İak'ov 1:15 - Udi

¹⁵ Me tamaxen amdari boş tum sakat'an günaxe əmələ eysa. Əmələ hari günaxi eçala baral bisune baksa.

İak'ov 1:15 Iomraidhean Croise

Burqesun 2:17

saycə şaat'a q'a pisa avabakest'ala xodin meyvinəxun başq'a. T'e xodin meyvinəxun çuki uksunen bisun eçale».

Burqesun 3:6

Çuğon běneği ki, xodin meyvoox şaat' ukalane, içoğoy loxol běğat'anal amdari ük'e taysa, hələ sa amdara gele q'amişakalal bes baneksa. Metər fikirbiyal, t'e xodin meyvoğoxun soğo çuki kəye, oşa iz işq'aral soğo tanedi, şot'inal kəye.

Ǐvel mə̌ğurxo 7:14

Əfçinen iz boş tum sakalo Pisluğa iz boş əyel taradala k'inək' taradalone. Şot'ay me dünyəne eçaloval serinaxun ə̌xil sa şeye bakon.

Ǐvel mə̌ğurxo 9:17

Pist'oğoy ga oç̌alin oq'ane, Q'ončuğo nu çalxala bito azuk'xoy axır bisune.

Məsəloox 11:19

Düzgünluğa biq'alt'in yəşəyinşe q'azayinşon, Şərə biq'alt'in isə bisun.

Mat'fey 26:14

Hame vədine, p'as's'e şagirdaxun soğo bakala İuda İsk'ariot' samci běyinšxoy t'ǒğǒl taśi pine:

Mat'fey 5:28

Zu isə və̌x nexzu ki, çuğoy loxol lap hat'etər q'erəz piin běğsun içal ük'e boş əxlagsuzluğbsun upsune.

İak'ov 1:14

Amdara günaxi běš aciz efi sinəyinşalo izi tamaxxone. Günax bakala şeymoğo tamaxp'i çuresunene amdara düz nu bakala yaq'a zapi günax best'on.

İak'ov 1:18

Axıri Şot'in İçine me nu badalbakala, yəşəyinş tades bakala, əyitə beş boş tum sakest'i. Bar eçeriyal nübəryan baki yan Şot'aynak' İzi yarat'mişit'oğoy boş.