İak'ov 3:6 - Udi

⁶ Hat'e çər k'inək'e amdari ǰomo bakala muz. Muzna bele gireśe düzgün nu bakala, beşi bədənə dirist' murdarlayinşes bakala k'ə bunesa bito. Şone cəhənnəməxun arux haq'i beş yəşəyinşal dirist' bok'osp'i śipes bakalo.

İak'ov 3:6 Iomraidhean Croise

Ǐvel mə̌ğurxo 140:3

Dizik'en duğala k'inək'e duğsa şot'oğoy ǰomoxun c'eğala hər əyiten, Gürzin zəhəre bu şot'oğoy muzna bel.

Ǐvel mə̌ğurxo 64:3

İçoğoy ǰomoxun c'eğalt'oğon ğayin me k'inək'e bost'a, İçoğoy hər əyit hari ox k'inək'e t'ə̌q'esa amdara!

Məsəloox 15:1

Cügü coğaben hirsə bask'esedon, Sərt əyiten isə əcuğane bəc'ük'ton.

Məsəloox 16:27

Yaramazen amdarxoynak' kure kaše, İz əyitmoğonal arux k'inək' bok'osp'i-śinne.

Məsəloox 6:19

İz əfçinen nəfəs haq'ala əfçi şahidaxun, Saal viçimoğoy arane dava sakala amdaraxun.

Məsəloox 7:5

Şot'oğon va tarak'ala çuğoxun, Muč'a muzin bakala q'ert'ay çuğoxune q'orişon.

Ams'i oç̌ala 25:2

Me çupuxxon içoğoy buxačuxxoynak' šameğala q'urbani q'onaxluğxo işq'arxo k'alt'unney, israilluğonal taśi t'e q'urbani yeq'axun kəyi şot'oğoy buxačuxxo bult'un k'os'bsay.

Ams'i oç̌ala 31:16

Korox teney ki, Bileami əyiten beşi işq'arxo Q'ončuğoxun ə̌xilbi P'eora bakala binik'-buxačuğo bul k'os'best'alo? Kot'oğo görəne azuk'al k'as'eśi!

Mat'fey 12:24

Fariseyxon mot'o ibaki pit'un: «Murdar urufxoy kalo bakala Baal-Zevulene köməybsa me amdara, tene murdar urufxo c'evk'es tene bakoy kot'in».

Mat'fey 5:22

Zu isə və̌x nexzu ki, iz viçey loxol lap hat'etər əcuğon biq'alt'inal divanbakat'an mot'ay cazina zap'k'ale. İz viçə "axmağ" uk'alt'in Kala Şurin běš coğab tadale, iz viçə "haq'ılsuz" uk'alo isə, cəhənnəmi aruğo bok'ale.

Mark 7:15

J̌omo tağala sal sa şeyen amdara murdar tene bon, ama amdara murdar balo ǰomoxun c'eğaloroxe».

Luk'a 16:24

Şot'in ost'aar nexe: "Ay bez bava Avraham, za gorox eki! Lazara yaq'aba, iz k'əşin bula xena badi bez muza şəyinbeq'an, me aruğoy boş koruğez aksa".

Ap'ost'olxo 20:30

T'etər bakale ki, ef boşt'an bakalt'oğonal serina k'ori ak'est'i, hələ sa mandit'oğoval iz bač'anexun zapsun çureğale.

Ap'ost'olxo 5:3

P'yot'ren isə qaybaki metəre pi: «Ananiya, ko Şeytanen hetəre vi haq'ıla başq'i ki, hun Ǐvel Urufa əfçiduği oç̌alaxun ext'i təngin sa paya vaynak'en efi?

Ap'ost'olxo 6:13

əfçi şahidxoval et'unçeri t'iya. Şot'oğon pit'un: «Me amdaren dim beş ǐvel xrame q'a k'anunxoy pisane əyite.

İak'ov 2:7

Şorox tene ki, İzi t'e bitot'uxun üst'ün s'i efi loxol bakala Xrist'osa bı̌hi tağala əyitmux uk'alo?

İak'ov 3:7

T'etər sa tarak'ala nəəl xoreğala heyvan, purk'ala q'uş nəəl xene oq'a bakala çəli tene bu ki, insanen nu biq'i bakane nəəl biq'es nu bakane!

3 İoan 1:10

Kiya hevaxt' eğayiz şot'ay biq'ala əşurxoy barada exlətp'oz: hetəre beşi barada əfçi əyitmux yəymişi amdarxo yaxun irapst'a. İzi yax nu q'abulbsun t'ǒǒx, hələ sa q'abulbalt'oğoval bartenne, amdarxo cəmiyətəxun şəp'esunene q'ı̌dest'a.