İak'ov 5:3 - Udi

³ efi girbi q'ızıl-gümüşenal ene pars biq'ene. Me dünyəni axıreynak' mal mandi sa vədinenan girbi və̌n t'e təngöğo! Şot'oğoy loxol bakala parsenal efi taxsırkər baksuna ak'est'ale divanbakala ğine, və̌x aruğo badi bok'osp'ale.

İak'ov 5:3 Iomraidhean Croise

Burqesun 31:48

Lavanen pine: «Barta me ǰěyurxo ğe vi q'a bezi arane ğaç̌eśi irəziluğa eyex bast'eynak'q'an baki». Şot'o görə t'e gane s'i hat'etərəl manedi - Galed.

Burqesun 31:52

beşi ğaç̌eśi irəziluğa eyex bast'eynak' laxeśi sa nišan k'inək'q'an baki. Eki həysə kot'oğoy běš suna əyit taden ki, nə zu va pisluğbseynak' me xərəyi q'a ǰěne t'e soğo tərəf tez c'ovakal, nəəl hun me soğo tərəf c'ovaki za pisluğ ten bal.

Burqesun 49:1

İak'oven ğarmoğo izi t'ǒğǒl eçest'i pine: «Ekinan çurpanan miya bezi hərrəmine, həysə exlətp'oz və̌ynak' efi bel k'ə eğalesa bitova.

Ap'ost'olxo 2:17

Axıri şot'in peney: "Běğanan Buxačuğon k'ə nex: Me dünyəni axıreynak' mal mandi sa vədine Bez Ǐvel Urufaxun tadeğale amdarxo bitova! Efi ğarmoğon q'a xuyərmoğonal gələcəye bakalt'oğo saturběš ak'i uk'alt'un, Efi cəyilxoy piyes ak'esunxo bakale, Q'ojoğoy nep'en ak'iyorox hari bex c'eğale!