İak'ov 5:11 - Udi

¹¹ Axıral śirik' portp'i çətinluğaxun c'eğalt'uyan bəxt'əvər nex yan. İova běğanan, hər şeya portp'i, axırda Q'ončuğoy xeyir-bərəkətəne haq'i şot'in, şot'o görə ki, ük' bok'osp'al q'a xeyirxax bakalone Q'ončux.

İak'ov 5:11 Iomraidhean Croise

Ǐvel mə̌ğurxo 103:13

Bavan iz əyloğo çureğala k'inək'e çuresa Q'ončuğon İz yaq'en tağalt'oğo.

Ǐvel mə̌ğurxo 103:8

Ük' bok'osp'al, xeyirxax bakalone Q'ončux, Şo usum nu posk'al, İz ük' nu badalbakala çuresunen buy bakalone.

Ǐvel mə̌ğurxo 116:5

Goroxeğale Q'ončux, düzgüne, Ük' bok'al beş Buxačux.

Ǐvel mə̌ğurxo 119:132

Bez loxol běğa, za gorox eki, Axıri Va çureğalt'oğo gorox eğalonu Hun.

Ǐvel mə̌ğurxo 145:8

Ük' bok'al, xeyirxax bakalone Q'ončux, Şo usum nu posk'al, İz ük' nu badalbakala çuresunen buy bakalone.

Ǐvel mə̌ğurxo 37:37

Ük' təmizt'oğoy loxol běğa, Vi pul düzgün bakalt'ay loxolq'an baki, Şot'o görə ki, gələcəy serluğ çureğalt'oğoye.

Ǐvel mə̌ğurxo 51:1

Vi nu badalbakala çuresuna ak'est'i za bağışlayinşa, ay Buxačux! Vi ük' bok'ospsuna zaxun kammaba, bez günaxxo silba!

Ǐvel mə̌ğurxo 78:38

Ama Buxačuğon İzi ük'bok'al baksuna görə şot'oğo bağışlayinşebsay, Əfçitenepsay şot'oğo. Bask'esest'ay İzi hirsə gele vədə, Enefsay İçu İzi bəc'ük'eśi əcuğo şot'oğoy bel śipsaxun.

Ǐvel mə̌ğurxo 86:15

Ama Hun, ay Q'ončux, ük' bok'osp'al, şaat'luğ ak'est'ala Buxačuxnu, Hun gele səbirlu, çuresunen buy q'a İz tadi əyiti loxol çurk'ala Buxačuxnu.

Ǐvel mə̌ğurxo 86:5

Xeyirxax bakalonu Hun, ay Q'ončux, Bağışlayinşes bakalonu! Va qə̌věğalt'oğo Vi nu badalbakala çuresuna, Vast'a bol bakala t'e çuresuna ak'est'alonu Hun!

Ǐvel mə̌ğurxo 94:12

Bəxt'əvəre, ay Q'ončux, içu düz yaq'en taysuna Hun zombala amdar, Vi k'anunxo Hun içu ak'est'ala amdar!

C'eysun 34:6

Moiseyi běšt'an c'ovaki pine: «Q'ončux, Q'ončux, Zu ük' bok'osp'ala, şaat'luğ ak'est'ala Buxačuxzu. Zu səbürlu, İçust'a çuresun gele bakala saal Bez əyitə ğaç̌ Buxačuxzu.

İona 4:2

Afırıpi Q'ončuğo metəre pi: «Ay Q'ončux, zu hələ bez oç̌alin boş bakat'an me əşlin metər çark'suna avazuy! Şot'o görəz Tarşişa t'it'eri. Avazuy, Hun ük' bok'osp'al, gele səbürlu, çuresun gele bakala Buxačuxnu, bələ yaq'absunal Vi kul tene tağal!

Ams'i oç̌ala 14:18

"Q'ončux səbirlune, Q'ončux ük' bok'osp'ale! Şot'in taxsıra q'a günaxa bağışlayinşebsa, ama iz loxolxun tene c'ovaksa! Günaxa əşp'est'it'ay cazina izi əyloğoxun burqi nəvə nəticoğol śirik' zapesest'a".

Mat'fey 10:22

Efi Bezi şagirdxo baksuna görə bitot'in və̌x nifrətbalt'un. Ama axıral śirik' portp'alo çark'eğale.

Luk'a 1:50

Şot'ay yaq'en tağalt'oğoynak'al İz ük' bok'osbsun nəsiləxun-nəsiləne c'ovakon.

Luk'a 11:10

Şot'aynak' ki, hər çureğalt'in haq'ale, hər qə̌veğalt'in bə̌ğə̌bale, hər ç̌omo t'ap'k'alt'aynak'al ç̌omo qayeğale.

Luk'a 6:36

Ef Bava ük' bok'osp'al bakalt'ullarik', və̌nal ük' bok'osp'al bakanan.

Əbraniğo 10:39

Ama yan qoşbaki əfçibakalt'oğoxun təə, beşi věluğa axıral śirik' efi həmişəluğ yəşəyinş haq'aloroxyan.

Əbraniğo 3:14

Axıri yan Xrist'osi bakala hər şeyaxun şərik'yan! Düze, mo Şot'ay yaq'en taysa burqat'an beşi Xrist'osa bakala věluğ hetər bakenesa, hat'etərəl efayan bakale.

Əbraniğo 3:6

Xrist'os isə me k'ojin kalaluğ İz kiyel bakala ğar k'inək'e Bavay pit'oğo bex p'ap'espsa. Şot'ay k'ojal yanyan, əgər q'ı̌ye yaxun ə̌xil baksuna q'a Şot'o umud baksuna axıral śirik' ak'est'es bakayan.

İak'ov 1:12

Bəxt'əvəre çətinluğxo portp'i şot'oğoxun ç̌omas'i c'eğalorox, şot'o görə ki, Buxačuğon İçu çureğalt'oğo əyit tadi həmişəluğ yəşəyinşə pay k'inək' haq'alorox bakale şorox.

İak'ov 1:2

Bez viçimux, ef běš və̌x düz yaq'axun c'evk'es bakala hetər çətinluğ c'eğale c'ereq'an, şot'o kala sa mǔqluğen q'abulbanan.