İak'ov 2:6 - Udi

⁶ Ama həysə bezi pi hərəkəten və̌n kəsibə hik'k'al binan baksa. P'oy hame varluyox tene ki, və̌x divanbest'i sa məhkəminəxun t'iyə̌mi məhkəminə xork'alo?

İak'ov 2:6 Iomraidhean Croise

Ǐvel mə̌ğurxo 10:10

Axıri zəyift'ay zor aytenesa, Pist'ay turin oq'a ç̌axç̌uxeśi tanesa!

Ǐvel mə̌ğurxo 10:14

Ama Hun me zülümə q'a əzyətə anksa, Şuk'k'al Vi kiyexun tene çark'al. Fağırxoy umudi ganu Hun! Yetimxoy kiyexun biq'alonu Hun!

Ǐvel mə̌ğurxo 10:2

Mone, pis amdar şuk'k'alaxun zaptenesa, Fağıra pul tadi işiğ tene tast'a. Barta iz laxi təloğo içq'an baft'i!

Ǐvel mə̌ğurxo 10:8

Ayizmoğo, q'alasuz məəlnoğo tələne laxsa, Taxsırsuzt'u busmişi Şot'o c'əp'k'in gala besebsa.

Ǐvel mə̌ğurxo 12:5

«Fağırxoy zülüməz ak'i, Kəsibxoyal şivanaz ibaki; İsə şot'oğo köməyboz, içoğoy haraya p'ap'oz» nexe Q'ončuğon.

Ǐvel mə̌ğurxo 14:6

Şot'oğon fağırxoy niyətət'un içoğoy boş efi, Ama Q'ončuxe t'e fağırxoy bač'ane çurpiyo!

Məsəloox 14:31

Kəsibə zülüm tadalt'in Buxačuğo tene çalxon, Kəsibə kul biq'alt'in isə şot'o Yaratmişalt'u hörmətebon.

Məsəloox 17:5

Kəsibə masq'arabalt'in şot'o Yarat'mişalt'une t'ǒǒxbon, Q'ert'ay dərdə mǔq bakalo cazasuz tene mandon.

Məsəloox 18:23

Kəsiben xoyinšene əyitk'on, Varlunen isə sərt coğabe tadon.

Məsəloox 22:16

Varlu bakseynak' kəsibə zülüm baloval, Varlu amdara pay tadaloval - Morox p'ǒğə̌l eht'iyəcəne baft'on.

Məsəloox 22:7

Varlu amdar kəsibi ağane bakon, Borclu amdaral içu borc tadali k'ule bakon.

İoan 8:49

İsusen coğabe tadi: «Zast'a murdar uruf tene bu, Zu Bezi Bavaz hörmətbsa, və̌n isə Za hörmətəxun sananksa.

Ap'ost'olxo 13:50

Ama İsusi Çark'est'al baksuna nu q'abulbi iudeyxon s'ila ailoğoxun bakala Moiseyi laxi k'anunxon tağala çupuxxo q'a şəhəre bakala q'erəz hörmətlu amdarxoval galdi P'avela q'a Barnaba t'et'iin şəp'eśest'undi.

Ap'ost'olxo 17:6

Ama k'oya baśi běğat'an ki, şorox butene, Yasona içu q'a q'erəz sa hema viçat'un biq'i şəhəri kalat'oğoy běš eçeri. Eçeriyal burt'unqi metər pi haraypsa: «Dünyənə suna badiyorox hari beşi şəhəreyal c'eret'un!

Ap'ost'olxo 18:12

Ama Axaya bölgin kalo hari Gallion bakit'uxun oşa, İsusa nu q'abulbi iudeyxon əyitə sabi P'avela biq'i divanbakala galat'un eçeri.

Ap'ost'olxo 8:3

Şauli əş isə İsusa Çark'est'al k'inək' q'abulbit'oğoy bač'anexun bafst'uney. Çuux-işq'ar tene běğsay, taśi şot'oğo içoğoy k'ojin boşt'an biq'i eçeri türminəne bast'ay.

İak'ov 2:3

T'e vədə şaat' lapit'ay loxol běği "eki, c'ovaka best'a arśa" pi, kəsibə isə "çurpa kiya, ga bakayin bez turmoğost'a arenśon" ukalnansa,

İak'ov 5:4

Ef oç̌alxo exp'alxoy tənginənan bot'i və̌n, muz qaypi şikəətt'unbsa t'e təngöğon, taśi p'anep'i Göye Q'oşuni Q'ončuğoy ǔmǒğo t'e exp'alxoy şivan.

İak'ov 5:6

Ef běš aciz bakala taxsırsuz amdarxonan taxsırkər c'evk'i besp'est'i və̌n.