İak'ov 5:13 - Udi

¹³ Ef boş t'arnu baft'iyo bunesa, barta t'e amdaren Buxačuğoq'an afırıpi xoyinšp'i, şunesa mǔqesa, barta Buxačuğo şükürbala mə̌ğurq'an mə̌ğpi.

İak'ov 5:13 Iomraidhean Croise

Ǐvel mə̌ğurxo 105:2

Mə̌ğpanan, mə̌ğen tərifləyinşanan Şot'o, Exlətp'anan bitot'aynak' Şot'ay biq'i nu ak'eśi əşurxoxun!

Ǐvel mə̌ğurxo 118:5

Q'ončuğoz k'alpi zu bez t'ar ğine, Şot'inal za inebaki, bez kiyexun biq'i irəətluğane c'evk'i.

Ǐvel mə̌ğurxo 18:6

T'arnu baft'i Q'ončuğoz k'alpi zu, Bezi Buxačuğoz xoyinšp'i, Şot'inal İz ı̌vel ganu inebaki za, Bez haray p'anep'i Şot'o.

Ǐvel mə̌ğurxo 50:15

"Vi t'ar ğine Za k'alpa, Zuval va çark'est'oz, Metər, Bez s'iya alabalo bakalnu hun."

Ǐvel mə̌ğurxo 91:15

İbakoz şot'o za k'alk'at'an, İz t'ar ğine kiyexun biq'oz şot'ay, Çark'est'i hörməti q'ončux booz!

Ǐvel mə̌ğurxo 95:2

Şot'ay bakala gala şükürbsun bağen, Tərifbala mə̌ğurq'an c'eri beşi ǰomoxun barta!

İona 2:2

«Bez t'ar ğine Q'ončuğoz k'alpi zu, Şot'inal za coğabe tadi. T'e dünyəni bayinq'luğaxunez haraypi, Hunal za inbaki.

İona 2:7

Bez elmux bez boşt'an c'eğat'an, Q'ončuğoz eyex badi zu, Bez afırıyal hari Va, Vi ǐvel xrama p'anep'i.

Mat'fey 26:30

Buxačuğo alxışp'ala mə̌ğur mə̌ğpit'uxun oşa şorox c'eri Zeytun buruğot'un taśi.

Luk'a 22:44

İsusen əzyət aksun samalal ük'en afırınney. Şot'ay ap' oq'a bitala p'iye k'at'punxo k'inək'ey.

Luk'a 23:42

Oşa İsusane pi: «Ay İsus, Vi padçağluğa padçağ k'inək' eğat'an za eyex bada!»

Əbraniğo 5:7

İsusen, İzi me dünyəne yəşəyinşala vədine, İçu bisunaxun çark'est'es bakala Buxačuğo ǒnepsun q'a şivanbsun afırınepi. Buxačuğonal Şot'o inebaki. Şot'o görə ki, İsusen İz çureğalt'oğoy təə, Buxačuğoy çureğalt'oğoy bex p'ap'seynak'e afırıney.

İak'ov 5:10

Bezi viçimux, çətinluğxo portpsuni k'ə baksuna aksun çurnansasa, Q'ončuğoy pit'oğo yax p'ap'esp'i xavareçalxo běğanan.