İak'ov 2:4 - Udi

⁴ ene düzgünluğaxun ə̌xil bakala t'e divanbalxoxun efi k'ə fərge baki? Metər bi və̌ynak' viçi bakalt'oğo c'ək'p'inan baksa və̌n!

İak'ov 2:4 Iomraidhean Croise

Ǐvel mə̌ğurxo 109:31

Fağıri bač'ane çurk'alone Şo, Şot'o şər bosalt'ay ç̌oyel çurpsunaxun çark'est'alone!

Ǐvel mə̌ğurxo 58:1

Ay kalaluğbalxo, efi c'evk'ala q'ərarxo düzgüne ki? Bitot'ay loxol sa piin běğinan divanbsa ki və̌n?

Ǐvel mə̌ğurxo 82:2

«Hələ heq'ədər çurk'alnan düzgün nu bakalt'ay tərəf və̌n? Divanbat'an bitot'ay loxol sa piin nu běği Haq'suzt'u təmizə c'evksunaxun hevaxt' kul haq'alnan?

Luk'a 18:6

Oşa Q'ončuğon pine: «İnanbaksa me haq'suz bakala divanbalen k'ə nex?

İoan 7:24

Piin ak'alt'u ma divanbanan, düz divanbanan».

İak'ov 3:17

Alaxun tadeğala müdrikluğ isə noxsansuz müdrikluğe. Şot'ay əş serluğ yaratmişbsun, amdarxoy ük'el basksun, yaq'ax taysun q'a t'iyə̌mint'aynak' ük' bok'ospsune bakon. Metər müdrikluğen şaat' əşure biq'est'on. Amdar c'ək'psuna q'a p'ə̌ç̌olaluğa iz biin nu haq'ala müdrikluğe mo.

İak'ov 4:11

Ay bezi viçimux, sunay pisa ma əyitp'anan! İz ı̌šat'ay pisa əyitp'i q'inəyinşalt'in Buxačuğoy laxi k'anuna hik'k'albsunen t'e k'anunane pisləyinşi baksa. K'anuna pisləyinşi şot'ost'a noxsan qə̌vesun isə şo upsune ki, hun k'anuna əməlbalo təə, t'e k'anuna divanbalonu.