyonu Hun, Göyurxoval Vi kiyexun c'eri əşe.

Ǐvel mə̌ğurxo 33:6

Q'ončuğon İz sa əyiten göyurxone yaratmişi, İz sa əmiren muč'uliğone t'ak'p'i Şot'in.

Məsəloox 8:30

Zu İz t'ǒǒx memarzuy. Hər ği fərəxləyinşezbaksay, Şot'ay piin běš həmişə mǔqezbaksay.

İoan 1:10

Şo dünyəneney, dünyənə Şot'ine yaratmişi, ama dünyənen Şot'o tene çalxi.

İoan 1:2

Şo burqesunast'a Buxačuğoxun sagalaney.

Əbraniğo 11:3

Me věluğene yax q'amişakest'a ki, me dünyənə Buxačuğone yaratmişi, hetəre Şot'in İzi sa əyiten hik'k'alaxun beşi ak'ala hər şeya bi.

1 İoan 5:1

İsusi Xrist'os baksuna věbakalo Buxačuğoxune. Bava çureğalt'in Şot'oxun bakit'uval çuresa.