C'eysun 7:10 - Udi

¹⁰ Metərluğen, Moisey q'a Aaron faraoni t'ǒğǒl hari Q'ončuğon hetər əmirbeneysa, t'etərəl bit'un. Aaronen iz çombağa faraoni saal şot'ay sarayi amdarxoy běš oq'ane bosi, çombağal dizik'əne fırıpi.

C'eysun 7:10 Iomraidhean Croise

Ǐvel mə̌ğurxo 135:9

Nu ak'eśi, beyne nu p'aq'ala əşure biq'i Şot'in vi oç̌ala, ay Misir, Faraonen q'a izi sarayi amdarxont'un mot'oğo içoğoy loxol hisp'i.

C'eysun 12:28

İsrailluğon Q'ončuğoy Moiseya q'a Aarona tadi bütüm əmirxo bit'un.

C'eysun 4:3

Q'ončuğon pine: «Şot'o oq'a bosa». Moiseyen şot'o bonesi, çombağ dizik'əne fırıpi. Moisey qoş-qoşe baki.

C'eysun 7:15

Əyc'ə savaxt'an faraon oqe tərəf tağat'an iz běš c'eki. Dizik'ə fırık'ala çombağal vi kiyel ext'i, şot'o Nil oqe börine yaq'běğa.

C'eysun 7:20

Moisey q'a Aaronen Q'ončuğon içoğo hetər əmirbeneysa, hat'etərəl bit'un. Aaronen çombağa faraoni q'a şot'ay sarayi amdarxoy piin běš alabi Nil oqe xena duneği. Oqe xeyal bito p'iyane tarapi.

C'eysun 7:6

Q'ončuğon Moiseya q'a Aarona hetər əmirebisa, şot'oğon t'etərəl bit'un.

C'eysun 7:9

«Faraonen və̌x "za vědest'eynak' sa möcüzə ak'est'anan" uk'at'an, hun, Moiseyen Aarona upa: "Vi çombağa ext'i faraoni běš oq'a bosa ki, dizik'əq'an fırıpi"».

Mark 16:18

dizik'xo içoğoy kiin biq'i besp'ala zəhərəl ǔğə̌yt'un, şot'oğo təsir tene bal. Şot'oğon içoğoy kulmoğo azariğoy loxol laxalt'un, şoroxal q'olaybakalt'un».

Luk'a 10:19

Mone, Zu və̌x dizik'xo q'a sk'arp'ionxo, düşməni k'ə zor bunesa və̌n zərəl zapinut' turin oq'a laxi ç̌axç̌uxpsuna ext'iyərez tadi.