İak'ov 1:9 - Udi

⁹ Ay viçimux, barta ef boş bakala kəsibeynak' izi bitot'uxun oq'a baksun içeynak' sa var-dövlətq'an baki, şot'aynak' ki, şo Buxačuğoy piyes bitot'uxun üst'üne.

İak'ov 1:9 Iomraidhean Croise

Ǐvel mə̌ğurxo 62:9

İnsan hik'k'al tene, Əfçi əyite şot'o umudbaksun! Tərəzik'ə laxi ayzap'k'ala hik'k'al butene şot'ost'a, C'ovaki tağala sa muşaxun avuzin tene şo.

Məsəloox 17:5

Kəsibə masq'arabalt'in şot'o Yarat'mişalt'une t'ǒǒxbon, Q'ert'ay dərdə mǔq bakalo cazasuz tene mandon.

Məsəloox 19:1

Kəsib, ama iz ük' təmiz amdar, Əfçi əyitk'ala q'ammazaxun şaat'e.

Luk'a 1:52

Kalaluğbalxo taxt'axune śivk'i, Goroxt'oğo isə alanebi.

Luk'a 10:20

Ama urufxoy və̌x tabi baksuna təə, ef s'iyurxoy göynul śamesuna mǔq bakanan».

Luk'a 14:11

Şot'aynak' ki, içu ala biq'alo oq'a, içu oq'a biq'alo isə ala bakale».

Luk'a 9:48

Oşa şot'oğo pine: «Şin Bez s'iyen me əylə q'abulbayin, Zane q'abulbi baksa, Za q'abulbalt'in isə Za Yaq'abit'une q'abulbi baksa. Şot'aynak' ki, ef arane bitot'uxun mis'ik' bakalo ən kalone».