C'eysun 6:3 - Udi

³ Zu Avrahama, İsaak'a saal İak'ova Bitova Bacarbala Buxačux k'inək'ez ak'eśi, ama Həmişə Bakalo s'iyen Za şot'oğo tez çalxest'ey.

C'eysun 6:3 Iomraidhean Croise

Burqesun 13:18

Memiinal c'erit'uxun oşa Avram Xevronaçe taśi, taşeriyal izi çadırxo Mamreni mə̌xluğ uk'ala ganu ı̌ša laxi çurepi. Şot'in miya Q'ončuğoynak' q'urban eçala gaal düzebi.

Burqesun 17:1

Avrami doxsan vuy yəş bakat'an Q'ončuğon şot'o ak'eśi pine: «Bitova Başarbala Buxačux Zuzu! Bez laxi yaq'en taki, günaxal va ı̌ša bist'a ma barta.

Burqesun 22:14

Avrahamen t'e gane s'iya Yahve-İrene laxi, şot'o görə həysəəl k'ənesa bakat'an next'un "Q'ončuğon İçin İz buruğoxun p'ap'esp'ale".

Burqesun 28:3

Barta Bitova Başarbala Buxačuğon va xeyir-bərəkətq'an tadi, barta vaxun bakala əyloğoy saya t'eq'ədərq'an bi ki, vaxun azuk'xoq'an törəyinşaki.

Burqesun 35:11

Buxačuğon İak'ova me əyitmoğoval pine: «Bitova Başarbala Buxačuxzu Zu! Avuzbakalnu hun, vaxun törəyinşakit'oğoy say t'eq'ədər bakale ki, azuk'xo əmələ eğale vi nəsiləxun. İçal sa azuk' təə, k'əşinen bǒq'ə̌lpi çark'est'es nu bakala hama! Padçağxo c'eğale vi nəsiləxun!

Burqesun 48:3

oşal İosifi loxol běği pine: «Zu hələ Kənan oç̌ala bakat'an Bitova Başarbala Buxačuxe za ak'eśi Luza. Şot'in za xeyir-bərəkət tadi

Ǐvel mə̌ğurxo 68:4

Buxačuğoynak' mə̌ğpanan, Şot'ay s'iya mə̌gěn alabanan, Asoyxoy loxol Tarak'alt'u tərifləyinşanan! Q'ončuxe Şot'ay s'i, Ak'est'anan ef mǔqluğa Şot'ay bakala gala!

Ǐvel mə̌ğurxo 83:18

Barta Va, İz s'i Q'ončux bakalt'u çalxeq'at'un, Avabakeq'at'un me dünyəni kalo Vi baksuna, ay Ala Arśi Buxačux!

C'eysun 15:3

Q'ončux q'oççağe, Q'ončuxe Şot'ay s'i.

C'eysun 23:21

Şot'o fikir tadanan, iz əyitəl běğanan. Şot'ay əyitəxun ma c'ekinan - şot'in tene bağışlayinşal, şot'aynak' ki, k'ə bsanesa Bez s'iyene bsa.

C'eysun 3:14

Buxačuğon Moiseya pine: «Zu Həmişə Bakalozu». Oşa pine: «İsrailluğo upa ki, "Həmişə Bakalo" s'iyen bakalt'ine ef t'ǒğǒl za yaq'abe».

İoan 8:58

İsusen şot'oğo pine: «Serina, serinaz və̌x nex: Avraham nanaxun bakalt'uxun běš Zu Bakalozu».