C'eysun 3:8 - Udi

⁸ Zu şot'o görəz śiri ki, şot'oğo misirluğoy kiyexun çark'est'i me ölkinəxun c'evk'az. Şot'oğo geng, barlu sa oç̌ala, muč'anaq' saal uč' barala oç̌ala - kənanluğoy, xet'luğoy, emorluğoy, p'erizluğoy, xivluğoy saal yevusluğoy oç̌ala taşaz.

C'eysun 3:8 Iomraidhean Croise

Burqesun 11:5

Q'ončuğonal amdarxon biq'ala şəhərə q'a me alloy k'üllinə běğseynak' oq'a śiri

Burqesun 11:7

Nexzu śiğen mot'oğoy sunaxun əyitk'ala muza cöyben, barta suna maq'at'un q'amişaki».

Burqesun 15:13

T'e vədə Q'ončuğon Avrama pine: «İbaka, k'əz nex: vaxun törəyinşaki nəsil bip'baç̌ usen q'ərib sa gala yəşəyinşale, t'iya bakalt'oğonal şot'oğo k'ul k'inək' əşp'est'i koruğ zapest'alt'un.

Burqesun 15:14

Ama Zu t'e ölkin amdarxoy cazina tadoz, vaxun törəyinşaki nəsiləl t'e ganuxun içoğoy kul buy c'eğalt'un.

Burqesun 18:21

Kot'aynak'ez śire, şot'oğoy kiyexun əzyət zap'k'alt'oğon Za k'alpi xoyinšp'at'an pit'oğoy düz baki nu baksuna avabakseynak'. Bez piinez aksun çureśi».

Burqesun 43:11

T'e vədə İsrailen izi ğarmoğo pine: «Əş ki me galane, barta efi uk'aloq'an baki. T'e vədə ekinan metər ben, me oç̌alen tadala baraxun girbanan bapanan efi xaralxoy boş, ən şaat'orox manunesa şot'oğoxun: şaat' adeğala c'əyin, uč', adeğala oyur q'a mət, ereq' q'a badam. Mot'oğo bitova t'e amdareynak' pay taşanan.

Burqesun 46:4

Zu vaxun bakoz: va t'iya taşoz, oşa Bezi kiinal qaydi c'evk'oz t'et'iin vaxun törəyinşakit'oğo. Vi t'ǒğǒl bakale İosif hun vi pula q'ic'p'i t'e dünyəne tağat'an».

Burqesun 50:24

İosif lap q'ojabakeney, sa ği viçimoğo izi t'ǒğǒl k'alpi pine: «Zaynak' male mande, ama avazu ki, Buxačuğon və̌x eyexun tene c'evk'al. Ği eğale Şot'in və̌x me oç̌alaxun c'evk'i taşeri Avrahama, İsaak'a saal İak'ova elasp'i əyit tadi oç̌ala arśevk'ale».

Ǐvel mə̌ğurxo 12:5

«Fağırxoy zülüməz ak'i, Kəsibxoyal şivanaz ibaki; İsə şot'oğo köməyboz, içoğoy haraya p'ap'oz» nexe Q'ončuğon.

Ǐvel mə̌ğurxo 12:6

Q'ončuğoy pit'oğo əyit butene, Şo gam buxarin boş c'emaxun vǔğ kərəm xebi təmizbi gümüş k'inək'e.

Ǐvel mə̌ğurxo 34:8

Q'ončuğo ı̌šabakanan - Şot'ay heq'ədər şaat' baksuna ef piin ak'alnan, Şot'o bač'an taradalo he bəxt'əvəre!

Ǐvel mə̌ğurxo 91:15

İbakoz şot'o za k'alk'at'an, İz t'ar ğine kiyexun biq'oz şot'ay, Çark'est'i hörməti q'ončux booz!

C'eysun 12:41

Bip'baç̌ otuz usen tamam baki ğine Q'ončuğoy azuk' bakala israilluyox dəst'inen Misiri oç̌alaxun c'ert'un.

C'eysun 12:51

Q'ončuğonal hat'e ği israilluğo Misirəxun dəst'inen c'evek'i.

C'eysun 13:5

Q'ončuğon və̌x ef bavoğo əyit tadi elasp'i k'inək', kənanluğoy, xet'luğoy, emorluğoy, xivluğoy, yevusluğoy oç̌ala tadat'an, muč'anaq' q'a uč' barala t'e oç̌ala və̌x eçat'an, mot'oğo hər aviv xaşast'a əməlbanan:

C'eysun 3:17

Əyitez tast'a ki, və̌x Misirə bakala əzyətəxun çark'est'i kənanluğoy, xet'luğoy, emorluğoy, p'erizluğoy, xivluğoy saal yevusluğoy ölkinə - muč'anaq' saal uč' barala oç̌ala taşoz".

C'eysun 34:11

Zu ğe və̌x tadala əmirxo əməlbanan. Zuval ef běšt'an emorluğo, kənanluğo, xet'luğo, p'erizluğo, xivluğo saal yevusluğo şəp'eğoz.

C'eysun 5:23

Faraoni t'ǒğǒl Vi s'iyen exlətpseynak' taśit'uxun mağay şot'in me azuk'a zülüme tast'a. Hun isə Vi azuk'a ten çark'est'i».

Ams'i oç̌ala 13:18

T'e ölkinə piyexun c'ovakest'anan. Běğanan běyn t'e oç̌al saal t'iya bakala amdarxo hetərt'un: zorbat'un yoxsa zəyif, gelet'un yoxsa mal?

Ams'i oç̌ala 13:19

İçoğoy yəşəyinşala ölkə hetəre: şaat'e yoxsa pis, běyn amdarxo mayat'un yəşəyinşbsa: ayizmoğo yoxsa q'alala şəhərmoğo?

Ams'i oç̌ala 13:27

Şot'oğon Moiseya pit'un: «Yan vi pi ölkinə bayanki, şo həgigiyal muč'anaq' q'a uč' barala sa oç̌ale! Moval t'iyanin meyvoox!

İoan 3:13

Göynuxun śiri Amdari Ğaraxun başq'a şuk'k'al göynul laśi tene, saycə Amdari Ğare t'et'iya bake.

İoan 6:38

Axıri Zu göynuxun Bez çureğalt'u bseynak' tez śire, Za Yaq'abit'ay çureğalt'u bex p'ap'esbseynak'ez göynuxun śire.