İak'ov 1:12 - Udi

¹² Bəxt'əvəre çətinluğxo portp'i şot'oğoxun ç̌omas'i c'eğalorox, şot'o görə ki, Buxačuğon İçu çureğalt'oğo əyit tadi həmişəluğ yəşəyinşə pay k'inək' haq'alorox bakale şorox.

İak'ov 1:12 Iomraidhean Croise

Burqesun 22:1

Sa heq'ədər vədə hari c'ovakit'uxun oşa Buxačuğon Avrahama sinəyinşi şot'ay İzi əyitəxun c'eri-nu c'eysuna yoxlayinşbsune çureśi. Buxačuğon Avrahama k'alpi pine: «Ay Avraham!» Avrahamenal qaybaki "izbaksa!" pine.

Ǐvel mə̌ğurxo 11:5

Düzgünt'ay ük'exun c'ovakalt'oğone běğsa Q'ončuğon, Pisluğ q'a zülüm balt'u isə Şot'in nifrətəxun başq'a hik'k'al tene hisbon.

Ǐvel mə̌ğurxo 119:67

Vi laxi yaq'axun c'erezuy zu, Ama Hun ak'esendi mot'ay cazin k'ə baksuna, İsə mone, əməlezbsa Vi əyitə zu.

Ǐvel mə̌ğurxo 119:71

Şaat'e ki, za Vi cazin k'ə baksuna ak'esendi, Vi laxi q'aydoğon taysunaz zombaki zu.

Ǐvel mə̌ğurxo 119:75

Ay Q'ončux, avazu ki, düzgün q'ərarxone Vi q'ərarxo, Za cazina hat'etər gala ten zapest'e Hun.

Ǐvel mə̌ğurxo 5:11

Va bač'an taradalorox isə barta mǔqbakeq'at'un, Vi içoğoynak' bač'an baksuna görə barta içoğoy ük' mǔqluğen buybakeq'an! Va çureğalt'oğoy ç̌oyan axšumst'a Hun!

Ǐvel mə̌ğurxo 94:12

Bəxt'əvəre, ay Q'ončux, içu düz yaq'en taysuna Hun zombala amdar, Vi k'anunxo Hun içu ak'est'ala amdar!

C'eysun 20:6

Za çureśi Bezi əmirxo əməlbalt'oğo isə içoğoxun oşa hələ hazar nəsilxoval Bezi nu badalbakala çuresunaz ak'est'on!

Məsəloox 17:3

Q'ızıl-gümüşi təmizluğ gam buxarin boşe ç̌oyel c'eğon, Ük'e boş bakalt'u isə Q'ončuğone yoxlayinşon.

Mat'fey 10:22

Efi Bezi şagirdxo baksuna görə bitot'in və̌x nifrətbalt'un. Ama axıral śirik' portp'alo çark'eğale.

Mat'fey 25:34

T'e vədə Padçağen yön tərəf bakalt'oğo metər uk'ale: "Ekinan miya, ay Bez Bavan xeyir-bərəkət tadiyorox! Dünyə yaranmişaki ğinaxun və̌ynak' həzirbakit'ay q'ončux bakanan.

Luk'a 6:22

Amdari Ğara görə amdarxon və̌x nifrətbat'an, və̌x içoğoy aranexun şəp'eśi təhk'irbat'an, ef s'iya biyaburbat'an, he bəxt'əvərnan!

Əbraniğo 10:32

İsusi yaq'en təzə taysa burqat'an, t'e ğimxo efi zapi koruğxo, t'e koruğxon və̌x nu qoşbes baksuna eyex badanan.

Əbraniğo 11:17

Me věluğene Avrahama Buxačuğon içu yoxlayinşat'an izi ğar İsaak'a q'urban eçest'i. Şot'o əyite tadeśey, ama şot'in izi tək sa ğara q'urban tast'unaxun qoş tene baki.

Əbraniğo 12:5

Buxačuğon və̌x bavan iz ğara uk'ala k'inək' pi əyitmoğo ef eyex badanan: "Bez ğar, Buxačuğon va çətinluğxoxun c'ovakest'at'an, mot'o şaat' tərəfəxun běğa, Va me yaq'en zombat'anal urufaxun ma bita!

Əbraniğo 6:15

Avrahamenal səbirlu baki yaq'e běği, içu əyit tadeśit'uval haneq'i.

İak'ov 2:5

Ay bez əziz viçimux, isə ibakanan k'əz nex! Buxačuğon "Za çureğalorox bağale Bezi padçağluğa" uk'at'an me dünyəne bakalt'oğoy piyes kəsib ak'eğalt'oğone nexey, şot'o görə ki, Buxačuğo bač'an tarast'unast'ane şot'oğoy var-dövlət.

İak'ov 5:11

Axıral śirik' portp'i çətinluğaxun c'eğalt'uyan bəxt'əvər nex yan. İova běğanan, hər şeya portp'i, axırda Q'ončuğoy xeyir-bərəkətəne haq'i şot'in, şot'o görə ki, ük' bok'osp'al q'a xeyirxax bakalone Q'ončux.

1 İoan 4:19

Buxačuğon yax İz çuresunane ak'est'i, isə yanal çuresuni k'ə baksuna q'amişaki şot'o ak'est'esyan baksa.