İak'ov 4:8 - Udi

⁸ Buxačuğo ı̌ša bakanan, Şoval və̌xq'an ı̌ša baki. Günax əşp'est'unaxun kul haq'anan, ay günaxkərxo! Təmizbanan ef ük'ə, ay qı̌ ük'en věbakalxo!

İak'ov 4:8 Iomraidhean Croise

Burqesun 18:23

Avrahamenal Şot'o ı̌šalayinşaki pine: «İsə düzgünt'oğoval günaxkərxoxun sagala əfçibalnu?

Ǐvel mə̌ğurxo 119:113

Vi pit'oğo qı̌ ük'en əməlbalt'oğo nifrətezbsa zu, Vi k'anuna isə çurezsa.

Ǐvel mə̌ğurxo 145:18

Q'ončuğon İçu k'alpi xoyinšp'alt'oğo, İzi şot'oğo ibaksunaxun nu şupələyinşakalt'oğoy t'ǒğǒle bakon.

Ǐvel mə̌ğurxo 18:20

Bezi düzgün baksuna görəne köməybi za Şot'in, Bez kiin saycə təmiz əşur biq'suni əvəzəne tadi.

Ǐvel mə̌ğurxo 24:4

Mo iz əməlxo q'a ük' təmiz bakalo, Ams'i şeyurxo bul nu k'os'balo, Əfçidən nu elask'alone.

Ǐvel mə̌ğurxo 26:6

Zu bez taxsırsuz baksuna ak'est'oz, ay Q'ončux, Bez kula os'k'i Vaynak' q'urban eçala gane hərrəmine fırık'at'an

Ǐvel mə̌ğurxo 51:10

Ay Buxačux, za təmiz ük' tada, Za təzələyinşa, barta Vi yaq'en tağaz.

Ǐvel mə̌ğurxo 73:13

İsə t'etəre c'eysa ki, nə bezi düz yaq'en taysuni, Nəəl günaxaxun ə̌xil çurpi təmiz manst'uni məənə tene bu?

Ǐvel mə̌ğurxo 73:28

Zu isə Va ı̌šabaksunenez şaat'luğ bə̌ğə̌bsa, Vast'az umudi ganu aksa, ay bitot'uxun üst'ün bakala Q'ončux Buxačux! Vi biq'i əşurxo bez muzel eçeri car sakoz zu!

Mat'fey 12:33

Əgər ef xod şaat' bakayin, iz meyvəl şaat' bakale. Əgər xod pis bakayin, iz meyvəl pis bakale, şot'aynak' ki, xod iz eçala barene çalxesa.

Mat'fey 15:2

Şot'oğon xavart'un haq'i: «Vi şagirdxo het'u görə bavoğoxun mandi ədətxon tet'un taysa? Šum ukalt'uxun běš içoğoy kulmoğo os'k'i paktet'unbsa şot'oğon!»

Mat'fey 27:24

P'ilat'en iz kiyexun hik'k'al nu ayesuna, amdarxoy samalal gərgürbaksuna ak'at'an, xe ext'i bitot'ay piin běš iz kula os'k'i metəre pi: «Me amdari p'iya śipsun bez taxsır tene. Barta mo ef ozaneq'an mandi».

Ap'ost'olxo 15:9

Beşi bitot'ay loxol sa piine běğsa Şot'in, şot'o görə ki, İsusa Çark'est'al k'inək' q'abulbsune günaxxo os'k'i taşalo, iudey baki nu baksun təə!

Əbraniğo 10:22

Şot'o görəl, ekinan Şot'ay t'ǒğǒl təmiz, věluğen buy ük'en eğen. Şot'ay běš ç̌omə̌yin təə, ama pak bala xenen os'eśi, ı̌vel baki eğen.

Əbraniğo 7:19

Axıri t'e k'anunen hik'k'ala axıral śirik' tene bi, şot'ost'a p'urumal kamluğe buy. Həysə isə yast'a me k'anunen yax tadalt'uxun üst'ün sa şeyane umud bu, yax Buxačuğo ǐšabes bakala sa şeya.

İak'ov 1:8

İzi mani yaq'en taysuna q'ərar nu tadiyone şo, burqi əşlə bex nu p'ap'esp'alone.

İak'ov 3:17

Alaxun tadeğala müdrikluğ isə noxsansuz müdrikluğe. Şot'ay əş serluğ yaratmişbsun, amdarxoy ük'el basksun, yaq'ax taysun q'a t'iyə̌mint'aynak' ük' bok'ospsune bakon. Metər müdrikluğen şaat' əşure biq'est'on. Amdar c'ək'psuna q'a p'ə̌ç̌olaluğa iz biin nu haq'ala müdrikluğe mo.

1 İoan 3:3

Şot'o me cürə umud bakalt'in içu pak bine baksa, axıri Şoval pake.