C'eysun 3:16 - Udi

¹⁶ Taki, israilluğoy ağsaq'q'alxo girba, şot'oğo metər upa: «Həmişə Bakalt'in, ef bavoğoy Buxačuğon - Avrahami Buxačuğon, İsaak'i Buxačuğon saal İak'ovi Buxačuğon, za ak'eśi mot'oğone pi: "Və̌x saal Misirə ef bel me əşurxo eçalt'oğo bitova azaksa.

C'eysun 3:16 Iomraidhean Croise

Burqesun 1:7

Haketərəl baneki, Buxačuğon havinaxun bakala sa zahman yaratmişi xeyurxoy qǐt'u me zahmanaxun ala, qǐt'uval oq'ane efi.

Burqesun 21:1

Q'ončuğon isə İzi tadi əyiti loxol çurpi Sara eyexun tene c'evk'i,

Burqesun 28:13

Q'ončuğon isə me piləkəni lap alin muxe loxol çurpi içu metəre nex: «Zu vi bavoğoy, Avrahami q'a İsaak'i Buxačux bakala Q'ončuxzu, Va q'a vaxun bakit'oğo tadoz Zu vi həysə bul laxi bask'i oç̌ala.

Burqesun 48:15

Şot'in İosifa me əyitmoğo pi xeyir-bərəkəte tadi: «Bezi bavoğon qə̌veğala Buxačux, Avrahami q'a İsaak'i Buxačux beziyal Buxačuxe! Şo həmişə, ğeyin ğinal śirik' za bəsləyinşi běğiyone, hetər ki sa çobanen izi sürünə bəsləyinşi běğane.

Burqesun 50:24

İosif lap q'ojabakeney, sa ği viçimoğo izi t'ǒğǒl k'alpi pine: «Zaynak' male mande, ama avazu ki, Buxačuğon və̌x eyexun tene c'evk'al. Ği eğale Şot'in və̌x me oç̌alaxun c'evk'i taşeri Avrahama, İsaak'a saal İak'ova elasp'i əyit tadi oç̌ala arśevk'ale».

Ǐvel mə̌ğurxo 102:21

Bayanbakale t'e vədə Q'ončuğoy s'i Sion buruğoy bel, Mə̌ğpi tərifləyinşalt'un Şot'o Yerusalima bul k'os'bseynak' gireśi azuk'xon q'a padçağluğxon.

Ǐvel mə̌ğurxo 33:18

Q'ončuğoy pul İçu çalxalt'oğoy loxole, Hər şeyi Şot'ay nu badalbakala çuresunaxun eysuna věbakalt'oğoy loxol.

Ǐvel mə̌ğurxo 8:4

Fikirezbsa ki, amdar hik'k'ale! Ama Hun p'urumal şot'o eyexun ten c'evksa! İnsan şuva ki? Ama Hun p'urumal şot'ay fikirən zap'e!

C'eysun 1:8

Oşa t'etər sa vədəne hari ki, Misirə İosifa nu çalxala sa padçağe taxt'a laśi.

C'eysun 13:19

Moiseyen İosifi ǔq'ěnxoval içuxun taneşeri, şot'aynak' ki, İosifen israilluğo «Buxačuğon müt'lək' və̌x çark'est'ale, tağala vədine və̌xun bezi ǔq'ěnxoval memiin c'evk'anan» pi elase tadest'ey.

C'eysun 15:14

Azuk'xon mot'o ibaki t'ut'uk'alt'un, Filist'luğo q'ǐyen bot'ale.

C'eysun 17:5

Q'ončuğon Moiseya pine: «Azuk'i boşt'an sa hema ağsaq'q'alxoval ext'i běš taki. Nil oqa duği çombağal vi kiyel ext'a.

C'eysun 18:12

Oşa Moiseyi q'ayinba Yet'ronen Buxačuğoynak' bok'ospsuni saal q'erəz q'urbanxone eçeri. Aaronal, israilluğoy ağsaq'q'alxoval hari Moiseyi q'ayinbaxun sagala Buxačuğo həsr baki ı̌vel ukunaxunt'un kəyi.

C'eysun 2:25

Buxačuğon israilluğoy k'ul baksuna anek'i, İz pula şot'oğoxun tene zapi.

C'eysun 24:11

Ama Buxačuğon israilluğoy kalaluğbalxo bestenebi. Şot'oğon Buxačuğo at'unk'i, ama hələl ham ut'unksay, ham ǔt'ǔnğsay.

C'eysun 3:2

Bürdən Q'ončuğoy angel sa ləmbin boş arux k'inək' ak'eśi. Aruğoy boş ləmbin bəc'ük'eśi nu boksuna ak'ala

C'eysun 3:6

Oşa pine: «Zu vi bavoğoy Buxačuxzu: Avrahami Buxačuxzu, İsaak'i Buxačuxzu saal İak'ovi Buxačuxzu». Mot'o ibaki Moiseyen iz ç̌oya but'ek'i, şot'aynak' ki, Buxačuğoy loxol běğsuna q'ı̌nebsay.

C'eysun 4:1

Ama Moiseyen metəre coğab tadi: «P'oy şot'oğon za nu věbaki, bezi əyitə nu ǔmǔxlaxi "Q'ončux va ak'eśitene" uk'ayt'un?»

C'eysun 4:29

Şot'oğon taśi israilluğoy bütüm ağsaq'q'alxo girt'unbi.

C'eysun 4:31

Azuk'al mot'oğo věnebaki. Şot'oğon Q'ončuğoy israilluğoy əzyətə ak'i İz kula şot'oğoy loxolxun nu zapsuna ibakat'an, Şot'o bult'un k'os'bi.

C'eysun 4:5

Oşa Q'ončuğon pine: «Me nišan şot'o görəne ki, israilluğon Q'ončuğoy, içoğoy bavoğoy - Avrahami Buxačux, İsaak'i Buxačux saal İak'ovi Buxačuğoy va ak'esuna věbakat'un».

Mat'fey 26:3

Samci běyinšxo q'a israilluğoy ağsaq'q'alxo isə hame vədine samci běyinšxoy kalo bakala K'ayafay məəlnet'un gireśey.

Luk'a 1:68

«Alxışq'an baki İsraili Buxačux Q'ončuğo! Şot'aynak' ki, İz azuk'a eyex badi şot'o çark'esedi,

Luk'a 19:44

Vaal, vi boş bakala amdarxoval əfçibalt'un. Vast'a sa ǰěna ǰěne loxol tet'un bark'al, şot'aynak' ki, Buxačuğoy va ı̌šalayinşakala vədinə ten q'amişaki».

Ap'ost'olxo 11:30

Haketərəl bit'un, tənginə girbi Barnabaxun q'a Şaulaxun yaq'at'unbi ki, taşeri t'iya bakala viçimoğoy əşurxo taşala ağsaq'q'alxoq'at'un tadi.

Ap'ost'olxo 15:14

Buxačuğon q'erəz millətxoxun bakalt'oğoxun İz ç̌oya nu tarast'una, şot'oğoy boşt'an c'ək'eśit'oğo İz s'iya duği afırıpes bakala sa azuk' bsuna həysə Simonaxun iyanbaki.

Ap'ost'olxo 20:17

Milet'axun P'avelen Efesa xavare yaq'abi ki, t'iya İsusi laxi yaq'en tağalt'oğoy ağsaq'q'alxo iz t'ǒğǒlq'at'un hari.