C'eysun 4:11 - Udi

¹¹ Q'ončuğon şot'o pine: «Amdara muz tadiyo şuva? Amdara lal, kar, k'ač'i nəəl iz ak'es baksuna tadiyo şuva? Mot'o balo Zu Q'ončux tezu ki?

C'eysun 4:11 Iomraidhean Croise

Burqesun 11:7

Nexzu śiğen mot'oğoy sunaxun əyitk'ala muza cöyben, barta suna maq'at'un q'amişaki».

Burqesun 18:14

Q'ončuğoy kiyexun nu ayeğala şey tene bu! Eğala usen Bezi pi vədine eğoz, Saray q'ujelal sa ğar əyel bakale».

Ǐvel mə̌ğurxo 146:8

K'ač'it'oğoy piyel işiğ eçala Q'ončux, Bitit'u kul biq'i alabala Q'ončux, İzi laxi yaq'en tağalt'u çureğala Q'ončuxe Şo.

Ǐvel mə̌ğurxo 51:15

Bez muza qaypa, ay Q'ončux, Barta bez ǰomoxun Vaynak' tərifq'an bari.

Ǐvel mə̌ğurxo 94:9

Hetəre bakon ki, və̌x ibakseynak' ǔmǔx tadit'in İçin nu ibakane? Nəəl və̌x pul tadit'ay piyexun k'ənesa aç̌ane?

Məsəloox 20:12

İbakala ǔmǔxxoval, ak'ala pulmoğoval - Mot'oğoy p'rannal Yaratmişiyo Q'ončuxe.

Mat'fey 11:5

k'ač'iğoy piyel işiğe eysa, axsağxo tarat'unne, yara baft'iyorox q'olaybaki pakt'unbaksa, karurxon it'unbaksa, p'uriyox běyint'unbaksa, kəsibxoynak'al Mǔq Xavare bayanbaksa.

Luk'a 1:20

Həysə isə, hun bezi pit'oğo nu věbaksuna görə, me əyitmux bex p'ap'ala ğinal śirik' əyitp'es ten bakal, lal bakalnu».

Luk'a 1:64

Hat'e saad şot'ay muz qayeśi, şot'inal Buxačuğo alxışbsane burqi.

İoan 10:21

T'ı̌yə̌mit'oğon isə pit'un: «Morox içust'a murdar uruf bakala amdari əyitmux tene. Maya ak'eśe ki, murdar urufen k'ač'i amdari pulmoğo q'olaybane?»