İak'ov 1:10 - Udi

¹⁰ Varlu bakalt'u isə Buxačuğon şot'in içu oq'a biq'at'ane ěqevk'on, şot'o görə ki, şot'ost'a bakala var-dövlət c'ovaki tağala sa şeye, q'oruğa əfçibaki tağala sa vard k'inək'e.

İak'ov 1:10 Iomraidhean Croise

Ǐvel mə̌ğurxo 102:11

Běğ batksunen c'ovaki tağala sa xoji k'inək'e taysa bez ğimxo, Q'arizbaksa zu o q'aribakala k'inək'.

Ǐvel mə̌ğurxo 103:15

İnsani ömüren heq'ədəre zap'e ki güvə? Sa göyün oye ömürəxun avuzin tene şo, Q'oruğa bakala varde ömüren s'is'ik' qayk'amin zap'k'ala k'inək':

Ǐvel mə̌ğurxo 37:2

Şot'aynak' ki, şorox usumluğen o k'inək' q'aribakalt'un, Göyün bitk'i k'inək' nešum bakalt'un.

Ǐvel mə̌ğurxo 39:6

Tarak'ala xoji k'inək'e insan, q'erəz hik'k'al, Ams'i galane çabalayinşbsa, İz girbi var-dövlət şu mandale, şot'oval avabakala şey tene sal.

Mat'fey 5:3

«He bəxt'əvərt'un Buxačuğo eht'iyəc bakalorox! Şot'aynak' ki, göye padçağluğ metərt'oğoye.

Mat'fey 6:30

Ay věluğ mal bakalxo, ğe baki, əyc'ə aruğo boseğala çölin oya Buxačuğon metər lapesest'asa, və̌x tene lapest'on ki?

İak'ov 4:14

Və̌n sal avatenan ef bel əyc'ə k'ə eğale! Yəşəyinş hik'ə ki? C'ovaki tağala sa küün k'inək'nan - ğe bunan, əyc'ə təə!

1 İoan 2:17

Me dünyənə saal dünyəne q'iymətlü hesabbakala şeyurxo çuresun c'ovaki-tanesa, ama Buxačuğoy çureğalt'u əməlbalo həmişəluğe manst'a.