İak'ov 3:13 - Udi

¹³ Şuva ef boş t'e içu müdrik, ə̌xilak'al hesabbalo? Barta mot'o izi hetər yəşəyinşbsunenq'an ak'est'i. Barta izi müdrik baksuna izi bit'oğo ç̌oyel nu duğsunenq'an ak'est'i.

İak'ov 3:13 Iomraidhean Croise

Ǐvel mə̌ğurxo 107:43

Barta müdrik bakalt'ay pulmux qayq'an baki, Barta Q'ončuğoy nu badalbakala çuresuni bes bakalt'oğo ak'eq'an!

Ǐvel mə̌ğurxo 122:8

Bez ailinə, bez ı̌šat'oğo görə "Vaynak' xeyirq'an baki" nexzu.

Ǐvel mə̌ğurxo 149:4

İz azuk'a çureğalone Q'ončux, İzi əyitə běğalt'oğo düşməni kiyelxun çark'est'i ěqevk'alone.

Ǐvel mə̌ğurxo 25:9

İzi əyitəxun nu c'eğalt'oğo yaq' ak'est'alo, Şot'oğo İz laxi yaq'en taysuni k'ə baksuna zombalone Şo.

Ǐvel mə̌ğurxo 45:4

Vi ěken taśi davoğo taşa, barta vi kala s'i t'ap'eśeq'an! Fağırxoy tərəf baki düzgünluği q'a düzgün divanbsuni k'ə baksuna ak'est'a, Şot'o görə ki, Vi kiyexun nu ayeğala əş tene bu!

Ams'i oç̌ala 12:3

Moiseyen isə me dünyəne şuk'k'ali loxol alaxun oq'a běteneğoy.

Mat'fey 11:29

Bezi tadi buyruğxo ef loxol yük bi taradanan, Zaxun zombakanan. Şot'aynak' ki, Bezi cügü hamal ük' nəzik' baksuna görə efiyal elmux irəətluğane c'eğon.

Mat'fey 21:5

«Sioni xuyərə upanan ki, "Běğa, vi Padçağ vi tərəfe eysa, Şo İçu ala nu biq'alone, elemi loxole arśe, Q'oduği loxole arśi eysa Şo."»

Mat'fey 5:5

He bəxt'əvərt'un portbalorox! Şot'aynak' ki, şot'oğo mandale me dünyə.

Mat'fey 7:24

Metərluğen, Bezi me əyitmoğo ibaki, şot'oğo bex p'ap'esp'ala amdar, haq'ullu baki iz k'oja ǰěne loxol biq'ala amdar k'inək'e.

Əbraniğo 13:5

Təngin qoşt'an ma t'it'anan, efi bakalt'uxun irəzi bakanan, Buxačuğoy pit'u ef eyexun ma c'evk'anan: "Va sal sa vədine tək bartezk'on, Va barti tatezğon".

İak'ov 1:21

Şot'o görəl, pisluğa q'a posp'i və̌x murdarlayinşes bakala əcuğo t'ǒǒxbanan, bartanan və̌x çark'est'es bakala Əyiten ef boş tum sakesq'an baki. Mot'o mǔqluğen q'abulbanan!

İak'ov 2:18

Banekon şinesa metərəl uk'ane: "Hun vi věluğa əyitenen ak'est'a, zu isə bezi biq'ala əşurxon". İsə eki hun vi věluğa hik'k'al binut, zu isə bezi věluğa biq'ala əşurxon ak'est'az.

İak'ov 3:1

Bez viçimux, Buxačuğoy laxi yaq'en taysuna zombala məəlim baksuna geleyal çurmayekinan. Divanbakala ğine ən gele şot'oğoy biq'i əşurxo běğeğale.

İak'ov 3:17

Alaxun tadeğala müdrikluğ isə noxsansuz müdrikluğe. Şot'ay əş serluğ yaratmişbsun, amdarxoy ük'el basksun, yaq'ax taysun q'a t'iyə̌mint'aynak' ük' bok'ospsune bakon. Metər müdrikluğen şaat' əşure biq'est'on. Amdar c'ək'psuna q'a p'ə̌ç̌olaluğa iz biin nu haq'ala müdrikluğe mo.