C'eysun 6:1 - Udi

¹ Q'ončuğon Moiseya pine: «Bezi faraona k'ə bsuna ak'alnu: Bezi zorba kiin t'etər bale ki, faraonen israilluğo tərbale, şot'oğo içincə ölkinəxun şəp'eğale».

C'eysun 6:1 Iomraidhean Croise

Ǐvel mə̌ğurxo 12:5

«Fağırxoy zülüməz ak'i, Kəsibxoyal şivanaz ibaki; İsə şot'oğo köməyboz, içoğoy haraya p'ap'oz» nexe Q'ončuğon.

Ǐvel mə̌ğurxo 12:6

Q'ončuğoy pit'oğo əyit butene, Şo gam buxarin boş c'emaxun vǔğ kərəm xebi təmizbi gümüş k'inək'e.

Ǐvel mə̌ğurxo 136:12

İz zorba kiin, İz hər şeya başarbala kiine c'evk'i şot'oğo t'et'iin, Həmişəluğe Şot'ay nu badalbakala çuresun.

Ǐvel mə̌ğurxo 89:13

Zorbane, başarağlune Vi kul, Vi kiyele hər şey!

C'eysun 11:1

T'e vədə Q'ončuğon Moiseya pine: «Faraoni q'a misirluğoy loxol sa cazal yaq'aboz. Mot'oxun oşa şot'in və̌x memiin tərbale, lap şəp'eğala bakale!

C'eysun 12:31

Hat'e üşe faraonen Moiseya q'a Aarona k'alpi pine: «C'ekinan takinan! Bito israilluğoval ext'i bezi azuk'axun ə̌xil bakanan! Takinan ef çureğalt'u banan, Q'ončuğo bul k'os'banan.

C'eysun 12:33

Misirluğon israilluğo içoğoy ölkinəxun c'eysuna kapt'unst'ay. Şot'oğon next'uniy: «Tenesa bütüm biyalyan».

C'eysun 12:39

Şot'oğon Misirəxun c'eğat'an içoğoxun ext'i ə̌yinsuz boq'oyaxun baldamacxot'un badi. T'e boq'oy ə̌yinsuz, ěqeśinut' boq'oyey, axıri şot'oğo Misirəxun şəp't'unsay, t'et'iya çurpi içoğoynak' ukun həzirbala vaxt' buteney.

C'eysun 13:14

Gələcəye ef ğarmoğon və̌xun "mo het'aynak'e?" pi xavar haq'at'an şot'oğo metər upanan: "Q'ončuğon yax Misirəxun, beşi k'ul baki ölkinəxun İzi zorba kiin c'evek'i.

C'eysun 13:16

Barta morox vaynak' vi kiin nəəl vi k'odoğoy loxol bakala sa nišan k'inək'q'an baki ki, Q'ončuğon yax Misirəxun İz zorba kiin c'evksuna eyex efanan».

C'eysun 13:3

Moiseyen camaata pine: «Q'ončuğon və̌x İzi zorba kiin Misirəxun, efi k'ul baki oç̌alaxun c'evk'i ğina eyex efanan. Me ğine ə̌yinla šum ma ukanan.

C'eysun 13:9

Barta me axsibaya c'ovakest'un və̌ynak' ef kiin saal ef k'odoğoy loxol bakala sa nišan k'inək'q'an baki ki, Q'ončuğoy tadi me buyruğ ef eyexun nu c'eğane. Axıri Q'ončuğon və̌x İzi zorba kiin Misirəxun c'evek'i.

C'eysun 14:13

Moiseyen isə azuk'a metəre pi: «Ma q'ı̌banan! Ost'aar çurpanan, Q'ončuğon ğe və̌x hetər çark'est'una ak'alnan. Me misirluğo ene sal sa vədə tenan ak'al.

C'eysun 15:6

Ay Q'ončux! Vi yön kul ost'aar hamal zorbane. Ay Q'ončux! Vi yön kiinen düşmənə k'as'p'i.

C'eysun 7:4

faraonen və̌x ǔmǔx tene laxal. T'e vədə Zu Bez kula Misiri oç̌ala boxodi bı̌hi cazoox yaq'abi Bezi q'oşuna - Bezi azuk' bakala israilluğo t'et'iin c'evk'oz.

C'eysun 7:5

Bez kula Misiri oç̌ala boxodi israilluğo şot'oğoy kiyexun çark'est'ala vədine misirluğon avabakalt'un ki, Q'ončux Zuzu!»

Ams'i oç̌ala 11:23

T'e vədə Q'ončuğon Moiseya pine: «Q'ončuğoy kiyexun k'ə tene ayesa ki? İsə běğa Bez uk'alt'oğo hetərez bex p'ap'espsa!»

Ams'i oç̌ala 23:23

İak'ovi nəsilə əfçibsun falçin əş tene, İsrailluğo sal sa cadunen biteneq'sa! Me azuk'a běği "mo Buxačuğoy əşe!" next'un.

Ap'ost'olxo 13:17

İsrailluğoy Buxačuğon beşi bavoğo-kalboğone c'ək'p'i, Misirə q'ərib k'inək' yəşəyinşala vədine şot'oğoy saya avuzbi kala sa azuk'e bi. Oşa İzi hər şeya başarbala kiin şot'oğo Misirəxun c'evk'i